“ဘာသာရေးပဋိပက္ခပြဿနာတွေဟာ မြန်မာ့ဒီမိုကရေစီပြုပြင်ပြောင်းလဲရေးကို ဘယ်လောက်ထိခိုက်သလဲ”

(၂ဝ၁၃ ခုနှစ်၊ ဧပြီလ(၂ဝ)ရက် စနေနေ့ည VOA အမေရိကန်အသံ မြန်မာပိုင်းအစီအစဉ်၏ တိုက်ရိုက်လေလှိုင်းဆွေးနွေးပွဲအစီအစဉ်တွင် မြန်မာနိုင်ငံရှေ့နေများကွန်ရက်မှ ရှေ့နေဦးကိုနီ၏ ဆွေးနွေးပြောကြားချက်)

ဘာသာရေးပဋိပက္ခ အသွင်ဆောင်တဲ့ ပြဿနာတွေပေါ်နေတဲ့အတွက် ကျွန်တော်တို့နိုင်ငံ ကို ဘယ်လောက်ထိအောင် ထိခိုက်သလဲဆိုတဲ့ဟာ၊ ဒါတော်တော်အရေးကြီးတယ်ခင်ဗျ။

ကျွန်တော်တို့နိုင်ငံရဲ့ အဆင့်အတန်း ပုံရိပ်က တော်တော်ကျသွားတယ်။ ကျွန်တော်တို့မြန်မာနိုင်ငံဟာ တကယ်တော့ တော်တော့်ကို ယဉ်ကျေးပြီးတော့၊ သဘောကောင်းပြီးတော့၊ လူအများကို စာနာတတ်တဲ့သူတွေလို့ နိုင်ငံတကာက အဲဒီလိုနားလည်တယ်ဗျ။ ဒီ မိတ္ထီလာဖြစ်ရပ်က လူတွေသတ်၊ အိမ်တွေမီးရှို့၊ ကြမ်းကြမ်းတမ်းတမ်း လုပ်လိုက်တဲ့အခါကျတော့ ကျွန်တော်တို့အပေါ်မှာ နိုင်ငံတကာရဲ့ အမြင်ပေါ့ဗျာ။ ပုံရိပ်ကတော်တော်ကျဆင်းသွားတယ်။ ဒါထိခိုက်တာပေါ့ဗျာ။

နောက်တစ်ခါ ကျွန်တော်တို့တိုင်းပြည်မှာ ဒီမိုကရေစီစနစ်ကို ပြောင်းမယ်ဆိုပြီး (၂ဝ⁠ဝ၈)ဖွဲ့စည်းပုံနဲ့ (၂ဝ၁ဝ)က ရွေးကောက်ပွဲတွေ ဘာတွေလုပ်ပြီးတော့ လွှတ်တော်တွေနဲ့ ရှေ့ကိုသွားနေတဲ့အချိန်မှာ ဒီမိုကရေစီစနစ်ကိုပြောင်းနေတာလား? အကြမ်းဖက်စနစ်ကို လုပ်နေတဲ့ လူတွေကရှိနေသလား? မေးစရာမေးခွန်းတွေဖြစ်လာတယ်။

ဒီပဋိပက္ခတွေကို ကျော်လွှားဖို့နည်းလမ်းက တော်တော်လွယ်တယ်ဗျ။ ဒါကိုမပြောခင် ရှေ့ကဖန်တီးတဲ့သူက ဘယ်အတိုင်းအတာအထိ ဖန်တီးမလဲဆိုတဲ့အပေါ်မှာ တော်တော်လေးမူတည်နေသလို၊ နှစ်ပေါင်း(၅ဝ)စစ်တပ်က လက်နက်အင်အားနဲ့ အုပ်ချုပ်ခဲ့တယ်။ ဒါကိုလွတ်မြောက်အောင် ကြိုးစားနေတဲ့အချိန်မှာ လူများစုဘာသာဝင်က ပြန်ဖိနှိပ်တဲ့စနစ်ကို သွားလို့မဖြစ်ဘူးဗျ။

နောက်တစ်ခုက တရားဥပဒေစိုးမိုးမှုမရှိတာပေါ့ဗျာ။ လူတွေသတ်တယ်။ အိမ်တွေမီးရှို့တယ်ဆိုတာ တရားဥပဒေစိုးမိုးမှုမရှိတဲ့လက္ခဏာ။ ဒီလိုဆိုရင် ဘယ်တော့မှ ဒီမိုကရေစီနိုင်ငံ တည်ဆောက်လို့ရမှာမဟုတ်ဘူး။ ဒီလိုဖြစ်နေတဲ့ ပြဿနာဟာ ဘယ်ဘက်ကို ဦးတည်သလဲဆိုတာကို ပြောပြတာပါ။

ဒါကိုရပ်ပစ်အောင် ဘယ်လိုလုပ်မလဲ။ ကောင်းအောင် ဘယ်လိုလုပ်မလဲ။ တော်တော့ကိုလွယ်တယ်နော်။ လွယ်တယ်၊ လွယ်တယ်၊ အရမ်းကိုလွယ်တယ်။

ဘာဖြစ်လို့တုန်းဆိုတော့ ဒါတွေဟာ ဖြစ်ခွင့်ပေးထားလိုိ့ ဖြစ်နေတဲ့ကိစ္စ။ မဖြစ်စေချင်ရင် ဘယ်လိုမှမဖြစ်နိုင်ဘူး။ ကျွန်တော်တို့ (၂ဝ⁠ဝ၇)ခုနှစ် သံဃာတော်တွေ မေတ္တာပို့ဆန္ဒပြတယ်။ အဲဒါကို မဖြစ်စေချင်တဲ့အခါမှာ ရက်ပိုင်းအတွင်း ဖြေရှင်းပစ်လို့ရတယ်။ ဒီသံဃာတော်တွေက မေတ္တာပို့တာ။ ဘယ်အိမ်မှမီးမရှို့ဘူး။ ဘယ်သူ့မှမသတ်ဘူး။ အဲဒါကို မလိုလားတဲ့အခါမှာ ချက်ချင်းရပ်ပစ်လို့ရတယ်။ အခု မိတ္ထီလာမှာဖြစ်တဲ့ကိစ္စ၊ လူတွေကိုသတ်တယ်။ မသေသေးတဲ့လူကို မီးရှို့တယ်။ ဗလီတွေ ကျောင်းတွေကို မီးရှို့တယ်။ ဗလီကျောင်း မီးရှို့တာ အိမ်တစ်လုံးမီးရှို့တာနဲ့ မတူဘူး။ အိမ်တစ်လုံးက လူတစ်ယောက်ရဲ့အိမ်ပဲ။ လူတစ်ယောက်ပဲ ထိခိုက်နစ်နာတာ။ ဗလီမီးရှို့တယ်ဆိုရင် အဲဒီဘာသာကိုးကွယ်တဲ့သူ အားလုံးရဲ့ အသည်းနှလုံးကို မီးရှို့သလိုဖြစ်တယ်။ ဒါတွေကို လွယ်လွယ်ကူကူလေး လုပ်လို့ရနေတယ်။ ဒါတွေအားလုံးကို ရဲတွေအရှေ့မှာလုပ်နေတာ။ တာဝန်ရှိတဲ့လူတွေရှေ့မှာ လုပ်နေတာ။ တာဝန်ရှိတဲ့လူတွေက ခွင့်ပြုထားလို့သာ လုပ်လို့ရတာပေါ့။ ကျွန်တော့်စကား နည်းနည်းလေး ကြမ်းချင်ကြမ်းမယ်။ တာဝန်ရှိသူက ခွင့်ပြုတယ်ဆိုတဲ့စကားက ဒါကျွန်တော်စွတ်စွဲသလိုဖြစ်တာပေါ့ဗျာ။ ဒါပေမဲ့ ကျွန်တော့်မှာပြောစရာရှိတယ်။ ဥပဒေပေါ့ဗျာ။

ပြစ်မှုဆိုင်ရာဥပဒေပုဒ်မ(၃ဝ၂)အရ လူသတ်မှကျူးလွန်ရင် အဲဒီလူကို သေဒဏ်ခင်ဗျ။အဲဒီလို လူသတ်တဲ့သူကို ဘယ်အရပ်သားမဆို သတ်ပစ်လိုက်လို့ရတယ်။ ပြစ်မှုဆိုင်ရာဥပဒေပုဒ်မ(၁ဝဝ)အရ သတ်ပစ်လိုက်လို့ရတယ်။ လူတစ်ယောက်ကို သေလောက်အောင်လုပ်ရင်၊ လူတစ်ယောက်ကို နာလောက်အောင်လုပ်ရင်၊ လူတစ်ယောက်ကို မုဒိန်းကျင့်ရင်၊ နောက် လူတစ်ယောက်ကို ဓမ္မတာနဲ့ဆန့်ကျင်တဲ့နည်းနဲ့ ကာမကိုရယူရင်၊ လူတစ်ယောက်ကို ခိုးရင်၊ လူတစ်ယောက်ကို ချုပ်ထားရင်၊ အဲဒီအချက်(၆)ချက်မှာ သတ်ပစ်လို့ရတယ်။ ဆိုလိုတာက မိတ္ထီလာမှာ လူတွေကို အေးအေးဆေးဆေး သတ်နေတယ်။ အဲဒီလိုလူသတ်နေတဲ့သူကို ကာကွယ်ခုခံပိုင်ခွင့်အရ တရားခံတွေကို ပစ်သတ်ပစ်လို့ရတယ်။ နောက် ပြစ်မှုဆိုင်ရာဥပဒေပုဒ်မ(၄၃၆) မီးဖြင့်အကျိုးဖျက်ဆီးမှုလို့ခေါ်တယ်။ အိမ်ကိုမီးရှို့ဖျက်ဆီးတဲ့သူကို ပစ်သတ်ပစ်လို့ရတယ်။ ထောင်ဒဏ်တစ်သက်ထိုက်တဲ့အမှုကို ကျူးလွန်တယ်။ ဒီလိုလူကို ပစ်သတ်လို့ရတယ်။ ဒီလိုဥပဒေတွေ ရှိရဲ့သားနဲ့ တကယ်တမ်း လူသတ်နေတဲ့ဟာ၊ အိမ်တွေကို မီးရှို့ဖျက်ဆီးနေတဲ့သူတွေကို အရေးမယူဘဲ ခွင့်လွှတ်ထားတဲ့အတွက် ဒီပြဿနာဟာ ကြီးသွားတယ်။ အဲဒီတုန်းက အရေးမယူနိုင်ခဲ့ရင်လည်း အခုပြီးသွားတဲ့အချိန်မှာ ဒီလူတွေ လုပ်တဲ့ဟာတွေ အားလုံးဟာ ဗီဒီယိုမှတ်တမ်းတွေရှိတယ်ခင်ဗျ။ ဒီလူတွေကို ထိ⁠ထိရောက်ရောက် အရေးယူလိုက်ရင် ဒီပြဿနာဟာ ရှေ့ဆက် မလုပ်ရဲတော့ဘူး။ အခု အဲဒီလို အရေးမယူတဲ့အတွက် ပဲခူးတိုင်းအနောက်ခြမ်းအထိကူးတယ်။ ဆိုလိုတာက နံပါတ်(၁)က စကတည်းက ပြည်ထဲရေးဝန်ကြီးဌာန၊ မြန်မာနိုင်ငံရဲတပ်ဖွဲ့က ဒီကိစ္စကို လုံးဝခွင့်မလွှတ်ရဘူး။ တားဆီးရမယ်။ အဲဒီမှာတစ်ချို့ကပြောသေးတယ်။ နိုင်ငံရေးပါတီခေါင်းဆောင်တချို့က ပြောသေးတယ်။ ရဲတွေက အမိန့်မရလို့ပါဆိုတော့ မဟုတ်ဘူး။ ရဲက အမိန့်တောင်းစရာမလိုဘူး။ အဲဒါကျွန်တော် အတိအကျပြောမယ်။ ရဲလုံးဝအမိန့်တောင်းစရာမလိုဘူး။ ပစ်သတ်ပစ်လို့ရတယ်။ အာဏာပိုင်တွေဘက်က အရေးယူတဲ့နေရာမှာ လိုအပ်ချက်တွေရှိတယ်ဆိုတာထက်ကိုလုံးဝအရေးမယူဘဲ လွှတ်ပေးထားတယ်။ တာဝန်မဲ့တယ်။ အရေးယူရန်ပျက်ကွက်တယ်။ တာဝန်ယူဖို့ လုံးဝပျက်ကွက်တယ်။

“တရားဥပဒေစိုးမိုးမှုအားနည်းတယ်”

VOA မေး = ဒေါ်အောင်ဆန်းစုကြည်ကိုယ်တိုင် ဥက္ကဋ္ဌအဖြစ် ဦးဆောင်တဲ့ လွှတ်တော်က တရားဥပဒေစိုးမိုးရေးကော်မတီဆိုတာလည်း ရှိနေပါပြီ။ လွှတ်တော်နဲ့ အုပ်ချုပ်ရေးပိုင်းရဲ့ အခန်းကဏ္ဍက ဒီပဋိပက္ခတွေကို ကျော်လွှားဟန့်တားဖို့အတွက် ဘယ်လောက်ထိ လုပ်နိုင်မလဲလို့ ကျွန်တော်တို့ မျှော်လင့်လို့ရမလဲ ?

ဦးကိုနီ ဖြေ = ကဏ္ဍသုံးခုရှိတယ်ဗျ။ လွှတ်တော်ရယ်၊ အုပ်ချုပ်ရေးကဏ္ဍရယ်၊ တရားရေးဌာနရယ် သုံးခုရှိတယ်ခင်ဗျ။ ပဋိပက္ခဖြစ်တာတို့၊ တရားဥပဒေစိုးမိုးမှုမဲ့တာတို့ဟာ တိုက်ရိုက်ကြီးအားဖြင့် လွှတ်တော်နဲ့ မဆိုင်လှဘူး။ ဖြစ်လာတဲ့အခါမှာတော့ ပတ်သက်တာပေါ့။ အဓိက နံပါတ်(၁)ဆိုင်တာက အုပ်ချုပ်ရေးဌာန၊ ဆိုလိုတာကတော့ သမ္မတကြီးပေါ့ဗျာ။ သမ္မတကြီးဦးဆောင်တဲ့ အုပ်ချုပ်ရေးဌာနက အဓိကတာဝန်ရှိတယ်။ ဒါကိုမဖြစ်အောင် သူတို့တားရမယ်။ တကယ်လို့ မတားနိုင်လို့ ဖြစ်ခဲ့ရင်တောင် ဖြစ်ပြီးတဲ့နောက်ပိုင်းမှာ ကျူးလွန်တဲ့သူတွေကို ထိ⁠ထိရောက်ရောက် အရေးယူရမယ်။ တရားရေးဌာနကလည်း တရားဥပေးစိုးမိုးရေးအတွက် သိပ်အရေးကြီးတယ်။

[၂ဝ၁၃ ခုနှစ်၊ ဧပြီလ(၂ဝ)ရက် စနေနေ့ည VOA အမေရိကန်အသံ မြန်မာပိုင်းအစီအစဉ်၏ တိုက်ရိုက်လေလှိုင်းဆွေးနွေးပွဲအစီအစဉ်တွင် မြန်မာနိုင်ငံရှေ့နေများကွန်ရက်မှ ရှေ့နေဦးကိုနီ၏ ဆွေးနွေးပြောကြားချက်များကို ရေးသားဖော်ပြခြင်းဖြစ်ပါသည်။]