ငါးဖမ်းလှေများ မုန်တိုင်းအန္တရာယ်မှ ရှောင်ရှားနိုင်ရန် နေရာများ ကြေညာ

Tuesday, May 14, 2013

မြန်မာ့ပင်လယ်ပြင်က ငါးဖမ်းရေယာဉ်တွေ မုန်တိုင်း အန္တရာယ်က ရှောင်ရှားခိုလှုံနိုင်ဖို့ သတ်မှတ်ေ နရာတွေကို မွေးမြူရေးနှင့်ရေ လုပ်ငန်း ၀န်ကြီးဌာနက မေ ၁၂ ရက်နေ့က ထုတ်ပြန် ပါတယ်။
မြန်မာ့ပင်လယ်ငါးလုပ်ငန်းရေပြင်ထဲက ကမ်းနီး ငါးဖမ်းလှေများ၊ ပြည်တွင်း/ပြည်ပ ကမ်းဝေး ငါးဖမ်းရေယာဉ်များအနေနဲ့ ရခိုင်ပြည်နယ်က သတ်မှတ်နေရာ ၂ ခုနဲ့ ဧရာဝတီတိုင်းက သတ်မှတ်နေရာ ၃ ခုမှာ အချိန်မီခိုလှုံကြဖို့ တိုက်တွန်းထားပါတယ်။

အဲဒီသတ်မှတ်နေရာတွေကတော့ (၁) ရခိုင်ပြည်နယ်၊ ပေါက်တောမြို့နယ်၊ ဖရုံကာကျွန်း။ (၂) ရခိုင်ပြည်နယ်၊ သံတွဲမြို့နယ်၊ သဗြုချိုင်။ (၃) ဧရာဝတီတိုင်းဒေသကြီး၊ ငပုတောမြို့နယ်၊ ဟိုင်းကြီးကျွန်း။ (၄) ဧရာဝတီတိုင်းဒေသကြီး၊ ငပုတောမြို့နယ်၊ ပြင်ခရိုင်ချောင်းဝကျေးရွာ။ (၅) ဧရာဝတီတိုင်းဒေသကြီး၊ ကဒုံကနိကျေးရွာတွေ ဖြစ်ပါတယ်။
ရခိုင်ပြည်နယ်နှင့် ဧရာဝတီတိုင်းဒေသကြီးထဲက ကမ်းနီးငါးဖမ်းရေယာဉ်တွေအနေနဲ့လည်း ငါးဖမ်းဆီးထွက်ခွာခြင်း မပြုကြဖို့နဲ့ နီးစပ်ရာလုံခြုံတဲ့ကျွန်းတွေမှာ ကျွန်းခိုကြဖို့လည်း ကြေညာထားပါတယ်။
မဟာစင် (MAHASEN) ဆိုင်ကလုန်းမုန်တိုင်းဟာ ပိုမိုအားကောင်းတဲ့ ဆိုင်ကလုန်းမုန်တိုင်း အဖြစ် ရောက်ရှိနိုင်တယ်လို့ မိုးဇလက ထုတ်ပြန်ထားပါတယ်။

ဒီမုန်တိုင်းဟာ ရခိုင်ကမ်းရိုးတန်းကို ရိုက်ခတ်နိုင်သလို ဧရာဝတီမြစ်ဝကျွန်းပေါ်ဒေသမှာ မိုးသက်လေပြင်းတွေ ကျနိုင်တယ်လို့ ထုတ်ပြန်ထားပါတယ်။ သက်ဆိုင်ရာပြည်နယ် တိုင်းအစိုးရတွေနဲ့ ပြည်သူတွေကလည်း ကြိုတင်ပြင်ဆင်မှုတွေ လုပ်ဆောင်နေကြပါတယ်။
လက်ရှိမှာတော့ ပြည်တွင်းရေကြောင်းဦးစီးဌာနက ရခိုင်ပြည်နယ်နဲ့ ဧရာဝတီမြစ်ဝ ကျွန်းပေါ် ရေကြောင်း တလျှောက်ပြေးဆွဲနေတဲ့ သင်္ဘောတွေပြေးဆွဲမှုကို မေ ၁၆ ရက်နေ့ထိ ရပ်နားထားပါတယ်။

DVB News