ဆန်းလွင် မွတ်စလင်မ် ဖြစ်ခဲ့လေသလား။

ကျနော်ဟာ ငယ်စဉ်ကတည်းက စာအုပ်စာပေတွေကို လေ့လာဆည်းပူးခဲ့သော်လည်း တွေ့ကရ စာအုပ်ကို ဖတ်ရှုလေ့မရှိပါ။ ဘာဖြစ်လို့လဲဆိုတော့ ကျနော်တို့ရဲ့ဘ၀ဆိုတာ အရမ်း တိုတောင်းတယ်။ တိုးတောင်းတဲ့ ဘ၀ထဲမှာ လုပ်စရာတွေ၊ လေ့လာစရာတွေက အများကြီးပဲ။ အဲဒီတော့ စာအုပ်တစ်အုပ်ကို မဖတ်ခင်မှာ အဲဒီ စာအုပ်ရေးတဲ့သူကို အရင် လေ့လာ ဆန်းစစ်လေ့ ရှိပါတယ်။

ကောင်းပြီ။ ယနေ့မနက် ကျနော့အနေနဲ့ ဆန်းလွင်ဆိုတဲ့ စာရေးသူက ရေးသားခဲ့တဲ့ “ရတနာသုံးပါးကို ယုံကြည်ကိုးကွယ်လာသူ တစ်ယောက်အကြောင်း”ဆိုတဲ့ စာအုပ်ကို နည်းနည်းလေး စပြီး ဖတ်ကြည့်ပါတယ်။ ဘာဖြစ်လို့လဲဆိုတော့ အဲဒီစာအုပ်ကို ဗုဒ္ဓဘာသာဝင်တွေကနေပြီး အစ္စလာမ်ဘာသာဝင်တွေကို “ဟေ့-လူ၊ ဒီစာအုပ်ကို လေ့လာကြည့်စမ်းပါ။ ဒါ မင်းတို့ရဲ့ အစ္စလာမ်ဘာသာဝင်အဖြစ်ကနေပြီး ဗုဒ္ဓဘာသာကို ကူးပြောင်းလာတဲ့ သူရေးထားတဲ့ စာအုပ်။ ဘာသာကြီးလေးမျိုးစလုံး အကြောင်းတွေ အကုန်လုံးပါတယ်” စသည်အားဖြင့် ညွှန်းလေ့၊ လက်ဆောင်ပေးလေ့ရှိကြောင်း သိရှိခဲ့ရလို့ပါ။

ဒါပေမဲ့ စာအုပ်ရဲ့အစမှာတင် ကျနော်တွေ့လိုက်ရတဲ့ အချက်ကတော့ ဆန်းလွင်ဟာ အစ္စလာမ်ဘာသာဝင် အလျဉ်း မဟုတ်ခဲ့ပါ။ ဒီလို ပြောလိုက်လို့ အံ့သြသွားလိမ့်မယ်။ သူဟာ ကာဒီယာနီတစ်ဦး ဖြစ်တယ်။ ကာဒီယာနီဆိုတာက အစ္စလာမ်ရဲ့ အမည်ခံထားသော်လည်း အစ္စလာမ်နဲ့ မည်သို့မျှ မပတ်သက်တဲ့ အုပ်စု ဖြစ်တယ်။ ရှုပ်သွားမှာဆိုးလို့ ဥပမာ ပေးလိုက်မယ်။ အစားအသောက်မှာ ဟလာလ်တံဆိပ် ရိုက်နှိပ်ထားတိုင်း ဟလာလ် မဟုတ်သလိုပေါ့ဗျာ။ ဒီအချက်ကို သူ့စာအုပ်ရဲ့ စာမျက်နှာ (၂၇) နဲ့ (၂၈) မှာ လေ့လာနိုင်တယ်။

ဆန်းလွင် ဖတ်ရှုလေ့လာခဲ့တဲ့ ကျမ်းမြတ်ကုရ်အာန်ရဲ့ ဘာသာပြန်နဲ့ပတ်သက်ပြီး သူက ဒီလို ရေးသားထားတယ်။ “ဘာသာပြန်သူ မည်သူနည်း။ ဟာဇရတ်မီးရ်ဇာဂူလမ်အဟ်မာဒ် (Hazrat Mirza Ghulam Ahmad) ဆိုသော အမည်ကို တွေ့ရပါသည်။” စာလုံးပေါင်းအသံဖလှယ်မှုကလည်း မှားနေပါတယ်။ သူ့အနေနဲ့ ကမ္ဘာပေါ်မှာ သန်း (၄၀၀) ကျော်သော လူထုကြီးက ပြောဆိုနေတဲ့ အူရ်ဒူစာပေနဲ့ ဘာသာစကားကို လေ့လာသင်ယူဆည်းပူးခဲ့ရဖူးဟန် မတူပါ။ ‘ဟ’မှာ သံရှည်သရ မူရင်းမှာ မပါရှိပါ။ ထို့ကြောင့် ‘ဟာ’ဟု ဖလှယ်လျှင် မှားသွားပါလိမ့်မယ်။ ရှည်နေမှာမို့ အမှန်ကို ဖလှယ်ပြလိုက်ပါ့မယ်။ ဟဇရသ်မိရ်ဇာဂိုလာမ်အဟ်မဒ်ပါ။ အဲဒီသူဟာ ကျနော် စောစောက တင်ပြခဲ့တဲ့ ကာဒီယာနီဂိုဏ်း ရဲ့ ခေါင်းဆောင်ပါ။ သူ့အကြောင်းကို သိချင်သူများ တစ်ချို့ စာရေးဆရာတွေက မြန်မာစာပေ နဲ့ ရေးသားထားတဲ့ ဆောင်းပါးရှည်၊ တိုတွေ ရှိနိုင်တာမို့ ရှာဖွေပြီး၊ လေ့လာလိုပါက လေ့လာနိုင်ပါတယ်။

ရှေ့ဆက်ပါ့မယ်။ ယင်းစာမျက်နှာ (၂၇) မှာပဲ “ ‘လာရဟမားနီးရ်ရဟင်းမ်’ တတိယပါဒ၏ အဓိပ္ပါယ်မှာလည်း ....”ဆိုပြီး ရေးထားပြန်တယ်။ အသံထွက် ချွတ်ချော်တိမ်းပါးနေပြီး၊ အသံဖလှယ်မှုက အနည်းငယ် လွဲချော်နေပါတယ်။ လာရဟ်မားနိရ်ရဟင်းမ်ဟု ဖလှယ်မှသာ မှန်ပါလိမ့်မယ်။ ဤသို့ ဖြစ်ရခြင်းမှာ United Nations ရဲ့ ရုံးသုံး ဘာသာစကားလည်းဖြစ်၊ ကမ္ဘာပေါ်တွင် သန်းပေါင်းများစွာ ပြောဆို၊ ရေးသား သုံးစွဲနေသော၊ ရှင်သန်လျှက်ရှိတဲ့ ဘာသာစကားဖြစ်သော အရဗီစာပေနဲ့ ဘာသာစကားကို အနှီ ဆန်းလွင်အနေနဲ့ လေ့လာသင်ယူ ဆည်းပူးခဲ့ဖူးဟန် မတူပါ။

၎င်းဆန်းလွင်က စာမျက်နှာ (၂၈) တွင် ဆက်လက်၍ ရေးသားတင်ပြထားတာက “ငါ့တပည့် တစ်ခုတော့ သတိထားနော်၊ တို့ဘာသာမှာ ... ”ဆိုပြီး သူ့ရဲ့ ဥပဇ္ဈာယ် ကာဒီယာနီဆရာကြီးရဲ့ အဆုံးအမ သြ၀ါဒတစ်ရပ်ကို တင်ပြထားပါတယ်။ အဲဒီ အဆုံးအမကို ထောက်ရှုပြီး၊ သူ့ရဲ့ ဆရာဟာ ကာဒီယာနီဂိုဏ်းသားတစ်ဦးဖြစ်ကြောင်း သိရှိရပါတယ်။ အဲဒီအတွက် ဆန်းလွင်ရဲ့ မိဘတွေဟာလည်း ကာဒီယာနီဂိုဏ်းသားများ ဖြစ်ခဲ့ကြဟန်တူပါတယ်။ ဘာဖြစ်လို့လဲဆိုတော့ ကျနော်တို့ စစ်မှန်တဲ့ မွတ်စလင်မ်တွေဟာ ကာဒီယာနီဂိုဏ်းက ဆရာတွေရဲ့ထံမှာ အစ္စလာမ့်ပညာရပ်တွေကို သင်ယူလေ့မရှိကြသလို၊ ကျနော်တို့ရဲ့ မိဘတွေဟာလည်း အပ်နှံ့လေ့မရှိကြပါဘူး။ ကာဒီယာနီဂိုဏ်းကို ကမ္ဘာ့မွတ်စလင်မ် လူထုကြီးတစ်ရပ်လုံးက ကာဖိရ်ဂိုဏ်းဖြစ်ကြောင်း တစ်ညီတစ်ညွတ်တည်း အကွဲအလွဲ မရှိ လက်ခံထားပါတယ်။ ကမ္ဘာကျော် အစ္စလာမ်အာလင်မ်ပညာရှိ သုခမိန်ကြီးများကလည်း တစ်ညီတစ်ညွတ် တည်း အကွဲအလွဲမရှိ ကာဖိရ်ဂိုဏ်းဖြစ်ကြောင်း လက်ခံထားကြပါတယ်။ ကာဖိရ်ဆိုတာကတော့ တစ်ဆူတည်း၊ တစ်ပါးတည်းဖြစ်တော်မူသော၊ အိုခြင်း၊ နာခြင်း၊ သေခြင်းကင်းတော်မူသော၊ အနှိုင်းမဲ့ ကိုးကွယ်ရာအရှင် အလ္လာဟ်အရှင်မြတ်အား သွေဖည်ငြင်းဆန် ပုန်ကန်သောင်းကျန်းသူကို ခေါ်ပါတယ်။ ဒါကြောင့် ဆန်းလွင်ဟာ အစ္စလာမ်ဘာသာဝင်၊ မွတ်စလင်မ်အဖြစ်ကနေပြီး၊ တခြား ဘာသာကို ကူးပြောင်းသွားခဲ့တယ်ဆိုတဲ့ အချက်ဟာ လုံးဝ လုံးဝ မဟုတ်ပါ။ ထိုသို့ အစ္စလာမ်ဘာသာဝင် မွတ်စလင်မ်အဖြစ်မှ အခြား ဘာသာသို့ ကူးပြောင်းသွားတယ်ဆိုတဲ့ အချက်ဟာ မဟုတ်မမှန် လုပ်ကြံဖန်တီးထားတဲ့ လုပ်ကြံမှုတစ်ရပ်သာဖြစ်ကြောင်း၊ အများပြည်သူကို လိမ်လည်လှည့်စားခဲ့ခြင်း သာ ဖြစ်ကြောင်း တင်ပြလိုက်ရပါတယ်။

နိဂုံးချုပ်အားဖြင့် မည်သူမဆို လွတ်လပ်စွာ ကိုးကွယ်ခွင့်ရှိတဲ့အတွက် ကြိုက်တဲ့ဘာသာကို ကိုးကွယ်လို့ ရပါတယ်။ သို့သော် အစ္စလာမ်ဘာသာက ဘာဖြစ်လို့၊ ညာဖြစ်လို့ စတဲ့၊ စတဲ့ အကြောင်းပြချက် အမျိုးမျိုးပေးပြီး၊ မိမိရဲ့ ချို့ယွင်းမှုများကို ဖုံးကွယ်လိုသူများရဲ့ အမှားများကိုတော့ ဖော်ထုတ်သွားရမှာပါ။ အကယ်၍ သက်ရှိထင်ရှား ရှိနေသေးတယ်ဆိုရင်လည်း Debate လုပ်သွားရမှာပါ။ ဒါမှသာလျှင် လူသားတွေဟာ အမှားနဲ့ အမှန်ကို ခွဲခြားပြီး လိုက်နာနိုင်ပါလိမ့်မယ်။ အစ္စလာမ်သာသနာတော်သည်ကား ၎င်းတို့ မဟုတ်မမှန် လီဆည်ဖန်တီး၍ ပြောဆိုရေးသားခဲ့ခြင်း အမျိုးမျိုးမှ ကင်းစင်၍ အလွန်တရာ မြင့်မြတ်ကာ ပြီးပြည့်စုံသော သာသနာဖြစ်ပါကြောင်း တင်ပြရင်း နိဂုံးချုပ်လိုက်ပါတယ်။

မြန်မာပြည်သူလူထု တစ်ရပ်လုံး မုသားဝါဒီများ၏ မဟုတ်မမှန် လုပ်ကြံဖန်တီးထားသော အလိမ်အညာ အမျိုးမျိုးကင်းဝေးပြီး၊ လှည့်စားခြင်း ခံနေရခြင်းမှ လွတ်မြောက်ကြပါစေ။ ကိုယ်၊ စိတ်၊ ၀ိညာဉ် သုံးပါးစလုံး အေးချမ်းကြပါစေ။ အာမီးန်။

ချမ်းမြေ့
25-01-2013

မှတ်ချက် ။ ။ စာရေးသူ ဆန်းလွင်၏ အမည်အား ၎င်း၏ စာအုပ်အဖုံးတွင် ဖော်ပြထားတဲ့အတိုင်း ဆန်းလွင်ဟုသာ သုံးနှုန်းခဲ့ခြင်းဖြစ်ကြောင်း။