ဆန္ဒပြ သတင်းများ ဒီဇင်ဘာ ၁၃၊ ၂၀၁၂

ဖြေရှင်းမပေးပါက သတ္တုတွင်း ဝန်ကြီးဌာန ကို ရွှေလုပ်သားများ တရားစွဲမည်

မန္တလေးတိုင်း ရမည်းသင်းမြို့နယ်၊ မိုးထိ မိုးမိဒေသ၌ ဖြစ်ပွာ

းနေသော ရွှေတွင်းလုပ်သား ပြဿနာကို တာဝန်ယူ ဖြေရှင်းမပေးပါက ရွှေတွင်းလုပ်သားများက သတ္တုတွင်း ၀န်ကြီးဌာနကို ဥပဒေနှင့်အညီ တရားစွဲဆိုသွားမည် ဖြစ်ကြောင်း ရွှေတွင်းလုပ်သားများနှင့် အမျိုးသားကြီးပွားတိုးတက်ရေးကုမ္ပဏီတို့အကြားကာလအတန်ကြာ ဖြစ်ပွားနေသည့် ပြဿနာကို ဖြေ ရှင်းပေးမည်ဟု အာမခံပေးထားသော်လည်း လက်တွေ့တွင် ဖြေရှင်းပေးမှု မရှိသည့်အတွက် တရားစွဲဆိုရန် ဆောင်ရွက်သွားမည်ဟု အလုပ်သမားခေါင်းဆောင် တဦးဖြစ်သူ ကိုသီဟက ပြောသည်။အမျိုးသားကြီးပွားတိုးတက်ရေး ကုမ္ပဏီသည် ရွှေတွင်းလုပ်ငန်းများကို နိုင်ငံတော် အစိုးရနှင့် အကျိုးတူ လုပ်ဆောင်နေကြောင်း သိရသည်။
သတ္တုတွင်း ၀န်ကြီးဌာနထံ ရွှေတွင်းလုပ်သားများ စုပေါင်းလက်မှတ်ရေးထိုး၍ စာချွန်လွှာတစောင်ကို ယခု သီတင်းပတ်အတွင်း ပေးပို့သွားမည်ဖြစ်ကြောင်း၊ ပေးပို့သည့်နေ့မှစ၍ ရက်ပေါင်း ၉၀ အတွင်း တစုံတခု ဆောင်ရွက်မပေးပါက ၀န်ကြီးဌာနကို တရားစွဲဆိုမည်ဖြစ်ကြောင်း၊ ထိုကိစ္စကို ရှေ့နေ ဦးကြည်ဝင်းနှင့် ဦးဉာဏ်ဝင်းတို့က ကူညီဆောင်ရွက်ပေးသွားမည် ဖြစ်ကြောင်း ကိုဟီဟက ပြောသည်။
၎င်းက “စာချွန်လွှာမှာကတော့ ဒီပြဿနာကို ကြားဝင်ဖြေရှင်းပေးဖို့ အဓိက တောင်းဆိုမယ်။ တောင်းဆိုတာကို ရက် ၉၀ အတွင်းမှာ ၀န်ကြီးအနေနဲ့ တခုခု အကြောင်းမပြန်ရင် တရားစွဲမယ်။ ဒါက ဥပဒေကြောင်းအရ လုပ်တာပါ” ဟု ၎င်းက ဆက်ပြောသည်။
မိုးထိ မိုးမိ ဒေသတ၀ိုက်၌ တနိုင်တပိုင် လုပ်ကိုင်စားသောက်နေကြသည့် လုပ်ကွက်များကို အမျိုးသားကြီးပွားတိုးတက်ရေး ကုမ္ပဏီက သတ္တုတွင်း ၀န်ကြီးဌာနနှင့် ပူးပေါင်း လုပ်ကိုင်သည့်အတွက် တနိုင်တပိုင် လုပ်ကိုင်နေသည့် ရွှေတွင်းလုပ်သားများ၏ လုပ်ကွက်များ နစ်နာဆုံးရှုံးခဲ့ရာမှ နှစ်ဖက်အကြား ပြဿနာ ဖြစ်ပွားခဲ့ကြသည်။ရွှေလုပ်သားများ၏ လုပ်ကွက်များ ပြန်လည်ရရှိရေး ဆန္ဒပြတောင်းဆိုမှုသည် ပြီးခဲ့သည့် ဧပြီလက စတင်ခဲ့သော်လည်း ယနေ့အထိ အောင်မြင်မှု မရရှိသေးပေ။ မိုးထိ မိုးဒေသမှ နေပြည်တော်အထိ ချီတက်ကြရာ အာဏာပိုင်များ၏ တာဆီး ပိတ်ပင်မှုကြောင့် နေပြည်တော် မရောက်မီ ခေါင်းဆောင်တချို့ ဖမ်းဆီးခံခဲ့ရသည်။ရွှေလုပ်သား ခေါင်းဆောင်များဖြစ်သော ကိုနေအောင်ထက်၊ ကိုစောနောင်၊ ကိုရဲရင့်ထွန်းနှင့် ကိုနိုင်ဝင်းတို့ကို နိုင်ငံတော် တည်ငြိမ်အေးချမ်းရေးကို ပျက်ပြားစေသည့် ဥပဒေ ပုဒ်မ ၅၀၅ (ခ) ဖြင့် တောင်ငူထောင်တွင် ဖမ်းဆီးထားကြောင်း၊ ၎င်းတို့ အတွက် အာမခံ မရကြောင်း ရွှေလုပ်သားအရေး ကူညီပေးနေသူ ကိုအောင်ကြီးက ပြောသည်။ ဆန္ဒပြရာတွင် ဦးဆောင်ပါဝင်သူ ၃၀ ခန့်ကိုလည်း ကုမ္ပဏီက စက်တင်ဘာလတွင် တရားစွဲဆိုခဲ့သည့်အတွက် ခံဝန်ကတိဖြင့် နေထိုင်သွားလာနေရကြောင်း သိရသည်။
ကုမ္ပဏီနှင့် ရွှေလုပ်သားတို့အကြား ပြဿနာ ကြီးထွားလာမှုကြောင့် အာဏာပိုင်တချို့က ကြားဝင်စေ့စပ်ပေးသည့်အတွက် ဇွန်လအတွင်း သဘောတူညီမှု ၆ ချက် လက်မှတ်ရေးထိုးနိုင်ခဲ့ကြောင်း၊ သို့သော် ထိုစည်းကမ်းချက်များကို ကုမ္ပဏီက လိုက်နာမှုမရှိသဖြင့် ပြဿနာမှာ ပြေလည်မှု မရနိုင်ဘဲ ဖြစ်နေကြောင်း ရွှေလုပ်သားတဦးဖြစ်သူ ကိုလှိုင်မျိုးအောင်က ပြောသည်။အချက် ၆ ခုတွင် ရွှေလုပ်သားများ ပြန်လည်လုပ်ကိုင်ခွင့်ရရေး၊ ဇုန်အတွင်း စက်များ လည်ပတ်ခွင့်ရရေး၊ ဖမ်းဆီးထားသူများ ပြန်လွှတ်ပေးရေး၊ နစ်နာသူများအား လျှော်ကြေးပေးရေး စသည့်အချက်များ ပါဝင်သည်။ကိုလှိုင်မျိုးအောင်က “ကုမ္ပဏီက စည်းကမ်းတွေ ဖောက်ဖျက်တဲ့အပြင် လုပ်သားတွေနေတဲ့ တဲအိမ်တွေကို မီးရှို့တာ၊ ဖျက်စီးတာတွေကို ကုမ္ပဏီဝန်ထမ်းတွေနဲ့ လုံခြုံရေးအဖွဲ့တွေက ခုရက်ပိုင်းမှာ ဆက်တိုက်လုပ်နေတယ်” ဟု ဆိုသည်။
အမျိုးသားကြီးပွား တိုးတက်ရေး ကုမ္ပဏီတာဝန်ရှိသူများကမူ ၎င်းတို့အနေဖြင့် စည်းကမ်းချက်များ ဖောက်ဖျက်မှု မရှိကြောင်း မီဒီယာများကို မကြာခဏ ဖြေဆိုသည်။အမျိုးသားကြီးပွားတိုးတက်ရေး ကုမ္ပဏီသည် မိုးထိ မိုးမိဒေသရှိ ရွှေလုပ်ကွက် ဧက ၆၁၀၅ ဧကကို အစိုးရထံမှ ရရှိထားကြောင်း၊ ကုမ္ပဏီအနေဖြင့် နိုင်ငံတော် အစိုးရနှင့် အကျိုးတူ ပေါင်းဆောင်ရွက်နိုင်ရန် ၂၀၁၁ ခုနှစ် စက်တင်ဘာလတွင် သဘောတူညီမှု ရရှိထားကြောင်း၊ ထိုလုပ်လုပ်ငန်းမှ ရွှေပိဿာချိန် ၇၃ ပိဿာကို နိုင်ငံတော်အစိုးရထံ လစဉ်ပေးသွင်းရကြောင်း ပြည်တွင်းထုတ် The Messenger ဂျာနယ်၏ အင်တာနက် စာမျက်နှာ၌ သြဂုတ်လ ၂၅ နေ့က ဖော်ပြခဲ့သည်။
အစိုးရနှင့် ကုမ္ပဏီတို့အကြား သဘောတူညီမှု ရပြီးနောက် ၂၀၁၂ ခုနှစ် မေလမှစတင်၍ တနိုင်တပိုင် ရွှေလုပ်သားများ၏ လုပ်ပိုင်ခွင့်ကို ကုမ္ပဏီက ဟန့်တားမှုများ လုပ်ဆောင်ခဲ့ကြောင်း ရွှေလုပ်သားများက ပြောသည်။ ထို့ကြောင့် လုပ်ကိုင်ခွင့်ပြန်ရရေး၊ ၎င်းတို့၏ နစ်နာကြေးများ ပေးဆောင်ရေးတို့အတွက် ဆန္ဒပြ တောင်းဆိုမှုများ ဆက်တိုက် လုပ်ဆောင်ခဲ့ကြခြင်း ဖြစ်သည်။ထိုဒေသ၌ တနိုင်တပိုင် လုပ်ကိုင်စားသောက်နေသူ ရွှေတွင်းလုပ်သားပေါင်း တသိန်းကျော်ရှိကြောင်း အလုပ်သမားအရေး ဆောင်ရွက်နေသူများက ပြောသည်။ ထိုပြဿနာအား အမျိုးသားဒီမိုကရေစီ အဖွဲ့ချုပ် (NLD) ပါတီ၏ လွှတ်တော် ကိုယ်စားလှယ် တချို့က ကြားဝင် ဆောင်ရွက်ပေးနေကြောင်း၊ သို့သော် ကုမ္ပဏီဥက္ကဋ္ဌ ဖြစ်သူ ဦးစောထွန်းရှိန် ကိုယ်တိုင် မလာရောက်ဘဲ ဆုံးဖြတ်ချက် မပေးနိုင်သည့် တာဝန်ခံတချို့သာ လာရောက်သည့်အတွက် အဖြေမထွက် ဖြစ်နေကြောင်း ရွှေလုပ်သားအရေး ဆောင်ရွက်နေသူများက ပြောသည်။ ဒေသဆိုင်ရာ အာဏာပိုင်တို့ကလည်း ယခုလ ၁၇ ရက်နေ့တွင် အဖြေတခုခု ရရှိရေး ကြားဝင်ဆောင်ရွက်ပေးမည်ဟု ပြောဆိုထားကြောင်းလည်း သိရသည်။


တော်ဝင် သစ်စက် အလုပ်သမားအရေး ရန်ကုန်တိုင်း အစိုးရ ညှိနှိုင်းပေး

တော်ဝင် သစ်အချောထည်စက်ရုံမှ ဆန္ဒပြ အလုပ်သမားများသည် ဒီဇင်ဘာ ၁၇ ရက်နေ့မှစတင်၍ လုပ်ငန်းခွင် ပြန်ဝင်ကြ တော့ မည် ဖြစ်ပြီး အလုပ်သမားများကို အလုပ်မ၀င်ခိုင်းခြင်း၊ ဖိအားပေး ခွဲခြားခြင်းများ မရှိစေရန် အလုပ်သမားဝန်ကြီးဌာန အလုပ်သမား ညွန်ကြားမှု ဦးစီးဌာနက တာဝန်ယူ ဆောင်ရွက်ပေးမည်ဟု ဆိုသည်။ခရိုင်အဆင့်၊ တိုင်းအဆင့် အလုပ်သမားဦးစီးဌာနမှ တာဝန်ရှိသူများနှင့် ရန်ကုန်တိုင်း ရွှေပြည်သာ မြို့နယ် ၀ါးတရာ စက်မှုဇုန်ရှိ တော်ဝင် သစ်စက်မှ အလုပ်သမားများ၊ အရပ်ဘက် လူ့အဖွဲ့အစည်းများ ယမန်နေ့က တွေ့ဆုံညှိနှိုင်းရာတွင် ယင်းသို့ ပြောကြားခြင်းဖြစ်ကြောင်း အလုပ်သမားအရေး ဆောင်ရွက်နေသည့် ရန်ကုန်ပြည်သူ့အကျိုးဆောင် ကွန်ရက်မှ ကိုဝေဠုက ပြောပြသည်။
“ဦးကိုကိုထွေး(အလုပ်ရှင်) အယူခံဝင်နေတုန်းမှာ အလုပ်သမားတွေ အလုပ်ပြန်ဆင်းခွင့် ပေးဖို့ ရန်ကုန်တိုင်း ဒေသကြီး အစိုးရက ညှိနှိုင်းပေး ခဲ့တာပါ။ ဒီဇင်ဘာ ၁၇ ရက်မှာ အလုပ်ပြန်ဆင်းပါမယ်”ဟုလည်း ၎င်းက ပြောသည်။
ဒီဇင်ဘာ ၁၂ ရက်နေ့မှ ၁၇ ရက်နေ့အထိ ဆန္ဒပြအလုပ်သမားများ၏ စားဝတ်နေရေးကိုလည်း ၈၈ မျိုးဆက် ကျောင်းသားများအဖွဲ့၊ ရန်ကုန် ပြည်သူ့ အကျိုးဆောင်ကွန်ရက် နှင့် အခြားလူမူအဖွဲ့အစည်းများက တာဝန်ယူ၍ အဆင်ပြေရန် ဆောင်ရွက်ပေးသွားမည် ဖြစ်ကြောင်း သိရသည်။
ပြီးခဲ့သည့် အောက်တိုဘာ ၂၅ ရက်နေ့မှ စတင်၍ သစ်စက်အလုပ်သမားများကို ပြင်ပဆောက်လုပ်ရေး လုပ်ငန်းခွင်များသို့ သွားရောက် လုပ်ကိုင်စေခြင်း အပါအ၀င် အလုပ်ခွင်အတွင်း မမျှတသည့် စည်းကမ်းသတ်မှတ်ချက်များကြေင့် အလုပ်သမားများက ဆန္ဒပြ ခဲ့ကြခြင်း ဖြစ်သည်။နိုင်ငံတော်အဆင့် အလုပ်သမား ခုံသမာဓိ ကောင်စီက နိုဝင်ဘာ ၂၇ ရက်တွင် အလုပ်သမားများ၏ တောင်းဆိုချက်များကို လိုက် လျောရန် ဆုံးဖြတ်ပေးခဲ့သော်လည်း ပိုင်ရှင် ဦးကိုကိုထွေးက ပြည်ထောင်စု လွတ်တော် တရားလွတ်တော်ချုပ်သို့ အယူခံဝင်ထားပြီး အလုပ်ဆင်းခွင့်မပြုရာမှ ဒီဇင်ဘာ ၃ ရက်နေ့က ရွှေပြည်သာ အလုပ်သမားရုံးတွင် စုရုံးခဲ့သည်။ ဒီဇင်ဘာ ၄ ရက်မှ စတင်၍ မရမ်း ကုန်းရှိ ခရိုင် အလုပ်သမား ဦးစီးဌာန ရှေ့တွင် နေ့ည ၉ ရက်ဆက်တိုက် ဆန္ဒပြခဲ့သည်။ ဆန္ဒပြအလုပ်သမား ၂၀၀ ကျော်ရှိကြောင်း သိရသည်။
ရန်ကုန်တိုင်း အလုပ်သမား ခုံသမာဓိရုံး၊ နိုင်ငံတော်အဆင့် အလုပ်သမားခုံသမာဓိ ကောင်စီ တို့က ဆန္ဒပြ အလုပ်သမားများ၏ တောင်းဆိုချက်ကို အလုပ်ရှင်က လိုက်လျောရန် ဆုံးဖြတ်ချက်ချခဲ့သော်လည်း ဦးကိုကိုထွေးက အဆင့်ဆင့် အယူခံဝင်ခဲ့ပြီး နောက် ဆုံးအဆင့်ဖြစ်သော ပြည်ထောင်စု လွှတ်တော် တရားလွတ်တော်ချုပ်သို့ အယူခံဝင်ထားသည်။ အလုပ်သမားများ အနေဖြင့် လျော်ကြေးနှင့် နစ်နာကြေးငွေများ ရရှိရေးအတွက် အယူခံကာလ အပါအ၀င် တရားရုံး အဆုံးအဖြတ် ရရှိရန် ၆ လ ခန့် စောင့်ရမည် ဖြစ်ကြောင်း သိရသည်။


မီးလောင်ဒဏ်ရာရ သံဃာတော်တပါး ထိုင်းနိုင်ငံသို့ ဆေးကု သွားခွင့်ရ

လက်ပံတောင်းတောင်အရေး အကြမ်းဖက် ဖြိုခွဲမှုကြောင့် မီးလောင်ဒဏ်ရာရ သံဃာတပါးဖြစ်သည့် ဦးတိက္ခဉာဏသည် ထိုင်းနိုင်ငံ ဘန်ကောက်မြို့သို့ ဆေးကုသရန် ယနေ့ညနေပိုင်းတွင် သွားရောက်မည်ဟု ဒဏ်ရာရသံဃာတော်များကို ကူညီပေးသူများက ဆို သည်။ ဒဏ်ရာရသံဃာတော်များ ဆေးကုသရေးအတွက် ရွှေည၀ါဆရာတော်မှ လှူဒါန်းငွေများ ကူညီပေးထားကြောင်း၊ ပြည်ပတွင် ဆေးကုသရေးအတွက် အကူညီများလိုအပ်နေသေးကြောင်း၊ အခြားသံဃာတော် ၄ ပါးမှာ မန္တလေး ဆေးရုံကြီးတွင် ဆေးကုသ ခံယူနေဆဲဖြစ်ပြီး နိုင်ငံကူးလက်မှတ် မရရှိသေးကြောင်း ဒဏ်ရာရသံဃာများ ကူညီရေးအဖွဲ့မှ ဆရာတော် ဦးဝိမလက မိန့်ကြား သည်။