ပြီးခဲ့တဲ့ လအနည်းက စပြီး ဘင်္ဂလားဒေ့ရ်ှနိုင်ငံထဲက ရခိုင်ဘင်္ဂလီများ မြန်မာဘက်ကို ပြောင်းရွေ့ အခြေချမှုတွေ ရှိလာပြီးနောက်ပိုင်း ဆက်လက် မပြောင်းရွေ့စေရန် သက်ဆိုင်ရာ အာဏာပိုင်များက လုံခြုံရေး တင်နယ်စား (ဒေသအခေါ် ဟေရ်မန်)နှင့် ရွာစား (ဒေသအခေါ် ကာရ်ဘာရီ) တွေကို မြို့နယ်အရာရှိတွေက ပြောဆိုလာကြောင်း သိရသည်။
မြန်မာဘက်ကို ဆက်လက်မပြောင်းရွေ့ရန် ရှင်းပြပြောကြားစေရန်နှင့် ပြောင်းရွေ့မည့် အစီစဉ်များကို စုံစမ်းပြီး သက်ဆိုင်ရာကို သတင်းပို့ကြရန် ပြီးခဲ့တဲ့ အပတ်က ခေါ်ယူပြောကြားခြင်းဖြစ်ကြောင်း နယ်စား တဦးဖြစ်သည့် ဦးမောင်ညွန့်က ပြောသည်။
“အခုရက်ပိုင်းတွေမှာ မြန်မာဘက်ကို ပြောင်းသွားကြတဲ့လူတွေ များလာတယ်။ အဲ့ဒီသတင်းတွေကို အာဏာပိုင်တွေက သိသွားပြီးတဲ့နောက်ပိုင်းမှာ ကျနော်တို့ကို ခေါ်ပြောတာဖြစ်တယ်။ ဒါပေမဲ့ ပြောင်းချင်တဲ့ လူကို မပြောင်းဖို့ အတင်း တားဆီးထားလို့မရဘူး” ဟု ဦးမောင်ညွန့်က ဧရာဝတီသို့ပြောသည်။
ဘင်္ဂလားဒေ့ရှ် နယ်စပ်ခြားစောင့်က BGB တပ်အနေဖြင့် မြန်မာဘက်သို့ ကူးပြောင်းမည့် သူများကို တားဆီးနိုင်ရန် နယ်စပ်တွင် လုံခြုံရေး တိုးမြှင့်ထားသော်လည်း ပြောင်းရွေ့လိုသူများသည် BGB များမရှိသည့် အချိန်ကိုစောင့်ပြီး ပြောင်းရွေ့သွားကြကြောင်း နယ်စပ်အနီးရှိ ဆပ်ဒါလာမှ ရွာစားတဦးကပြောသည်။
“BGB ကတော့ တားဆီးဖို့ လုံခြုံရေးတွေတိုးချလာတာတွေရှိတ
ယခုလို တားဆီးမှုတွေ ပြုလုပ်နေသော်လည်း ဘင်္ဂလားဒေ့ရ်ှနိုင်ငံအတွင်းမှ မြန်မာနိုင်ငံဘက်ကို ကူးပြောင်းနေထိုင်လိုသူများမှာ ပိုမို များပြားလာနိုင်ဖွယ်ရှိသည်လို့ လေ့လာသူတွေက ဆိုသည်။
“ဒီနေ့ နိုင်ငံတကာမှ ရခိုင်ပြည်နယ်အတွက် လှူဒါန်းသည့် အလှူကို လိုချင်တဲ့ အခြေအနေ မျိုးတွေကြောင့် မြန်မာဘက်ကို ကူးပြောင်းနေထိုင်ဖို့ ပိုပြီး စိတ်ဝင်စားလာတာဖြစ်တယ်” ဟု ဘန်တရိုမြို့မှ သတင်းထောက်တဦးက ရှင်းပြသည်။
ဘင်္ဂလားဒေ့ရ်ှအတွင်း ရခိုင်မျိုးနွယ်စုများဖြစ်သည့် ရခိုင်ဘင်္ဂလီ၊ မာရမာဘင်္ဂလီ၊ ဆပ်ဘင်္ဂလီ၊ ဒိုင်းနားဘင်္ဂလီ၊ မြိုဘင်္ဂလီ၊ ခမီဘင်္ဂလီ စသည့် လူမျိုးများသည် ဗုဒ္ဓဘာသာဝင်များဖြစ်သည်။
ရခိုင်ပြည်နယ်အစိုးရအနေဖြင့် ဘင်္ဂလာဒေ့ရ်ှနိုင်ငံဘက်ခြမ်းမှာ မြန်မာနိုင်ငံဘက်ခြမ်းသို့ ပြောင်းရွေ့ အခြေချလာသူတွေ အတွက် နေအိမ်နဲ့ ခြံဝင်းတခု၊ လုပ်ကိုင်စားသောက်ရန် အတွက် လယ် ၂ ဧက ထောက်ပံ့ပေးမည်ဖြစ်ကြောင်း ပြောကြားထားသည်။
မြန်မာနိုင်ငံဘက်သို့ ရောက်ရှိလာသူ ဘင်္ဂလားဒေ့ရ်ှနိုင်ငံက ရခိုင်မျိုးစုများအကို မြန်မာအစိုးရ အနေဖြင့် လောလောဆယ် အခြေအနေတွင် ဒုက္ခသည် အနေဖြင့်သာ သတ်မှတ်ထား ပြီး နောက်ပိုင်းကျမှသာ နိုင်ငံသားအဖြစ် အသိပြုပေး ဖွယ်ရှိကြောင်း သိရသည်။
ဘင်္ဂလားဒေ့ရ်ှနိုင်ငံဘက်မှ ပြောင်းရွှေ့လာသူများကို ရခိုင်ပြည်နယ် မောင်တောမြို့နယ်အတွင်းက ခရေမြိုင် ဗောဒီကုန်း၊ လောင်းဒုံနှင့် တောင်ပြို နတလ ကျေးရွာများတွင် ပြန်လည်နေရာချထားပေး ထားကြောင်း နယ်စပ်ဒေသ လူဝင်မှု စစ်ဆေးရေးနှင့် ကွပ်ကဲမှု တပ်ဖွဲ့ (နစက) ဌာနချုပ်မှ တကြပ်ကြီး တဦးမှ ပြောသည်။
“အခုရောက်တဲ့ လူတွေကို နတလရွာတွေမှာ ပြန်လည်နေရာချထားပေးတယ်။ အရင်က ဆောက်ထားတဲ့ အိမ်တွေမှာ လူမရှိတော့ဘူး။ အဲ့ဒီလိုအိမ်တွေမှာ ပြန်ထားပေးတယ်။ နိုင်ငံသား ဖြစ်ခွင့်ပိုင်းကျတော့ အထက်က ဘာမှ မပြောသေးဘူး လောလောဆယ်တော့ ဒုက္ခသည် အနေနဲ့ဘဲ ကူညီနေတာဖြစ်တယ်” ဟု ယင်းတပ်ကြီးကပြောသည်။
ဒေသခံများအဆို အိမ်ထောင်စု ၂၀၀ ကျော် ပြောင်းရွှေ့ပြီးဖြစ်ပြီး နောက်ထပ် ပြောင်းရွှေ့ရန်လည်း ရှိကြောင်းသိရသည်။
ဘင်္ဂလားဒေ့ရ်ှနိုင်ငံသားတွေကို မြန်မာနိုင်ငံဘက်ကို ကူးပြောင်းသွားသည့် စာရင်းကို သက်ဆိုင်ရာ ဌာနတွေကို စာရင်းပေးပို့ရပြီး သူတို့က နိုင်ငံသားအဖြစ်က ရပ်ဆဲရေး မရပ်ဆဲရေးက လောလောဆယ် မဆုံးဖြတ်သေးကြောင်း နယ်စား မောင်နုက ပြောပါတယ်။
“ခုလောလောဆယ်တော့ ကိုယ်နယ်ထဲက ပြောင်းသွားတဲ့လူရှိရင် စာရင်းပို့ပေးရတယ်။ အထက်ကပြော ထားတာကတော့ ဒီဘက်မှာ မကောင်းလို့ မြန်မာဘက်ကိုပြောင်းသွားတယ်။ မြန်မာဘက်မှာ မကောင်းရင် ဒီဘက်ကို ပြန်ပြောင်းလာကြ လိမ့်မယ်လို့ဘဲ ပြောထားတယ်” လို့ ရွားစား မောင်နုက ရှင်းပြသည်။
မြန်မာနိုင်ငံဘက်ကို ဘင်္ဂလားဒေ့ရ်ှနိုင်ငံသားတွေ ကူးပြောင်းနေတဲ့ သတင်းတွေကြားနေသော်လည်း ဘင်္ဂလားဒေ့ရှ် အစိုးရအနေနဲ့ အလေးမထားနိုင်သေးဘဲ နိုင်ငံတွင်း ပြဿနာတွေကိုဘဲ အဓိကဖြေရှင်း ရကြောင်း ကော့စ်ဘာဇာမြို့က ထောက်လှမ်းရေးတဦးကပြောသည်။
“ဒီဘက်ကနေ မြန်မာကိုပြောင်းနေတာတွေကြနေရတယ
------------------------------
ဘန်တရိုဘန်မြို့ရှိ မရမာဈေးမှ ရခိုင်ဘင်္ဂလီ(မောဂ်)များ ဈေးရောင်းနေပုံ
No comments:
Post a Comment