ဆန္ဒပြသူများကို အီဂျစ်ရဲတပ်ဖွဲ့က ပြင်းပြင်းထန်ထန် သတိပေး

ဆန္ဒပြသူ အစ္စလာမ်မစ်များအနေဖြင့် လမ်းများကိုပိတ်ဆို့၍ ယာဉ်ကြောပိတ်အောင်ဆန္ဒပြ ပါက ပြင်းထန်စွာဖြိုခွင်းသွားမည် ဖြစ်ကြောင်း အီဂျစ်ပြည်ထဲရေးဝန်ကြီးဌာနက စနေနေ့ကပြင်းထန်သည့် သတိပေးချက် တစ်ရပ်ထုတ်ပြန်ခဲ့ကြောင်း စက်တင်ဘာ ၁၅ ရက်က အေအက်ဖ်ပီ သတင်းဌာနမှ ဖော်ပြထားသည်။

အီဂျစ်တပ်ဖွဲ့များက အစ္စလာမ်မစ်သပိတ်စခန်းနှစ်ခုကို ဖြိုခွင်းနှိမ်နင်းခဲ့အပြီး တစ်လအကြာတွင် ထိုသတိ ပေးချက်ကို ထုတ်ပြန်လိုက်ခြင်းဖြစ်သည်။ ပြီးခဲ့သည့်လအတွင်းက ထိုသပိတ်စခန်းနှစ်ခုကို ဖြိုခွင်းခဲ့ရာ တွင်ဆန္ဒပြသူများ သေဆုံးခဲ့သဖြင့် လူ့အခွင့်အရေးအဖွဲ့များက အီဂျစ်အစိုးရကို ဝေဖန် ခဲ့ကြသည်။

ဇူလိုင်လ ၃ ရက်က သမ္မတမိုဟာမက်မော်စီကိုဖြုတ်ချ၍ စစ်တပ်က အာဏာသိမ်းခဲ့ခြင်းကို ဆန့်ကျင်သည့်အနေဖြင့်၊ ထောင်နှင့်ချီသည့် ဆန္ဒပြသူများသည် သောကြာနေ့ကလည်း ကိုင်ရိုမြို့တွင်စုဝေး၍ ဆန္ဒပြခဲ့ကြရာ၊ စနေနေ့တွင် သတိပေးချက်ထွက်ပေါ်လာခဲ့ခြင်း ဖြစ်သည်။

ဆန္ဒပြသူများသည် ယာဉ်ကြောများ ပိတ်ဆို့အောင်လုပ်ခြင်း၊ သတင်းထောက်များကို အတင်း အကျပ်ခေါ် ဆောင်ကာ ၎င်းသတင်းထောက်များ၏ ပစ္စည်းကိရိယာများအား သိမ်းယူခြင်းအစရှိသည့် ရာဇ၀တ်မှုအများ အပြားကို ကျူးလွန်နေကြသည်ဟု အီဂျစ်ပြည်ထဲရေးဝန်ကြီးဌာနက စွပ်စွဲထားသည်။

“လမ်းပိတ်ဆို့မှုများ သို့မဟုတ်ယာဉ်ကြောပိတ်အောင် ပြုလုပ်ခြင်းများနှင့် နိုင်ငံသားများ၏ လုံခြုံရေးအား ခြိမ်းခြောက်မှု မှန်သမျှကို ၀န်ကြီးဌာနအနေဖြင့် အစွမ်းကုန်ပြတ်ပြတ်သားသား ထိပ်တိုက်ရင်ဆိုင်သွား မည်” ဟု အီဂျစ်ပြည်ထဲရေးဝန်ကြီးဌာနက သတိပေးခဲ့သည်။

မော်စီ၏ မွတ်စလင်ညီအစ်ကိုများအဖွဲ့ လှုပ်ရှားမှုအားအီဂျစ်တပ်ဖွဲ့ဝင်များက နှိမ်နှင်းခဲ့သောကြောင့် သေ ဆုံးသူပေါင်းမှာ သြဂုတ်လ ၁၄ ရက်မှ စတင်ရေတွက်လျှင် ရာနှင့်ချီ၍ရှိနေပြီဖြစ်ကာ ဆန္ဒပြသူ ၂,၀၀၀ ကျော်လည်း ဖမ်းဆီးခံခဲ့ရပြီး ဖြစ်သည်။ သြဂုတ်လ ၁၄ ရက်တွင် ရဲတပ်ဖွဲ့ဝင်များက အင်အားအသုံးပြုကာ သပိတ်စခန်းနှစ်ခုကို ဖြိုခွင်းခဲ့သည်။

ဆန္ဒပြသူ အစ္စလာမ်မစ်များကမူ အပတ်စဉ်စုဝေးဆန္ဒပြမှုများ ဆက်လက်ပြုလုပ်မည်ဟု ကြေညာထားပြီး၊ ငြိမ်းချမ်းစွာ ဆန္ဒပြမှုများဖြစ်ကြောင်း အခိုင်အမာဆိုထားသည်။

ဆန္ဒပြသူ ၂၀၀ ခန့်သည် ကိုင်ရိုမြို့ရှိ ရက်ဘာအယ်လ်အဒါဝီယာ (Rabaa al-Adawiya) ရင်ပြင်အနီးသို့ စနေနေ့က ချီတက်ဆန္ဒပြခဲ့ကြသည်။ ပြီးခဲ့သည့်လက ဖြိုခွင်းခံခဲ့ရသည့် အဓိကသပိတ်စခန်းမှာ ထိုရင်ပြင်တွင် တည်ရှိခဲ့ခြင်း ဖြစ်သည်။

ထိုသပိတ်စခန်းနှင့် ကိုင်ရိုမြို့ရှိ တခြားသပိတ်စခန်းတစ်ခုအား ဖြိုခွင်းနှိမ်နင်းမှုကြောင့် လူပေါင်းရာနှင့်ချီ၍ သေဆုံးခဲ့ကြရသည်။
ထိုအကြမ်းဖက်ဖြိုခွင်းမှုအား “အီဂျစ်ခေတ်သစ်သမိုင်းတွင် အဆိုးရွားဆုံးသော၊ အစုလိုက်အပြုံလိုက် ဥပဒေမဲ့သတ်ဖြတ်မှုဟု လူ့အခွင့်အရေးစောင့်ကြည့်ရေးအဖွဲ့က ဝေဖန်ခဲ့သည်။

အစိုးရကမူ ၎င်းတို့၏ လုပ်ရပ်ကိုကာကွယ်ပြောကြားခဲ့ပြီး၊ ဆန္ဒပြသူများဘက်မှ စတင်ပစ်ခတ် လာသော ကြောင့် သာ ရဲများကအကန့်အသတ်ဖြင့် တုံ့ပြန်ခဲ့ခြင်းဖြစ်သည်ဟု ဆိုခဲ့သည်။

ရက်ဘာအယ်လ်အဒါဝီယာ  အနီးရှိ နက်ဆာစီးတီး  ဒေသတွင် စနေနေ့က အမျိုးသားများ၊ အမျိုးသမီးများနှင့် ကလေးများသည် “ရက်ဘာ၊ ရက်ဘာ”  ဟု ဟစ်ကြွေးကာ ငြိမ်းချမ်းစွာ ချီတက်ဆန္ဒပြခဲ့ကြသည်။

အီဂျစ်တွင် သမ္မတမော်စီ ဆန့်ကျင့်ရေးဆန္ဒပြပွဲများ အကြီးအကျယ်ပေါ်ပေါက်လာခဲ့အပြီးတွင်၊ ဇူလိုင်လ ၃ ရက်က အီဂျစ်စစ်တပ်က သမ္မတမော်စီအားဖြုတ်ချကာ အာဏာသိမ်းခဲ့ခြင်း ဖြစ်သည်။ မော်စီမှာ အီဂျစ်တွင် ပထမဆုံးဒီမိုကရေစီနည်းကျ အရွေးခံခဲ့ရသည့်သမ္မတ ဖြစ်သည်။

အီဂျစ်တွင် သွေးထွက်သံယိုများ ဖြစ်ပွားခဲ့သည့် သြဂုတ်လလယ်မှစ၍ အရေးပေါ်အခြေအနေ ထုတ်ပြန်ထားခဲ့ရာ၊ ပြီးခဲ့သည့် ကြာသပတေးနေ့တွင် ကြားဖြတ်အစိုးရအဖွဲ့ သမ္မတအက်ဒ်လီမန်ဆွာ (Adly Mansour) က အရေးပေါ်အခြေအနေကို နောက်ထပ်နှစ်လသက်တမ်း ထပ်တိုးလိုက်ကြောင်း ကြေညာခဲ့ပြီး လုံခြုံရေးအခြေအနေများကြောင့် ထိုကဲ့သို့ သက်တမ်းတိုးရခြင်းဖြစ်ကြောင်း ပြောကြားခဲ့သည်။