နေအိမ်သို့ ပြန်လည်ရောက်ရှိလာသည့် ဒုက္ခသည်တစ်ဦးနှင့် ဆက်သွယ်မေးမြန်းချက် ....

ဧပြီ ၂၅၊ ၂၀၁၃
M-Media
ထွန်းတောက်

Q - ဒုက္ခသည်စခန်းမှာနေထိုင်နေကြရသူတွေ အိမ်ပြန်ခွင့်ရပြီဆိုတော့ ဘယ်လိုပုံစံမျိုးနဲ့ အိမ်ပြန်ခွင့်ရခဲ့ကြတာပါလဲ။
A - ကျွန်တော်တို့ကို ဒီနေ့ မနက်ပိုင်းမှာ အိမ်ပြန်ခွင့်ပေးပြီး လုံခြုံရေး ကားတွေနဲ့ ပြန်ခေါ်လာခဲ့ပေးပါတယ်။ ဒုက္ခသည်စခန်းက မနက်ကထွက်လာကြပြီးတော့ အိမ်တွေကို ချက်ချင်းမပြန်ရသေးပဲ ပြည်တော်သာ-မြောက် ရပ်ကွက်က အ.မ.က ကျောင်းမှာ ခဏနေရတယ်။ အဲဒီကမှတဆင့် အိမ်တွေကို ပြန်ခွင့်ပေးလိုက်တာ။ ကျွန်တော်လည်း အိမ်ကို သန့်ရှင်းရေးလုပ်နေတယ်။ အခုတော့ ခဏနားလို့ ထမင်းစားနေတာပါ။

Q - ဟုတ်ကဲ့။ ဒုက္ခသည်အားလုံး ပြန်ခွင့်ရတာလားခင်ဗျ။
A - ဒုက္ခသည်အားလုံးတော့ မဟုတ်သေးပါဘူးခင်ဗျာ။ အခုပြန်ခွင့်ရတာက ပြည်တော်သာ-မြောက် ရပ်ကွက်ကပါ။ ပြည်တော်သာ-တောင် ရပ်ကွက်က လူတွေတောင် ပြန်ခွင့်မရသေးပါဘူး။

Q - ဒါဆို လူဦးရေ ဘယ်လောက် ပြန်ခွင့်ရခဲ့ပြီလဲ ခင်ဗျ။
A - လူဦးရေ စုစုပေါင်း (၇၀၀)လောက် ပြန်ခွင့်ရတယ်။

Q - အိမ်ပြန်ခွင့်ရတဲ့သူတွေ အတွက် ရိက္ခာတွေ ထောက်ပံ့မှုပေးလိုက်တယ်လို့ သိရပါတယ်။ ဘယ်လိုတွေ များ ထောက်ပံ့ပေးလိုက်ပါသလဲ။
A - ကျွန်တော်တို့တွေအတွက် (၇)ရက်စာ ရိက္ခာတွေ ထည့်ပေးလိုက်ပါတယ်။ ဆန်၊ဆီ၊ ဆား၊ ကြက်သွန်၊ ငါးသေတ္တာဗူးကအစ ပေးလိုက်ပါတယ်။ အိမ်ထောင်စုနဲ့ပေးတာမဟုတ်ပါဘူး။ လူဦးရေအလိုက် တွက်ပြီး ပေးလိုက်တာပါ။

Q - အခု အိမ်ပြန်ရောက်တော့ ရပ်ကွက်ထဲက အခြေအနေရော ဘယ်လိုရှိပါသလဲ။
A - ရပ်ကွက်မှာ အခုတော့ အေးအေးဆေးဆေးပါပဲ ရပ်ကွက်ထဲက အိမ်နီးချင်းတွေကလည်း ကြိုဆိုကြတယ်။ ဟုတ်ပါတယ်။ ဗုဒ္ဓဘာသာ ညီနောင်တွေပါပဲ။

Q - အခုလို အိမ်ပြန်ခွင့်ရတဲ့အပေါ် ဘယ်လိုခံစားရပါသလဲ။
A - အိမ်ပြန်ခွင့်ရတာကို ကျေနပ်ပါတယ်။ ဘာပဲဖြစ်ဖြစ် ကိုယ့်အိမ် ကိုယ်ရာ ပြန်ရတာကိုပဲ ကျေနပ်ပါတယ်။ ကျွန်တော်တို့ဘ၀တွေကတော့ အစကနေ ပြန်ကြိုးစားရဦးမှာပါ။