နိုဝင်ဘာ-၈ ၂၀၁၃ M-Media
ယခုနှစ်အတွင်း ကမ္ဘာ့အဆိုးဝါး အပြင်းထန်ဆုံး တိုင်ဖုန်မုန်တိုင်း
တိုက်ခတ်မှုကြောင့် ဖိလစ်ပိုင်နိုင်ငံ တွင် အနည်းဆုံး လူ ၃ ဦးသေဆုံးခဲ့ပြီး
အနည်းဆုံး လူတစ်ဦးပျောက်ဆုံးနေသည်ဟု သိရသည်။ ဟိုင်ယန်ဟု အမည်ရသည့်
အဆိုပါမုန်တိုင်းမှာ ဖိလစ်ပိုင်နိုင်ငံသမိုင်းတွင် အဆိုးဝါးဆုံး
မုန်တိုင်းဟုလည်း ခေါ်ဆိုနိုင်သည်။ သေဆုံး သွားသူများမှာ နှစ်ဦးမှာ
ဓာတ်လိုက်၍ သေဆုံးခဲ့ခြင်းစြဖ်ပြီး အခြားတစ်ဦးမှာ မိုးကြိုးထိမှန်၍
သေဆုံးခဲ့ခြင်းဖြစ်ဟု အမျိုးသား သဘာဝဘေး အန္တရယ်လျှော့ချရေးနှင့်
စီမံခန့်ခွဲရေးကောင်စီမှ AFP သတင်းဌာနသို့ ယနေ့နံနက်တွင် ပြောကြားခဲ့သည်။
ဒဏ်ရာရသူ ၇ ဦးရှိခဲ့ပြီး ၆ ဦးမှာ ပြုတ်ကျသော အရာဝတ္ထုများ
ခိုက်မိခဲ့၍ဖြစ်ကာ၊ အခြားတစ်ဦးမှာ မိုးကြိုးရှပ်ထိခဲ့ခြင်းကြောင့်ဖြစ် သည်။
ထို့ပြင် အဓိကဆိမ်ကမ်းမြို့ဖြစ်သည့် ဆီဘူးတွင် အမျိုးသားတစ်ဦးမှာ
ပျောက်ဆုံးနေသည်ဟု သိရသည်။ သေဆုံးသူများမှာ ပိုမိုများပြားနိုင်ပြီး
မုန်တိုင်းဒဏ် အဆိုးဝါးဆုံး ခံစားရသောဒေသ များအား အာဏာပိုင်များက ချက်ချင်း
ဆက်သွယ်၍ မရနိုင်သေးချေ။ ထိုမုန်တိုင်းမှာ ယနေ့ညနေတွင် ဖိလစ်ပိုင်မှ
ထွက်ခွာဖွယ်ရှိသည်ဟု ခန့်မှန်းထားသည်။
No comments:
Post a Comment