ဒေါ်စုနှင့် BBC အင်တာဗျူး (မြန်မာဘာသာပြန်)

Suu ။     ။ ဒီမိုကရေစီလမ်းကြောင်းပေါ်ကို ကျမ တို့ ရောက်နေပြီ ဆိုပြီးလူတွေက အလွယ် တကူ လက်ခံထင်မှတ်နေတယ်လို့  ကျမ ထင် ပါ တယ် ။
ဒီမိုကရေစီဖော်ဆောင်ရေးလမ်းကြောင်းဟာ 
အရှိန်အဟုန်နဲ့ ဖြစ်နေပြီဆိုပြီးတော့ပေါ့လေ.....။
တကယ်တော့ အဲဒီလိုမျိုး လုံးဝ မဟုတ်ပါဘူး ။
အခြေခံဥပဒေကို ဖတ်ကြည့်သူတိုင်း  ကျမတို့ဘာကြောင့် ဒီလို အခြေခံဥပဒေနဲ့ စစ်မှန်တဲ့ 

ဒီမိုကရေစီလူ့အဖွဲ့အစည်း ဖြစ်မလာနိုင်သလဲ ဆိုတာနားလည်နိုင်ပါလိမ့်မယ် ။

Mishal Husain   
လွန်ခဲ့တဲ့နှစ်တွေမှာ မြင်ခဲ့ရတဲ့ အပြုသဘောပြောင်းလဲတိုးတက်မှုတွေကြားထဲမှာ 
သိပ်ပြီး စိတ် မချမ်းသာ စရာကောင်း လှ ၊ မလွယ်လှတဲ့ အဖြစ်တွေကလည်း ရှိနေတယ်နော် ။ 

အထူးသဖြင့် မြန်မာမွတ်ဆလင်တွေကို ဦးတည်ထားတဲ့ အကြမ်းဖက်ပဋိပက္ခတွေပေါ့ ။

အဲဒီအဖြစ်အပျက်တွေနဲ့ ပတ်သက်ပြီး ဒေါ်စု ဘယ်လိုမြင်ပါသလဲ ။တချို့က ဒါကို မျိုးတုန်းသတ်ဖြတ်နေမှု 

( ethnic cleansing ) လို့ ပြောနေကြတယ် ။

Suu
မဟုတ်ပါဘူး ။ မျိုးတုန်းသတ်ဖြတ်မှုဆိုတာ မဟုတ်ပါဘူး ။
ဒါက ပြသာနာအသစ်တစ်ခုဆိုပါတော့....၊ 
ဒါပေမယ့် ပြသာနာအဟောင်းနဲ့လည်း ပတ်သက်နေပါတယ် ။ဒီနေရာမှာ ကျမ သိစေချင်တာက မြန်မာ့

လူဘောင်အဖွဲ့အစည်းထဲမှာ 
သဟဇာတဖြစ်ဖြစ် ပေါင်းစည်းနေထိုင်နေကြတဲ့ သဘောထားမျှတတဲ့ 
မွတ်ဆလင်တွေ အများကြီး ရှိတယ် ဆိုတာပါဘဲ ။
ဒီပြသာနာတွေဟာ မနှစ်က စပေါ်လာတာပါ ။
ဒီလိုဖြစ်ရတဲ့အကြောင်းကလည်း နှစ်ဖက်စလုံးမှာစိုးရွံ့ထိတ်လန့်မှုတွေ ရှိနေလို့ လို့ ထင်ပါတယ် ။ဒီစိုးရွံထိတ်

လန့်မှုတွေဟာ မွတ်ဆလင်တွေဘက်မှ မဟုတ်ပါဘူး ..........
မြန်မာတွေဘက်ကလည်း ရှိနေတယ် ဆိုတာကိုအားလုံးသဘောပေါက်နားလည်ဖို့ လိုပါတယ် ။

Mishal Husain
ဓါးစာခံအများစုဟာ မွတ်ဆလင်တွေဆိုတာကို ဒေါ်စု လက်ခံပါသလား ။မွတ်ဆလင်တွေကို စနစ်တကျ ဦးတည်

တိုက်ခိုက်မှုတွေရှိခဲ့တယ်ဆိုတာ 
အထောက်အထားလည်း ရှိနေပါတယ် ။
Suu
ဟုတ်ပါတယ် ။  မွတ်ဆလင်တွေကို ရည်ရွယ်ပြီးလုပ်တာတွေ ရှိခဲ့ပါတယ် ။ဒါပေမယ့် အကြမ်းဖက်မှုကို

  ဗုဒ္ဓဘာသာဝင်တွေလည်း ရင်ဆိုင်ခံစားခဲ့ရတာပါဘဲ ။နှစ်ဖက်စလုံးမှာ ကြောက်ရွံမှုတွေ ရှိနေတယ် ။ 
ဒါကဘဲ ဒီပြသာနာတွေကို ဦးတည်ဖြစ်စေခဲ့တာပါ ။အားလုံးကို ကျမနားလည်စေချင်တာက ဗုဒ္ဓဘာသာဝင်တွေ

ရဲ့ တုန့်ပြန်ခြင်းတွေကလည်း
ကြောက်ရွံ စိုးထိတ်မှုကိုအခြေခံတယ် ဆိုတာပါဘဲ ။တစ်ကမ္ဘာလုံးမှာ ရှိနေတဲ့ မွတ်ဆလင် အင်အား 

( global Muslim power ) 
သိပ်ကြီးမှန်း လူတိုင်း သိနေကြတယ် ဆိုတာ ကျမတို့အားလုံးလက်ခံကြမှာပါ ။ကမ္ဘာ့နေရာတော်တော်များများ

မှာ ဒီအင်အားကို သိမြင်ကြသလို 
ကျမတို့နိုင်ငံမှာလည်း သိမြင်ကြပါတယ် ။
ဒီလိုကြောက်လန့်မှုတွေ ရှိနေတော့....။  
Mishal Husain
နှစ်ဖက်စလုံးမှာ ကြောက်လန့်မှုတွေ ရှိတယ် ဆိုရင်တောင်မှ ခံစားရတဲ့အတိုင်းအတာ 
ပဏာမချင်း မညီဘူး ဆိုတာကို ဒေါ်စု လက်ခံမလား ။
မြန်မာမွတ်ဆလင် တစ်သိန်းလေးသောင်းလောက် အိုးအိမ်တွေ စွန့်ပြီး 
ဒုက္ခသည်စခန်းတွေမှာ သွားနေကြရတယ်လေ ။သူတို့က ဒီတိုက်ခိုက်အကြမ်းဖက်မှုတွေရဲ့ 

အဆိုးဆုံးဒုက္ခတွေကို ခါးစည်းခံ
ရသူတွေပါ ။
Suu
ဗုဒ္ဓဘာသာတွေအများကြီးလည်း မြန်မာပြည်ကနေ အကြောင်းအမျိုးမျိုးကြောင့် 
ထွက်ခွာသွားခဲ့ကြရတာပါဘဲ   ဒုက္ခသည်စခန်းတွေမှာ အကြောင်းမျိုးစုံနဲ့ ရောက်နေတဲ့ ဗုဒ္ဓဘာသာတွေလည်း အများကြီးပါ ။အများစုဟာ 

ထိုင်းမှာပါ ။ ကမ္ဘာအနှံ့မှာလည်း ပြန့်နေတာပါဘဲ ။ဒါက အာဏာရှင်အစိုးရလက်အောက်မှာ ကျမတို့ 

ခံစားခဲ့ရတဲ့ ဒုက္ခတွေရဲ့ ရလာဘ်ပါ ။အာဏာရှင်လက်အောက်မှာ နှစ်ပေါင်းများစွာ နေရင် လူတွေဟာ 
တစ်ယောက်နဲ့တစ်ယောက် မယုံကြည်တတ်ကြတော့

ပါဘူး အာဏာရှင်အစိုးရတစ်ရပ်ဟာ လူ့အဖွဲ့အစည်းအတွင်းမှာ တစ်ယောက်ကို တစ်ယောက် 
မယုံကြည်မှုကိုမွေးဖွားစေပါတယ် ။

Mishal Husain
ဒါပေမယ့် လူတိုင်း သူတို့ လုပ်ရပ်အတွက် တာဝန်ယူတတ်ရမယ် မဟုတ်လား ။
Suu
ဒါပေါ့။တရားမျှတအောင် တာဝန်ယူဖြေရှင်းပေးမှုတွေ ရှိအောင် 
အစိုးရက ကြပ်မတ်လုပ်ဆောင်ပေးရပါမယ် ။
Mishal Husain 

ဒါပေမယ့် လူတွေ ကိုယ့်လုပ်ရပ် အပေါ်တာဝန်ယူမှု ရှိအောင်တော့ 
အစိုးရက မဆောင်ရွက်ပေးဘူးနော် အထူးသဖြင့် ဗုဒ္ဓဘာသာ ဘုန်းကြီး ဦးဝီရသူလေ ။ အရင် သူက ထောင်ကျနေခဲ့တာ..... ၊နောက်တော့ 

သူ့ကို လွှတ်ပေးလိုက်ကြတယ် ။အခုကျတော့ သူက ပြည်သူတွေထဲမှာ သိပ်ကို လွှမ်းမိုးပြီး ပေါ်ပြူလာ

 ဖြစ်နေတယ်  ။
ပြီးတော့ လူမျိုး ဘာသာနဲ့ ယုံကြည်မှု မတူသူတွေကို ခွဲခြားခြိမ်းခြောက်တဲ့ 
hate speech တွေ ဟောနေတယ်.....
မွတ်ဆလင်တွေကို ခွေးတွေလို့ ပြောတာမျိုး ၊မြန်မာအမျိုးသမီးတွေကို မွတ်ဆလင်တွေက ခိုးနေပါတယ်

ဆိုပြီး

 အပြစ်တင်နေတာမျိုးတွေပေါ့ ။
အဲဒီလို  hate speech  မျိုးကို ဒေါ်စုအနေနဲ့ ရှုတ်ချသလား ။

Suu
ကျမက အမုန်းနဲ့ပတ်သက်ရင် ဘယ်လို အမုန်းမျိုးကို မဆို ရှုတ်ချပါတယ် ။ရှင်ပြောသလို အစိုးရက ဒီကိစ္စမှာ

 တာဝန်ယူဖြေရှင်းပေးတာမျိုး  မရှိဘူးဆိုတာလည်း ဟုတ်ပါတယ် ။ကျမအနေနဲ့ ရှင်တို့ကို တိုက်တွန်းချင်

တာက အစိုးရကို မေးခွန်းထုတ်ကြဖို့ပါဘဲ.....
သူတို့ရဲ့ ပေါ်လစီတွေဟာ ဘာလဲ ၊ အစိုးရအနေနဲ့ ဒီကိစ္စကို ပြေလည်စေဖို့ 
ဘာတွေလုပ်ဖို့ ကြိုးစားနေသလဲ ၊ဘာတွေရော လုပ်နေသလဲ ၊ မလုပ်ဘူးလဲ စသည်ဖြင့်ပါ ။ 
ကျမတို့အစကတည်း ပြောခဲ့ပါတယ် ။တရားဥပဒေစိုးမိုးမှုဟာ မရှိမဖြစ်ပါဘဲ ။ဘာလို့လည်းဆိုတော့ 

မတူညီမှုတွေကို အတူတကွ အဖြေရှာဖို့ မလုပ်နိုင်ခင် 
အားလုံးစိတ်ထဲမှာ စိတ်ချလုံခြုံမှုရှိတယ်လို့ ခံစားမိမှ ဖြစ်မှာပါ ။သူတို့စိတ်ထဲမှာ အိပ်နေတုန်းအသတ်ခံရမယ်

 လို့ ခံစားနေရရင် သဟဇာတဖြစ်မှုတို့ ၊တစ်ယောက်ကိုတစ်ယောက် နားလည်လာအောင် ကြိုးစားဖို့

ဆိုတာတွေကိုလည်း
ဆွေးနွေးကြတော့မှာ မဟုတ်ပါဘူး ။ 

ဒီတော့ ကျမပြောချင်တာက အတိုက်အခိုက်ပါတီဝင်တွေဖြစ်တဲ့
ကျမတို့ကို ဘယ်လို ခံစားနေရသလဲ ၊ဘာတွေလုပ်ဖို့ရှိလဲ မေးနေမယ့်အစား အစိုးရကို မေးဖို့ တိုက်တွန်း

ပါရစေ ။ဘာလို့လည်းဆိုတော့ ကျမတို့အနေနဲ့ အစိုးရတစ်ရပ် လုပ်ရမယ့် ကိစ္စတွေကို 
လုပ်ဆောင်နိုင်တဲ့ အခြေအနေမျိုးမှာ မရှိပါဘူး ။ ရှင်တို့အနေနဲ့ လက်ရှိအစိုးရကို သူတို့ ပေါ်လစီတွေဟာ

 ဘာတွေလဲ ၊သူတို့အနေနဲ့ ဒီပြသာနာကို ဘယ်လို ဖြေရှင်းကိုင်တွယ်နေသလဲ ၊သူတို့ ဘယ်လို 

ကိုင်တွယ်ဖြေရှင်းဖို့ အစီအစဉ်ရှိသလဲဆိုတာ မေးသင့်ပါတယ် ။

Mishal Husain
ပုဂ္ဂိုလ်ရေးမေးခွန်းမေးရမယ်ဆိုရင် လွန်ခဲ့တဲ့နှစ်နှစ်လောက်မှာ ဘယ်အရာတွေကများ 
လိုက်လျောညီထွေနေဖို့ ခက်ခဲခဲ့သလဲ  ။
ဒေါ်စုရဲ့ ဘ၀က အရမ်းကို ပြောင်းလဲသွားခဲ့တယ်လေ ။

Suu
ပွင့်ပွင့်လင်းလင်းပြောရရင်  ထူးထူးခြားခြားတစ်ခုခုကို လိုက်လျောညီထွေအောင်
နေနေရတယ်လို့ မထင်ပါဘူး ။ အခြေအနေတွေကတော့ အသစ်တွေပေါ့လေ......
ဒါပေမယ့် ကျမ ရင်ဆိုင်ဖြတ်သန်းခဲ့ရတဲ့ လွန်ခဲ့တဲ့ ၂၅ နှစ်တာကာလက အခြေ

အနေတွေ ထက် ပိုပြီး ထူးခြားနေတယ်လို့တော့ မဟုတ်ပါဘူး ။
Mishal Husain
ဒါပေမယ့် ဟိုတစ်စ ဒီတစ်စ ဖြစ်နေတဲ့  မိသားစုဆက်ဆံရေးတွေ  ၊သူငယ်ချင်းမိတ်ဆွေနဲ့ ဆက်ဆံရေးတွေ

ကို

 အခုပြန်ပြီး ရတာ  ...... 
အကြာကြီး ဖြတ်တောက်ခံခဲ့ရတဲ့အဆက်အသွယ်တွေကို အခုမှ ပြန်ရတာတွေကရော......။
Suu 
မိတ်ဆွေစစ် မိတ်ဆွေမှန်ဆိုတာ ဘယ်အချိန်ဖြစ်ဖြစ် ပြန်ပြီး အဆက်အဆံလုပ်လို့ရပါတယ် ။သိပ်ပြီး 

မစစ်မှန်တဲ့

 သူငယ်ချင်းမိတ်ဆွေဆိုတာကတော့ ကျမနဲ့ နီးနီးကပ်ကပ်ဆက်ဆံရင် 
အန္တရာယ် ရှိနိုင်တယ်ဆိုတဲ့ ဟိုးအရင်ကတည်း လမ်းခွဲခဲ့ကုန်ကြပါပြီ ။ ပြန်လာတဲ့ လူတွေ လည်း တခါ 

တလေတော့ ရှိပါတယ် ။ 
ဒီလိုဆိုလည်း ကျမကတော့ လက်ခံတာပါဘဲ ........
လူတွေကို တချိန်လုံး ကိုယ်ယုံကြည်ရာကို ပြောဆိုရဲဖို့၊သတ္တိရှိနေဖို့ မျှော်လင့်နေလို့ မရဘူးဆိုတာ ကျမ

လက်ခံပါတယ် ။

အင်တာဗျူးဗီဒီယို  https://www.youtube.com/watch?v=CIF_fTYCy4o
www.newmoekaungkin.blogspot.com

“ဘာသာရေး အကြမ်းဖက်မှုကို မေတ္တာတရားနဲ့ ဖြေရှင်းဖို့” Benedict Rogers တိုက်တွန်း

“ဘာသာရေး အကြမ်းဖက်မှုကို မေတ္တာတရားနဲ့ ဖြေရှင်းဖို့” (ကမ္ဘာလုံးဆိုင်ရာ ခရစ်ယာန်သွေးစည်း ညီညွှတ်ရေးအဖွဲ့

CSW ရဲ့ အရှေ့အာရှရေးရာဌာန အကြီးအကဲ Benedict Rogers နှင့် ဗွီအိုအေ မြန်မာပိုင်းဌာနမှူး ဦးသန်းလွင်ထွန်း တွေ့ဆုံမေးမြန်းခန်း) လူမျိုးမတူသူတွေကြား မုန်းတီးရေးနဲ့ အကြမ်းဖက်လှုံ့ဆော်မှုတွေကို မေတ္တာတရားနဲ့ ငြိမ်းချမ်းရေးအသံတွေက ဖုံးလွှမ်းနိုင်ဖို့ အရေးကြီးတယ်လို့ (Christian Solidarity Worldwide) လို့ခေါ်တဲ့ ကမ္ဘာလုံးဆိုင်ရာခရစ်ယာန်သွေးစည်းညီညွှတ်ရေးအဖွဲ့ CSW က ပြောဆိုလိုက်ပါတယ်။ လူမျိုးရေးနဲ့ ဘာသာရေးအကြမ်းဖက်မှုတွေမှာ ဗုဒ္ဓဘာသာဝင်တွေအားလုံး ပါဝင်ပတ်သက်နေတာ မဟုတ်ဘဲ၊ ၉၆၉ လိုအဖွဲ့တွေ။ ဒါမှမဟုတ် ဘာသာရေးအမည်ခံပြီး မုန်းတီးမှု ဝါဒဖြန့်နေသူတွေက လှုံ့ဆော်နေကြတယ်လို့ ယူဆတဲ့အကြောင်း CSW အဖွဲ့က သုံးသပ်လိုက်ပါတယ်။ Interfaith လို့ခေါ်တဲ့ ဘာသာပေါင်းစုံပါဝင်တဲ့ အဖွဲ့တွေက ငြိမ်းချမ်းရေးလုပ်ငန်းတွေ ကို ဆော်သြလှုံ့ဆော်နေတာတွေကိုလည်း အားပေးဖို့လိုကြောင်း မြန်မာပြည်က ဗုဒ္ဓဘာသာဝင်တွေ အနေနဲ့လည်း ငြိမ်းချမ်းမှုကိုလိုလားတဲ့ အနေအထားတွေကို ပိုပြီးကျယ်ကျယ်ပြန့်ပြန့် ဖော် ထုတ်ပြောဆိုကြဖို့လိုကြောင်း CSW အဖွဲ့ရဲ့ အရှေ့အာရှရေးရာဌာန အကြီးအကဲ Benedict Rogers က ပြောဆိုပါတယ်။ အပြောင်းအလဲတွေ ဖော်ဆောင်နေတာကို အသိအမှတ်ပြု ကြိုဆိုပေမယ့် အစိုးရအနေနဲ့ ဒေသခံအာဏာပိုင်တွေနဲ့ လုံခြုံရေးတပ်ဖွဲ့တွေကို အကြမ်းဖက်မှုတွေကို ဘယ်လိုကိုင်တွယ်ရမလဲဆိုတာကို ထိရောက်စွာ ညွှန်ကြားကြပြီး၊ အကြမ်းဖက်မှု ကျူးလွန်သူတွေအပြင်၊ မုန်းတီးရေး ဝါဒဖြန့်နေသူတွေကိုပါ ဥပဒေအရ တားဆီးအရေးယူဖို့ တာဝန်ရှိကြောင်းလ ည်း ထောက်ပြပါတယ်။

 ဦးသန်းလွင်ထွန်း ။ ။ အထူးသဖြင့် အနောက်နိုင်ငံ မီဒီယာတွေက မြန်မာနိုင်ငံမှာ ဘာသာရေးပဋိပက္ခတွေ ဖြစ်နေတယ်လို့ ပြောပါတယ်။ အစိုးရကတော့ ဘာသာရေး ပဋိပက္ခမဟုတ်ဘူး၊ လူ့အသိုင်းအဝိုင်းကြားမှာဖြစ်တဲ့ သာမန်ခိုက်ရန်ဖြစ်ပွားမှုတွေပဲလို့ ဆိုပါတယ်။ အဲဒါကို ဘယ်လိုမြင်လဲခင်ဗျား။

 Benedict Rogers ။ ။ နှစ်မျိုးစလုံးလို့ထင်ပါတယ်။ ပြဿနာဖြစ်ရတဲ့ အရင်းခံအကြောင်းတွေထဲမှာ ဘာသာရေးသက်သက်တင် မကဘဲ လူမှုရေး၊ စီးပွားရေး အခြေခံပြဿနာတွေ အပြင် နိုင်ငံရေးပြဿနာတွေပါ ပါဝင်နေတာကို တွေ့နိုင်ပါတယ်။ အကြမ်းဖက်မှုတွေဟာ အဓိကအားဖြင့် မွတ်စ်လင်မ်အသိုင်းအဝိုင်းကိုပဲ ပစ်မှတ်ထားခဲ့တာဆိုတော့ ဘာသာရေးအခြေခံ ပြဿနာဆိုတာ ရှင်းပါတယ်။ ဒါပေမဲ့လည်း ကျနော်တို့ ရှင်းရှင်းလင်းလင်း သိထားရမယ့်အချက်က ဒီပြဿနာမှာ ဗုဒ္ဓဘာသာဝင်တွေအားလုံး ပါဝင်နေတာ မဟုတ်ဘူးဆိုတဲ့ အချက်ပါ။ ၉၆၉ အဖွဲ့လိုအဖွဲ့တွေ ဒါမှမဟုတ် ဘာသာရေးအမည်ခံပြီး မုန်းတီးမှုတွေ ဝါဒဖြန့်နေတဲ့လူတွေက လုပ်နေကြတာပါ။ မြန်မာပြည်က ဗုဒ္ဓဘာသာဝင်တွေအားလုံးကို ကိုယ်စားမပြုပါဘူး။ ဗုဒ္ဓဘာသာဝင်အများစုက ဒီအကြမ်းဖက်မှုတွေကို ဆန့်ကျင်ကြပါတယ်။ အဲဒီတော့ ဗုဒ္ဓဘာသာဝင်တွေအနေနဲ့ ငြိမ်းချမ်းမှုကို လိုလားတဲ့ သူတို့ရဲ့သဘောထားတွေကို ပိုပြီးကျယ်ကျယ်ပြန့်ပြန့် ဖော်ထုတ်ပြောဆိုလာကြဖို့ပဲ ဖြစ်ပါတယ်။

 ဦးသန်းလွင်ထွန်း ။ ။ ဒါပေမဲ့လည်း တစ်ချိန်တည်းမှာပဲ အထူးသဖြင့် ပြည်ပရောက် မွတ်စ်လင်မ်တွေအနေနဲ့ မြန်မာနိုင်ငံမှာ မွတ်စ်လင်မ်တွေဟာ အကြီးအကျယ် နှိပ်ကွပ်ခံနေရတဲ့ အခြေအနေတွေမှာ ရှိနေတယ်လို့ ပြောဆိုနေကြတာတွေ ရှိပါတယ်။ ခင်ဗျားရော အဲဒီလို မြင်သလားခင်ဗျား။ 

Benedict Rogers ။ ။ ပြီးခဲ့တဲ့နှစ်အတွင်း မွတ်စ်လင်မ်တွေကို ပစ်မှတ်ထားပြီး အကြမ်းဖက် တိုက်ခိုက်မှုတွေ ရှိခဲ့တယ်ဆိုတာတော့ ကျနော်မြင်ပါတယ်။ ရခိုင်ပြည်နယ်ကအစပြုပြီး မိတ္ထီလာ၊ လာရှိုး၊ ဥက္ကံ စသဖြင့် ပျံ့နှံ့ခဲ့ပါတယ်။ ပြီးခဲ့တဲ့ မတ်လတုန်းကလည်း ကျနော်ကိုယ်တိုင် နေပြည်တော်နားက ကျေးရွာတစ်ခုကို သွားကြည့်ခဲ့ဖူးပါတယ်။ အဲဒီမှာ မွတ်စ်လင်မ်တချို့ တိုက်ခိုက်ခံခဲ့ရတယ်။ ဗလီနဲ့ စာသင်ကျောင်းတချို့ ဖျက်ဆီးမီးရှို့ခံခဲ့ရတယ်လို့ ဆိုပါတယ်။ ကျနော် မရောက်ခင် သုံးရက်လောက်အလိုကမှ ဖြစ်ခဲ့တာပါ။ အရင်က နှစ်ပေါင်း (၂ဝဝ) ကျော် မြန်မာဗုဒ္ဓဘာသာဝင်တွေနဲ့ အတူယှဉ်တွဲနေလာခဲ့တာ ဘာမှမဖြစ်ခဲ့ဘဲ အခုမှ မုန်းတီးတိုက်ခိုက်မှုတွေ ပေါ်လာတာဖြစ်ပြီး သူတို့အားလုံး စိုးရိမ်ထိတ်လန့်နေကြရတယ်လို့ ကျနော့်ကို ပြောပြပါတယ်။

 ဦးသန်းလွင်ထွန်း ။ ။ အဲဒါ ဘာဖြစ်လို့လဲ ခင်ဗျား။ 

 Benedict Rogers ။ ။ ဖြေရတာ အတော်ခက်ပါတယ်။ ပြဿနာက အတော်များပါတယ်။ ပထမအနေနဲ့ကတော့ ၉၆၉ လို အစွန်းရောက် လှုပ်ရှားမှုတွေက ဗုဒ္ဓဘာသာကို ခုတုံးလုပ်ပြီးတော့ မွတ်စ်လင်မ် မုန်းတီးရေးဝါဒ ဖြန့်နေတဲ့ ပြဿနာပါ။ တချို့ကလည်း ဒီပြဿနာမှာ အစိုးရက နောက်ကွယ်က ဝင်ပြီးပါနေတယ်လို့ ဆိုပါတယ်။ ဖြစ်နိုင်ချေရှိပေမယ့် အထောက်အထား အတိအကျတော့ ကျနော်မတွေ့ရပါဘူး။ နောက်တစ်ခုကတော့ ပြဿနာဖြစ်တဲ့ နေရာတွေမှာ လုံခြုံရေးတွေက ထိထိရောက်ရောက်ဝင်ပြီး ထိန်းသိမ်းတားဆီးပေးခြင်း မရှိခဲ့တဲ့အချက်ပါ။ မိတ္ထီလာမှာ ဖြစ်ခဲ့သလိုမျိုးပေါ့။ ရဲတွေက ဝင်ထိန်းပေးမှာ မဟုတ်ဘူး။ လုပ်ချင်တာလုပ်လို့ရမယ်ဆိုတဲ့ အသိမျိုး ရှိနေတော့ လူတွေလက်ရဲဇက်ရဲနဲ့ တခြားနေရာတွေမှာ လိုက်လုပ်တဲ့အဖြစ်တွေ ရှိလာခဲ့ပါတယ်။

 ဦးသန်းလွင်ထွန်း ။ ။ ဒီလိုလုံခြုံရေးက ဝင်တားမပေးတာအပြင် မြန်မာပြည်က ဒေါ်အောင်ဆန်းစုကြည်လို ပုဂ္ဂိုလ်မျိုးကတောင် ဒီဘာသာရေးကိစ္စတွေမှာ နှုတ်ဆိတ်နေတယ်ဆိုပြီး ဝေဖန်တာတွေလည်း ရှိနေပါတယ်။ ဒေါ်အောင်ဆန်းစုကြည်အနေနဲ့ ငြိမ်းချမ်းရေးနဲ့ တရားဥပဒေစိုးမိုးရေးကို အဓိကထားတာကတော့ အမှန်ပါပဲ။ ဒါပေမဲ့ မကြာသေးခင်ကပဲ ဒီလိုဘာသာရေး အကြမ်းဖက်မှု ပြဿနာမျိုးတွေမှာ သူတစ်ယောက်တည်း ဝင်ပြီး တားမြစ်လို့ မရနိုင်ဘူးလို့ပြောခဲ့ပါတယ်။ အဲဒီတော့ ခင်ဗျားအနေနဲ့ ဒေါ်အောင်ဆန်းစုကြည်ရဲ့ အခန်းကဏ္ဍကို ဘယ်လိုမြင်သလဲခင်ဗျား။ မြန်မာ အစိုးရအနေနဲ့ ဘာတွေများ လုပ်ဖို့လိုနေတယ်လို့ ထင်ပါသလဲ။ 

 Benedict Rogers ။ ။  ဒီနေရာမှာ အကြမ်းဖက်မှုတွေကို ဘယ်သူတွေက ကျူးလွန်သလဲဆိုတာနဲ့ ဒီကျူးလွန်မှုတွေကို တားဆီးဖို့ ဘယ်သူ့မှာ တာဝန်ရှိသလဲဆိုတာ ကြည့်ရပါလိမ့်မယ်။ အစိုးရအနေနဲ့ ဒေသခံအာဏာပိုင်တွေအနေနဲ့ လုံခြုံရေးရဲတပ်ဖွဲ့တွေကို ထိထိရောက်ရောက် ညွှန်ကြားပြီး တားဆီးလုပ်ဆောင်သွားဖို့ တာဝန်ရှိတာပါ။ အကြမ်းဖက်မှု ကျူးလွန်သူတွေအပြင် မုန်းတီးရေးဝါဒ ဖြန့်နေ သူတွေကိုပါ ဥပဒေအရ တားဆီးဖို့အရေးယူဖို့ တာဝန်ရှိပါတယ်။ ဒေါ်အောင်ဆန်းစုကြည်ကတော့ အစိုးရမဟုတ်တဲ့အတွက် ဒီကိစ္စတွေမှာ အာဏာမရှိပါဘူး။ အဲဒီတော့ သူတစ်ယောက်တည်း မစွမ်းဆောင်နိုင်ဘူးလို့ ပြောတာဟုတ်ပါတယ်။ သူ့အနေနဲ့ နှုတ်ဆိတ်နေတယ်လို့ အပြောခံရတာလည်း သိပ်တော့မတရားပါဘူး။ တကယ်တမ်းမှာ သူလည်း မွတ်စ်လင်မ်အသိုင်းအဝိုင်း ခေါင်းဆောင်တွေ နဲ့ တွေ့ဆုံခဲ့ပါတယ်။ ဒေါ်အောင်ဆန်းစုကြည်အနေနဲ့က ဒီပြဿနာတွေကို အခုထက်ပိုပြီး ကျယ်ကျယ်လောင်လောင် ဝေဖန်မယ်ဆိုရင် မြန်မာစစ်တပ်နဲ့ရော၊ ၉၆၉ အဖွဲ့လို ဘာသာရေးအဖွဲ့တွေနဲ့ပါ ဆန့်ကျင်ပြောရမယ့်ပုံ ဖြစ်နေတော့ နည်းနည်း အခက်အခဲရှိပါတယ်။ နိုင်ငံရေးသမားတစ်ဦးအနေနဲ့ လာမယ့် ၂ဝ၁၅ ခုနှစ်မှာ အာဏာရယူနိုင်ဖို့ ရည်မှန်းချက်ရှိမယ်ဆိုရင် အနည်းဆုံးတော့ စစ်တပ်က ဆန့်ကျင်မလာစေဖို့ လိုနေတယ်ဆိုတဲ့ အခြေအနေရှိနေတော့ သူလည်းချိန်ဆရတာတွေ ရှိပါလိမ့်မယ်။ ဒါပေမဲ့ နိုင်ငံရေးသမား တစ်ယောက်အနေနဲ့ရော၊ အမျိုးသားခေါင်းဆောင်တစ်ယောက်အနေနဲ့ ပါဆိုရင်တော့ ငြိမ်းချမ်းရေးနဲ့ အတူယှဉ်တွဲ နေထိုင်ရေးတွေကို သူပိုပြောလာလိမ့်မယ်လို့ ကျနော်ယူဆပါတယ်။

 ဦးသန်းလွင်ထွန်း ။ ။ မြန်မာနိုင်ငံမှာ အပေါင်းလက္ခဏာဆောင်တဲ့ တိုးတက်မှုတွေ ရှိနေတယ်လို့ ခင်ဗျားပြောခဲ့ပါတယ်။ အဲဒါဘာတွေလဲခင်ဗျား။ CSW (Christian Solidarity Worldwide) ကမ္ဘာလုံးဆိုင်ရာ ခရစ်ယာန်သွေးစည်းရေးအဖွဲ့ရဲ့ အခန်းကဏ္ဍကရော ဘယ်လိုရှိပါသလဲ။

 Benedict Rogers ။ ။ ဘယ်လို အစိုးရအဖွဲ့အစည်းမျိုးမဆို မှန်ကန်တဲ့လုပ်ရပ်တွေ လုပ်လာပြီးဆိုရင် အသိအမှတ်ပြုရမယ်၊ အားပေးရမှာ ဖြစ်တယ်လို့ ကျနော်ခံယူပါတယ်။ အလားတူပဲ အမှားတွေကို ကျူးလွန်တယ်ဆိုရင် ထောက်ပြဝေဖန်ပြီး အပြောင်းအလဲတွေကို တောင်းဆိုသွားမှာ ဖြစ်ပါတယ်။ မြန်မာအစိုးရရဲ့ အပေါင်းလက္ခဏာဆောင်တဲ့ လုပ်ဆောင်ချက်တွေကတော့ နိုင်ငံရေးအကျဉ်းသားတွေ လွှတ်ပေးတယ်၊ ဒေါ်စုနဲ့ ဆွေးနွေးတယ်၊ ဒေါ်စုကို NLD နဲ့အတူ လွှတ်တော်ထဲ ဝင်ခွင့်ပေးတယ်။ ဒါ့အပြင် မြန်မာနိုင်ငံအတွင်းမှာ လူမှုလူ့အသိုင်းအဖွဲ့အစည်းတွေအတွက် အခွင့်အလမ်းတွေ ပိုရလာပြီးဆိုတာကိုလည်း ကျနော်ကိုယ်တိုင် မြင်ခဲ့ပါတယ်။ မီဒီယာပွင့်လင်းမှုနဲ့ လွတ်လပ်စွာ ဖော်ထုတ်ခွင့်တွေလည်း အတော်ရှိလာနေပါပြီ။ ဒီနှစ်ဆန်းပိုင်းကဆို ဗြိတိန်အထက်လွှတ်တော်က Lord Altorn နဲ့ အတူ မြန်မာပြည်ကို ကျနော်သွားခွင့်ရခဲ့ပါတယ်။ ရန်ကုန်က စားသောက်ဆိုင်တစ်ဆိုင် မှာ နိုင်ငံရေးအကျဉ်းသားဟောင်းတွေ၊ လှုပ်ရှားတက်ကြွသူတွေ၊ လူမှုအဖွဲ့အစည်းဝင်တွေ ရာကျော်နဲ့ တွေ့ဆုံပြီး ဒီမိုကရေစီရေး၊ လူ့အခွင့်အရေးဆိုင်ရာတွေကို ဟောပြောဆွေးနွေးခွင့် ရခဲ့ပါတယ်။ ဒါမျိုးကို လွန်ခဲ့တဲ့ နှစ်အနည်းငယ်အထိ ဘယ်လိုမှ ဖြစ်လာမယ်လို့တောင် မထင်ခဲ့ပါဘူး။ ဒီတော့ ပြောင်းလဲမှုနဲ့ တိုးတက်မှုတွေကို ကြိုဆိုပါတယ်။ ဒါပေမဲ့လဲ အားလုံးကောင်းသွားပြီလို့ အချိန်မတန်ခင် တက်မထောင် အပျော်ကျူးတာမျိုးတော့ ကျနော်မဖြစ်စေချင်ပါဘူး။

 ဦးသန်းလွင်ထွန်း ။ ။ အခု ဘာသာရေးပဋိပက္ခတွေမှာ ကြိုတင်တားဆီးဖို့ရော ဘယ်လို အပေါင်းလက္ခဏာဆောင် လုပ်ဆောင်မှုတွေ တွေ့ခဲ့ရသလဲ။ 

    Benedict Rogers ။ ။   လူမှုအဖွဲ့အစည်းတွေ နေရာရလာတယ်။ လွတ်လပ်စွာ ဖော်ထုတ်ခွင့်တွေ ရှိလာတယ်ဆိုတဲ့ အချက်အရပဲ အပေါင်းလက္ခဏာ ဆောင်တယ်လို့ ပြောနိုင်ပါတယ်။ ရန်ကုန်မှာဆိုရင် Interfaith လို့ခေါ်တဲ့ ဗုဒ္ဓဘာသာ၊ မွတ်စ်လင်မ်စတဲ့ ဘာသာပေါင်းစုံပါတဲ့ အဖွဲ့တွေက ငြိမ်းချမ်းရေးလုပ်ငန်းတွေကို ဆော်သြလုပ်ဆောင်နေတာ တွေ့ရပါတယ်။ ဒါမျိုးတွေကို အားပေးရမှာပါ။ ဒီလိုအဖွဲ့တွေ အများကြီးရှိပါတယ်။ အလားတူပဲ ဗုဒ္ဓဘာသာခေါင်းဆောင်တွေ၊ ခရစ်ယာန်ခေါင်းဆောင်တွေ ကလည်း ကြေညာချက်တွေ ထုတ်ပါတယ်။ မြန်မာခရစ်ယာန်အသင်းတော်က ဘုန်းတော်ကြီး Charles Bo ကဆိုရင် ကြေညာချက်တွေ ထုတ်ခဲ့ပြီး ကျနော်ကိုယ်တိုင်လည်း အတူတွဲပြီး ဆောင်းပါတွေ ရေးခဲ့ပါတယ်။ ဒီလို ပြောဆိုခွင့်ရတာတွေဟာ ကောင်းတဲ့လက္ခဏာပါ။ မုန်းတီးရေးနဲ့ အကြမ်းဖက်လှုံ့ဆော်မှုတွေ ကို မေတ္တာတရားနဲ့ ငြိမ်းချမ်းရေးအသံတွေက ဖုံးလွှမ်းနိုင်ဖို့ အရေးကြီးပါတယ်။

 ဦးသန်းလွင်ထွန်း ။ ။ ပြီးခဲ့တဲ့လတုန်းက တိုင်းမ်စ်မဂ္ဂဇင်း (Time Magazine) မှာ ၉၆၉ ဘုန်းကြီးဝီရသူကို စစ်သွေးကြွဗုဒ္ဓဝါဒီလို့ ခေါင်းစဉ်တပ်လိုက်တော့ မြန်မာပြည်မှာ အတော်များများ ဒေါသဖြစ်ကြပါတယ်။ ဗုဒ္ဓဘာသာဝင်အများစုအနေနဲ့ ဗုဒ္ဓဘာသာနဲ့ ဒီလိုစစ်သွေးကြွဆိုတာကို ရောထွေးပြီး အခေါ်မခံချင်ကြပါဘူး။ ဒါ မအပ်စပ်ဘူးလို့လည်း ဆိုကြပါတယ်။ မြန်မာဗုဒ္ဓဘာသာနဲ့ ပတ်သက်လို့ အနောက်မီဒီယာတွေမှာ မျှမျှတတ ရေးသားမှုတွေရှိတယ်လို့ ထင်သလားခင်ဗျား။ 

      Benedict Rogers ။ ။        အနောက်မီဒီယာတွေက ဝီရသူကို စစ်သွေးကြွဗုဒ္ဓဝါဒီလို့ ခေါ်ဝေါ်တာဟာ တစ်နည်းအားဖြင့်တော့ မှန်တယ်လို့ထင်ပါတယ်။ သူ့ရဲ့ဟောကြားချက်တွေထဲမှာ စစ်သွေးကြွလှုံ့ဆော်ချက်တွေ ပါနေပါတယ်။ ကျနော် နားလည်သလောက် ဗုဒ္ဓဘာသာမှာတော့ ဒါတွေမရှိပါဘူး။ မေတ္တာ၊ ကရုဏာစတဲ့ အဓိကအချက်တွေဟာ ဝီရသူရဲ့ ဟောကြားချက်တွေ နဲ့ ၉၆၉ လှုပ်ရှားမှုတွေမှာ ပျောက်ကွယ်နေပါတယ်။ ဒါကြောင့် ကျနော်ပြောချင်တာက ဒီလှုပ်ရှားမှုနဲ့ လုပ်ရပ်တွေကို စစ်သွေးကြွ ဗုဒ္ဓဝါဒီတွေလို ဖော်ပြတာဟာ မှန်ပါတယ်။ ဒါပေမဲ့ ဒီလှုပ်ရှားမှုတွေဟာ မြန်မာဗုဒ္ဓ ဘာသာဝင်တွေအားလုံးကို ကိုယ်စားပြုနေတယ်လို့ ယူဆရင်တော့ မှားပါလိမ့်မယ်။ ဥပမာ အစ္စလာမ်မှာ အစွန်းရောက် အစ္စလာမ်တွေရှိပေမယ့် အစ္စလာမ်ဘာသာဝင်တွေအားလုံးကို ဆိုလိုတာ မဟုတ်ပါဘူး။ ဒီလိုအခြေအနေမျိုး အထင်အမြင်မှားတာမျိုးတွေကို ရှောင်လွှားချင်တယ်ဆိုရင်တော့ မေတ္တာ၊ ကရုဏာတရားတွေကို ရှေ့ထားတဲ့ ဗုဒ္ဓဘာသာဝင်တွေအနေနဲ့ ဒီမုန်းတီးမှု လှုံ့ဆော်တဲ့လှုပ်ရှားမှုတွေကို ဆန့်ကျင်ကြောင်း ပိုပြီး ရဲရဲဝံ့ဝံ့ ထွက်ပြီးပြောဆိုလာကြဖို့ လိုတယ်လို့ ကျနော် ထင်ပါတယ်။ Refer: VOA News, 01.10.2013

ရခိုင် တိုင်းရင်းသားများ တိုးတက်ရေး ပါတီ RNDP က ဦးဦးလှစော နဲ့ ပြည်ထောင်စု အမျိုးသားများ ဖွံ့ဖြိုး တိုးတက်ရေး ပါတီက ဦးအဘူတာဟေရ် ခေါ် ဦးသာအေး တို့ကို ဗွီအိုအေ မြန်မာပိုင်း အစီ အစဉ် မေးမြန်း ဆွေးနွေးခြင်း

ဦးကျော်ဇံသာ
ဗွီအိုအေ မြန်မာပိုင်း
16.8.2013

ရခိုင် တိုင်းရင်းသားများ တိုးတက်ရေး ပါတီ RNDP က ဦးဦးလှစော နဲ့ ပြည်ထောင်စု အမျိုးသားများ ဖွံ့ဖြိုး တိုးတက်ရေး ပါတီက ဦးအဘူတာဟေရ် ခေါ် ဦးသာအေး တို့ကို ဗွီအိုအေ မြန်မာပိုင်း အစီ အစဉ် ဌာန ချုပ်ကို ဖိတ်ခေါ်ပြီး ရခိုင် ပဋိပက္ခကို ပြေလည်အောင် ဘယ်နည်း ဘယ်ပုံ ဖြေရှင်း နိုင်မလဲ ဆိုတာနဲ့ ပတ် သက်ပြီး ဦးကျော်ဇံသာက မေးမြန်း ဆွေးနွေး ထားပါတယ်။

ဦးကျော်ဇံသာ။ ။ ပထမဆုံး ကျနော် မေးချင်တာက ဆရာတို့ နှစ်ယောက် စလုံးဟာ ရခိုင် ပြည်နယ် က နိုင်ငံရေး ခေါင်းဆောင်တွေ ဖြစ်ပါတယ်။ အခု ရခိုင် ပြည်နယ်မှာ ဖြစ်နေတဲ့ Communal Violence လူ မျိုးရေး၊ ဘာသာရေး အသွင် ဆောင်တဲ့ ပဋိပက္ခဟာ အတော် ကြီးမားတဲ့ ပဋိပက္ခ ဖြစ် တယ်။ နိုင်ငံ တကာ က အာရုံ စူးစိုက် နေတဲ့ ပဋိပက္ခ ဖြစ်ပါတယ်။ ဒီပဋိပက္ခ ပြေလည်ဖို့ လူ့အဖွဲ့ အ စည်း နှစ်ခု သဟ ဇာ တ ဖြစ်အောင် နေနိုင်ဖို့၊ အခြေအနေ ဘယ်လောက်များ နီးစပ် နေပြီလဲ ခင်ဗျ။ ပထမ ဆုံး ဦးဦး လှစော ပြော ပါ ခင်ဗျ။

ဦးဦးလှစော။ ။ တတ်နိုင် သမျ၊ အတတ်နိုင် ဆုံးတော့ ကြိုးစား နေကြ တာပေါ့။ ပထမဆုံး ပြောချင် တာက ဒီကိစ္စဟာ မမျှော်လင့်ပဲ ဖြစ်လာတဲ့ အတွက် (Community) လူမှု အသိုင်း အဝိုင်း နှစ်ခုစလုံးဟာ အင်မတန် ဆိုးဆိုးဝါးဝါး နစ်နာခဲ့ ကြရတယ်။ ကျနော်တို့ (Democratization) ဒီမိုကရေစီ အကူး အပြောင်း ကာလမှာ အသီး အပွင့် လေးတွေ မျှော်လင့် နေတဲ့ အချိန်မှာ ကျနော် တို့ဟာ ဒုက္ခ တွေကိုပဲ ကြုံရတယ်။ အဲ့ဒီ့တော့ ဒီဟာက ဖြစ်လာတဲ့ နောက်ပိုင်းမှာ မမျှော်လင့် နိုင်တဲ့ ပြဿနာ အကြောင်း အရင်း ဇစ်မြစ် တွေကလည်း အင်မတန် ရှုပ်ထွေးတယ် ဆိုတော့ လောလောဆယ် မှာ နှစ်ဘက် စလုံးမှာ ဒုက္ခတွေ တော်တော် ကြုံနေရ တယ်။ အဲ့ဒီ့တော့ အဲ့ဒီ့ ဒုက္ခတွေကို ကျနော်တို့က ဘယ်လို ဖြေရှင်း နိုင်မလဲ ဆိုတဲ့ ပြဿနာကို အရင်ဆုံး သုံးသပ် ရလိမ့်မယ်။ လောလောဆယ်မှာ မူစလင် အသိုင်းအဝိုင်းမှာ တကယ့်ကို ဆိုးဆိုးဝါးဝါး ကြုံနေရတဲ့ ဒုက္ခ၊ ရခိုင်မှာ ကြုံနေရတဲ့ ဒုက္ခ အဲ့ဒီ့ နှစ်ဦးနှစ်ဖက် မှာ ရှိတဲ့ စိတ်ဒဏ်ရာတွေ၊ ရုပ်ဒဏ်ရာ တွေကို ဘယ်လို ကုစားမလဲ ဆိုတာကို ကျနော်တို့ အရင်ဆုံး ဖြေရှင်းဖို့ လိုတယ်။

ဦးကျော်ဇံသာ။ ။ ဟုတ်ကဲ့။ ဦးသာအေး ကရော ခင်ဗျာ။ ဦးသာအေးတို့ ဘယ်လို ပါတီ အနေ နဲ့ ခေါင်းဆောင် တယောက် အနေနဲ့ ဦးဦးလှစော ပြောတဲ့ ဒီပြဿနာ တွေကို ပြည်သူ တွေရဲ့ စိတ်ဒဏ်ရာ၊ ရုပ်ဒဏ်ရာတွေ ကို ပြေပျောက်အောင် ကုစားဖို့ ဘယ်လိုများ ဆောင်ရွက် မယ်လို့ စဉ်းစား ထားပါလဲ၊ ဘယ်လိုများ ဆောင်ရွက် နေပါလဲ ခင်ဗျာ။

ဦးအဘူတာဟေရ်။ ။ ဟုတ်ကဲ့။ ကျနော့် အမြင်နဲ့ ပြောမယ် ဆိုရင် "Sustainable solution" တခု ကြည့် ရမယ်။ ရေရှည် တည်တံ့ ရမယ့် အဖြေ တစ်ခု ရှာဖို့ လိုတယ်။ ဒုတိယ တချက် ကတော့ လတ်တလော ခံစား နေရတဲ့ နှစ်ဖက် လူ့အဖွဲ့ အစည်း ၊ ရခိုင် တိုင်းရင်းသား တွေနဲ့ ရိုဟင်ဂျာ တွေကို သူတို့ကို ဘယ်လို ပြေလည်အောင် လုပ်မလဲ ဆိုတဲ့ အပိုင်း။ နှစ်ခု စလုံး ကတော့ တခုပြီးမှ တခု သွားလို့ မဖြစ်ပါဘူး။ ကျနော်တို့ကပြိုင်တူသွားရမှာဖြစ်ပါတယ်။ လတ်တလော သွားရမယ့် အခြေ အနေမှာ Suffering ဖြစ်နေတဲ့ IDP တွေကို Settlement ဖြစ်အောင် ဘယ်လို လုပ်မလဲ။ Humanitarian aid တွေ ဘယ်လို ပြေ လည်အောင် ဖြေရှင်း ပေးမလဲ။ လတ်တလော အလုပ် အကိုင်တွေ ဘယ်လို ဖြေရှင်း ပေးမလဲ။ ဒါတွေ လုပ်ဖို့ လိုမယ်။

တွေ့ဆုံ မေးမြန်းခန်း အပြည့် အစုံကို အသံဖိုင်မှာ နားဆင် နိုင်ပါတယ်။
- See more at: http://burmese.rohingyablogger.com/2013/08/blog-post_16.html#sthash.31U7vjpV.dpuf

ဇူလိုင်အတွက် GSM မိုဘိုင်းဖုန်း ၂၅ ရက်တွင် ချထားပေးမည်

(မြန်မာ့ဆက်သွယ်ရေးလုပ်ငန်း၊ မိုဘိုင်းဆက်သွယ်ရေးဌာနမှ အင်ဂျင်နီယာချုပ် ဦးခင်မောင်ထွန်းနှင့် တွေ့ဆုံမေးမြန်းခြင်း) 

အခုလမှာ မိုဘိုင်းဖုန်းတွေ ဘယ်တော့လောက် ရောင်းဖို့ စီစဉ်ထားပါသလဲ။

ဇူလိုင် ၂၅ရက်မှာ စပြီးရောင်း ဖို့ စီစဉ် ထားပါတယ်။

စီဒီအမ်အေ ၈၀၀ မဂ္ဂါဟဇ်ဖုန်းတွေချည်း ရောင်းမှာလား။ ဂျီအက်စ်အမ်ရော မပါဘူးလား သိချင်ပါတယ်။

စီဒီအမ်အေ ၈၀၀ မဂ္ဂါဟဇ်မိုဘိုင်းဖုန်း ၁၅၀၀၀၀နဲ့ ဂျီအက်စ်အမ်မိုဘိုင်းဖုန်း ၂၀၀၀၀၀ ကို ရောင်းချပေးနိုင်ဖို့ စီစဉ်ထားပါတယ်။

ဒီကနေ့ မနက်ပိုင်းမှာ ဆက်သွယ်ရေးအဖွဲ့အစည်းတစ်ခုနဲ့ ဆွေးနွေးခဲ့တယ်လို့ သိရပါတယ်။ ဘယ်နိုင်ငံက ဆက်သွယ်ရေးလုပ်ငန်း အဖွဲ့လည်းဆိုတာ သိချင်ပါတယ်။

 

အဲဒီအဖွဲ့က ထိုင်းနိုင်ငံက True အဖွဲ့ ဖြစ်ပါတယ်။ True အဖွဲ့က ထိုင်းနိုင်ငံမှာ ဘာလုပ်ငန်းတွေလုပ်ပါသလဲ။

သူတို့က ဆက်သွယ်ရေးနဲ့ပတ်သက်တဲ့ လုပ်ငန်းမျိုးစုံလုပ်ပါတယ်။ TV ထုတ်လွှင့်မှု၊ အင်တာနက်လုပ်ငန်း၊ မိုဘိုင်းဖုန်းလုပ်ငန်း၊ e-Government လုပ်ငန်း အစရှိတဲ့လုပ်ငန်းတွေကို လုပ်နေတဲ့ အဖွဲ့အစည်းကြီးတစ်ခု

ဖြစ်ပါတယ်။

အဲဒီ True အဖွဲ့က မြန်မာနိုင်ငံမိုဘိုင်းဆက်သွယ်ရေးနဲ့ပတ်သက်လို့ ဘယ်လိုဝေဖန်ချက် ပေးသွား ပါသလဲ။

သူတို့အဖွဲ့ ရန်ကုန်ကနေ နေပြည်တော်ကိုအလာမှာ ရန်ကုန်-မန္တလေး အမြန်လမ်းမကြီးပေါ်ကနေ ကားနဲ့ အဆက်အသွယ်မပြတ်ဘဲ မိုဘိုင်းဖုန်းပြောလို့ရတဲ့အတွက် အလွန်ကျေနပ်မိပါတယ်လို့ မှတ်ချက်ပေးသွား ခဲ့ပါ တယ်။

သူတို့ရဲ့ဝေဖန်ချက်အပေါ် ဆရာက ဘယ်လိုတုံ့ပြန်ခဲ့ပါသလဲ။

“ခင်ဗျားတို့ ကံကောင်းတာပေါ့”လို့ ပြောခဲ့ပါတယ်။

ထိုင်းနိုင်ငံ True အဖွဲ့ရဲ့ မိုဘိုင်းဖုန်းလုပ်ငန်းမှာ ၀န်ထမ်းအင်အားဘယ်လောက်နဲ့ လုပ်နေတယ်လို့ သိရပါသလဲ။သူတို့မှာ မိုဘိုင်းဖုန်းလုပ်ငန်းအတွက် ၀န်ထမ်းအင်အား ၈၀၀၀ လောက်ရှိတယ်လို့ သိရတယ်။

မြန်မာ့ဆက်သွယ်ရေးလုပ်ငန်းရဲ့ မိုဘိုင်းဌာနမှာရော ၀န်ထမ်းအင်အား ဘယ်လောက်ရှိပါသလဲ။

အမြဲတမ်းဝန်ထမ်းဦးရေ ၂၃၀ ၊ ပုတ်ပြတ်နဲ့ နေ့စားဝန်ထမ်းဦးရေ ၁၈၈ဦး၊ စုစုပေါင်း ၀န်ထမ်းဦးရေ ၄၁၈ဦးနဲ့ မြန်မာ တစ်နိုင်ငံလုံးရဲ့ မိုဘိုင်းဖုန်းဝန်ဆောင်မှုတွေကို ဆောင်ရွက်ပေးနေပါတယ်။

ပြည်တွင်းမိုဘိုင်းဖုန်းအသုံးပြုသူအများစုကလည်း ၁၅၀၀တန် ဂျီအက်စ်အမ်မိုဘိုင်းဖုန်းများကို ၀ယ်ယူရန် စောင့်နေကြပြီး မိုဘိုင်းဖုန်းဆိုင်အများစုကလည်း ဂျီအက်စ်အမ်ကတ်များသာ ချပေးပါက ဈေးကွက်တွင်း ဟန်းဆက်ရောင်းအား ပိုမိုကောင်းလာနိုင်သည်ဟု ခန့်မှန်းထားကြသည်။

မျိုးစောင့်ဥပဒေ ထောက်ခံသည့် လက်မှတ်များ ကောက်ခံမှုအပေါ် မဇိ်္ဈမသတင်းဌာန တွေ့ဆုံမေးမြန်းထားမှုအချို့

“ကျွန်တော်က ဒီဥပဒေ ဖတ်ကြည့်ပြီး လက်မှတ်ထိုးတာဖြစ်တယ်။ ကျွန်တော်တို့ဆီမှာ ဒီကိစ္စနဲ့ပတ်သက်ပြီး လက်မှတ်လိုက်ထိုးတာ သုံးခေါက်ရှိပြီး ကျွန်တော်တို့ ပတ်ဝန်းကျင်ကသူတွေတော့ အများအားဖြင့် လက်မှတ်ထိုးကြတယ်။”ဟု လက်မှတ်ထိုးခဲ့သည့် မြောက်ဥက္ကလာပ၊ (၂) ရပ်ကွက်တွင် ဆိုက်ကားနင်းသူ အမျိုးသားက ပြောသည်။

မင်္ဂလာဒုံ (၃/က) ရပ်ကွက်က မမေသဇင်က “စာရွက်က အမျိုးစောင့်ဥပဒေ ကို ထောက်ခံကြောင်းပဲ ရေးထားတာ။ အောက်မှာကတော့ နာမည်နဲ့ လက်မှတ်ထိုးပေးရုံပဲ။ လိုက်ကောက်တဲ့သူတွေက ဒီမှာ လက်မှတ်ထိုးလိုက်ရုံပဲ ဘာမှမဟုတ်ဘူးဆိုပြီး လိုက်လုပ်ကြတာ။ ရပ်ကွက်အလိုက် လုပ်ကြတယ်။ အများစုကတော့ အားနာလို့ ထိုးပေးကြတယ်”ဟု ပြောသည်။

သံတွဲမှ အကြမ်းဖက် ဖျက်ဆီးမှုများမှာ အကွက်ချ လုပ်ဆောင်မှုများဖြစ် (ဆက်သွယ်မေးမြန်းချက်)

ဇူလိုင် ၁၊ ၂၀၁၃
M-Media

သံတွဲ ။ ။ ရခိုင်ပြည်နယ်၊ သံတွဲမြို့တွင် မနေ့ ဇွန်လ ၃၀-ရက်နေ့က အကြမ်းဖက်မှုဖြစ်ပွားစေရန် လှုံ့ဆော်ခဲ့ပြီး သံတွဲ အံတော်မြို့သစ်တွင် အကြမ်းဖက်မှုများ လုပ်ဆောင်ပြီး မွတ်စလင်မ်ပိုင် အိမ်များကို မီးရှို့ပြီး၊ အဝေးပြေးကားဂိတ်နှင့် ကားများကို ဖျက်ဆီးခဲ့ကြောင်း သိရပါတယ်။

ယင်းကဲ့သို့ အကြမ်းဖက်မှုများ ထပ်မံဖြစ်ပေါ်လာရခြင်းနှင့်ပတ်သက်၍ အဖြစ်မှန်ကို သိရှိစေရန် သံတွဲမြို့ခံများနှင့် M-Media မှ ဆက်သွယ်မေးမြန်းထားတာ ဖြစ်ပါတယ်။

သံတွဲ မြို့ခံ (၃)ဦးရဲ့ ပြောပြချက်များဖြစ်ပါတယ်။

“သံတွဲမှာဖြစ်တဲ့ကိစ္စရပ်က မနှစ် ဇွန်လကတည်းက ရခိုင်မှာ စခဲ့သလို ပြန်လည်ပြီးဖြစ်အောင် စလုပ်တဲ့ အနေအထားပါ။ မနေ့ကဖြစ်သွားတာဆိုရင်လည်း သတင်းအမှားလွှင့်ပြီး ပြဿနာဖြစ်အောင် လုပ်တာပါ။ ဗုဒ္ဓဘာသာ မိန်းကလေးတစ်ယောက်ကို မွတ်စလင်မ် ဆိုင်ကယ် တက္ကစီသမားက မုဒိမ်းကျင့်တယ်ဆိုတာ မဟုတ်ပါဘူး။ အဲဒီ ဆိုင်ကယ် တက္ကစီမောင်းတဲ့ ကောင်လေးကတော့ ဟုတ်တယ်။ အဲ့ဒီကောင်လေး အမေက ဗုဒ္ဓဘာသာ၊ အဖေကတော့ အစ္စလာမ်၊ အဲ့ဒီကောင်လေးက အရင်ကတည်းက ဟိုလိုဒီလိုလိုပါပဲ ဘယ်ဘာသာကိုမှ တလေးတစားရှိခဲ့တာ မဟုတ်ပါ။ အဲဒါကိုမှ ရခိုင်တိုးတက်ရေးပါတီနဲ့ လူမျိုးဘာသာ သာသနာ စောင့်ရှောက်ရေး အဖွဲ့တွေက တမင် အကွက်ချပြီးလုပ်ဆောင်သွားတာပါ။ အဲဒီကောင်လေးက ကောင်မလေးကို မုဒိမ်းကျင့်တာ မဟုတ်ဘဲ သူတို့အချင်းချင်း သဘောတူညီခဲ့ကြပြီး ဖြစ်သွားတာ။ ဒီကောင်လေးတစ်ယောက်တည်း မဟုတ်ဘူး တစ်ခြားကောင်လေးတစ်ယောက်လည်းပါတယ်။ ဒါပေမယ့် ဒီကောင်လေးက မုဒိမ်းကျင့်တယ်ဆိုပြီး ရဲစခန်းမှာသွားတိုင်တယ်ဗျ။ အဲဒီ အမျိုးသမီးက တိုင်တာလည်းမဟုတ်ဘူး။ ခုနကပြောတဲ့ ပါတီနဲ့ လူမျိုးဘာသာ သာသနာစောင့်ရှောက်ရေးအဖွဲ့ကလူတွေက တိုင်တာ။ အဲဒါနဲ့ မနေ့က ညနေ ၄-နာရီ ၀န်းကျင်လောက်ကျတော့ ရဲစခန်းရှေ့မှာ လူ(၅၀)လောက်စုလာပြီး ၅-နာရီလောက်မှာ လူ(၁၅၀)လောက်ဖြစ်သွားတယ်။ အဲဒီလူတွေက ရဲတွေကို ပုံမှားပြောပြီး အော်ဟစ်ဆဲဆိုနေကြတယ်။

အဲလိုအခြေအနေကနေ ထပ်ဆိုးတာက ကျေးရွာတွေကို အမျိုးဘာသာ သာသနာစောင့်ရှောက်ဖို့ဆိုပြီး လူတွေခေါ်တယ်။ သူတို့မှာ ကွန်ရက်တွေရှိပါတယ်။ အဲဒီ ကွန်ရက်တွေကမှတဆင့် လူများလာပြီး အံတော်ဆိုတဲ့ရပ်ကွက်၊ သူက သံတွဲမြို့ရဲ့တဘက်ကမ်းမှာ ရှိတာပါ။ အဲဒီအချိန်မှာပဲ အံတော်ဘက်မှာ လူတွေက တအားဆိုးလာတယ်။ အံတော်မှာ ရခိုင်ကွန်ရက်တွေဖြစ်တဲ့ လေးဝတီကွန်ရက်၊ လူမျိုးဘာသာ သာသနာစောင့်ရှောက်ရေးကွန်ရက်တွေ၊ ရခိုင်လူငယ်ကွန်ရက်တွေကနေ ဧည့်စာရင်းမရှိပဲ ၀င်ရောက်နေထိုင်တဲ့ ရခိုင်တွေ တော်တော်များများရှိတယ်။ အဲဒီလူတွေကနေ သွေးထိုးလှုံ့ဆော်ပြီး အစ္စလာမ်ဘာသာဝင် ကုလားတွေကိုသတ်ဖို့၊ သူတို့ပိုင်ဆိုင်တာတွေယူဖို့၊ သူတို့က အမျိုးဘာသာ သာသနာစောင့်ရှောက်ကြဖို့ဆိုပြီး သွေးထိုးလှုံ့ဆော်တယ်။ အဲလို လုပ်ပြီး ည ၈-နာရီလောက်မှာ အံတော်က မွတ်စလင်မ်အိမ် ၁၂-အိမ်လောက်ကို ဖျက်ဆီးကြတယ်။ ည ၈း၂၀ နာရီလောက်မှာ ထွေအုပ်ကနေ ညမထွက်ရအမိန့်ပြောတယ်။ ပြောပြီးတဲ့အချိန်မှာ အံတော်မှာ မဖြစ်ပဲ သံတွဲမြို့ပေါ်က ဦးတင်မြအိမ်နဲ့ ဦးခင်မောင်ရဲ့ အိမ်ကို လူအယောက်(၃၀)လောက်က ခဲနဲ့ဝိုင်းထုတယ်။ ဦးခင်မောင်အိမ်ကို ခဲနဲ့ဝိုင်းထုတော့ အဲဒီမှာ စာသင်နေတဲ့ကျောင်းသားလေးတချို့ လောက်လေးဂွနဲ့ပြန်ပြီးပစ်တော့ အဲဒီလူစုက ထွက်ပြေးသွားတယ်။ အဲဒီအချိန်မှာ သံတွဲမြို့တော်ခန်းမမှာရှိနေတဲ့ ဗိုလ်ကြီးဦးဆောင်ပြီးရောက်လာပြီး မောင်းထုတ်တော့ အဲ့ဒီ အကြမ်းဖက်လူစု ထွက်ပြေးသွားတယ်။

ည ၈-နာရီခွဲလောက်မှာ အံတော်က အိမ် ၁-အိမ်ကို မီးစရှို့တယ်။ ရောက်နေတဲ့ ရဲတွေက ငါ့ညီတို့ တော်ပါတော့လို့ပြောတာလည်း မရဘူး။ ရဲကို သူတို့ကပြောတယ် ခင်ဗျားတို့အလုပ်မဟုတ်ဘူး၊ ကျုပ်တို့ကတော့ ရှို့မှာပဲဆိုပြီး ဆက်ပြီးလုပ်နေကြတယ်။ နောက်တစ်အိမ်မှာဆို လင်မယား ၂-ယောက်တည်းပဲရှိတယ်။ သူတို့ကို အပြင်ထွက်မရအောင် အပြင်ကနေ အက်ဆစ်တွေနဲ့လောင်းတယ်။ အပြင်ကနေ မီးရှို့တယ်။ စစ်တပ်ရှိပေမယ့် အထက် အမိန့်မရသေးဘူးလို့ဆိုပြီး နေနေတယ်။ ည ၉-နာရီကျော်ကျော်လောက်မှာပဲ မီးက ဆက်တိုက်လောင်လာတယ်။ မီးသတ်ကားက သွားပြီး မီးငြိမ်းတယ်။ မီးလောင်တာက ၅-အိမ်လောင်တယ်။ အစ္စလာမ်ဘာသာဝင် အိမ်ဆိုပြီး မီးရှို့မိသွားတာက ဗုဒ္ဓဘာသာ ၂-အိမ် ပါသွားတယ်။

အဲဒီအချိန်မှာ သံတွဲမြို့ပေါ်မှာတော့ဘာမှ မလုပ်ဘူး။ သူတို့တွေကတော့ ပတ်သွားနေတယ်။ စစ်တပ်က အရေးပေါ် အခြေအနေ ကြေညာပြီးတဲ့အချိန်မှာ လူစုခွဲတယ်၊ မောင်းထုတ်တယ်။ အံတော်ဘက်ခြမ်းမှာတော့ လုံးဝ လူစုခွဲလို့မရဘူး။ မနေ့ညက ၉-နာရီခွဲကနေ ည ၂-နာရီလောက်ထိ အဲဒီ လူအုပ်ကြီးက သူတို့ လုပ်ချင်တာ လုပ်တယ်။ စုစုပေါင်း ၇-အိမ် ၈-အိမ် လောက်ကို တစ်အိမ်တက်ဆင်း ဖျက်တယ် ဖြိုတယ်၊ မီးရှို့တယ်။

အဲလို လိုက်လုပ်နေရင်း ဗုဒ္ဓဘာသာအိမ်တွေနဲ့ ကပ်လျက်ရှိတဲ့ အိမ်တွေကိုကျ အိမ်ထဲက အတွင်းပစ္စည်းတွေကို ထုတ်တယ်။ မီးရှိုတယ်။ ကား ၄-စီး ဖျက်ဆီးခံရတယ်။ ဘေးနားမှာ ဗုဒ္ဓဘာသာကားဂိတ်ရှိတော့ မီးမရှို့ဘဲ ကားဂိတ်ကိုပဲ ဖျက်ဆီးကြတာ။ ကားတွေက ကောင်းကင်သစ္စာကားဂိတ်က ကား ၂-စီးနဲ့ တစ်ခြားကား ၂-စီးပါ။ ကောင်းကင်သစ္စာ ကားဂိတ်က ကားက ကုန်တင်ကားကြီး ၂-စီးပါ။ တစ်ခြားကတော့ ခရီးသည်တင်လူစီးကားပါ။
ဖျက်ဆီးခံရတဲ့ထဲက အိမ်တစ်အိမ်က ဒီနေ့ မနက်မှာတော့ သူ့အိမ်ကိုဝင်ချင်တယ်၊ ပစ္စည်းတွေယူချင်တယ်ဆိုတော့ အံတော်တံတားထိပ်က အရက်ဆိုင်မှာ လူ(၃၀)လောက်က စောင့်နေတယ်။ အံတော်ကို ပစ္စည်းလာယူရင် ပြဿနာလုပ်ဖို့ ဟန်ရေးပြနေတယ်။ ရဲက အိမ်ဖျက်ခံရတဲ့အိမ်ကို ပြောတယ်။ ပဋိပက္ခဖြစ်လိမ့်မယ် ခင်ဗျားတို့ မယူနဲ့ဆိုတော့ အဲဒါက မဖြစ်သင့်ဘူးလို့ထင်တယ်။

ကျွန်တော်တို့လိုချင်တာက တရားဥပဒေစိုးမိုးရေးရှိရမယ်လေ။ အဲဒါတွေကို နိုင်ငံတော် သမ္မတကြီးလည်း သိစေချင်တယ်။ မနေ့က အရေးပေါ် အခြေအနေ ကြေညာတာကလည်း ကျွန်တော်တို့အတွက်ပဲ ကြေညာတယ်။ ဗုဒ္ဓဘာသာတွေ သွားလာနေကြရင် ဘာမှ မပြောဘူး။ ကျွန်တော်တို့ကိုတော့ အပြင်ထွက်မရအောင် လုပ်ထားတယ်။ ဥပဒေက ကျွန်တော်တို့အတွက် မရှိဘူး။ အခုအခြေအနေအရ အမျိုးဘာသာ သာသနာစောင့်ရှောက်ရေးအသင်းနဲ့ လေးဝတီကွန်ရက်ကပေါင်းပြီး ရဲတွေကိုပြောတယ်၊ သံတွဲမြို့ပေါ်ကို သူတို့ဖျက်ဆီးမှု လုပ်ချင်တယ်လို့ပြောတယ်။ အဲဒါကြောင့် ဒီနေ့အခြေအနေက သံတွဲမြို့ဟာ စိုးရိမ်ဖွယ်ဟာ အခြေအနေဖြစ်နေတယ်။”

“အကြမ်းအားဖြင့်ပြောရရင် ကောင်းကင်သစ္စာ-သံတွဲကားဂိတ်ဟာ သံတွဲမြို့သစ် အံတော်ရပ်ကွက်မှာရှိပါတယ်။ ပိုင်ရှင်တွေက သူတို့ပြောတဲ့ ဘင်္ဂါလီတွေ မဟုတ်ပါဘူး။ ကမန်မွတ်စလင်မ်နဲ့ မြန်မာမွတ်စလင်မ်ပိုင်တဲ့ဂိတ်ပါ။ အခု ဖျက်ဆီးခံလိုက်ရတဲ့ ကား ၂-စီးရဲ့ပိုင်ရှင်ကတော့ ကမန်မွတ်စလင်မ်ပါ။ ပြဿနာစဖြစ်တာက အမျိုးသမီးတစ်ယောက်နဲ့ ဆိုင်ကယ် ကယ်ရီသမားတစ်ယောက်ရဲ့ကိစ္စလို့ပြောပါတယ်။ ကားပိုင်ရှင်ရော ဂိတ်ပိုင်ရှင်ရောက ရန်ကုန်မှာ ရှိနေပါတယ်။ ဂိတ်မှာတော့ မန်နေဂျာရှိပါတယ်။ ကားတွေကို ခဲနဲ့ပေါက်တယ်။ မှန်တွေကို ရိုက်ခွဲတယ်၊ ဘီးတွေကိုလည်း ဓါးတွေနဲ့ ထိုးခွဲသွားတယ်။ ကားကိုလည်း ပိန်ရှုံ့သွားအောင် ထုရိုက်ပြီး လုံးဝ သုံးစားလို့မရအောင် လုပ်သွားပါတယ်။ မီးမရှို့တာက ကောင်းကင်သစ္စာကားဂိတ်ရဲ့ဘေးမှာ နောက်ထပ် ကားဂိတ်တစ်ခုရှိပါတယ်။ အဲဒီကားဂိတ်က အဝေးပြေးကုန်စည် မထသ ဥက္ကဋ္ဌရဲ့ ကားဂိတ်ပါ။ ဥက္ကဋ္ဌက အမေမွတ်စလင်မ် အဖေ ဗုဒ္ဓဘာသာက မွေးဖွားခဲ့ပြီး သူကတော့ ဗုဒ္ဓဘာသာကိုးကွယ်သူပါ။ အဲ့ဒီဂိတ်ကတော့ ဗုဒ္ဓဘာသာဖြစ်နေလို့ ဖျက်ဆီးမခံရပါဘူး။ အစ္စလာမ်ဘာသာဝင်ရဲ့ဂိတ်ကို ဖျက်ဆီးသွားပါတယ်။ ကားတစ်စီးကို မီးရှို့တယ်ဆိုရင် ပေါက်ကွဲမှုတွေရှိလာပြီး ဘေးနားကဂိတ်ကိုပါ ကူးစက်နိုင်လို့ မီးမရှို့တာဖြစ်နိုင်ပါတယ်။ သူတို့ဖျက်ဆီးပြီး ခဏနေတော့ ရဲ ၂-ယောက် ရောက်လာပြီး ကားတွေကို လာကြည့်တယ်။ ဓါတ်ပုံရိုက်ဖို့အတွက် ကားဂိတ်မန်နေဂျာကို မီးထိုးခိုင်းတယ်။ အဲဒါကို အကြမ်းဖက်လူအုပ်ကြီးက ဟိုမှာ ကုလားတစ်ယောက်ဆိုပြီး ၀ိုင်းရိုက်ဖို့လုပ်လို့ အဲဒီမန်နေဂျာလည်း ထွက်ပြေးပြီး ပုန်းနေရပါတယ်။

အခုလို ဖျက်ဆီးတာဟာ (၁) အချက် ကျွန်တော်တို့ စတင်တဲ့ကိစ္စမဟုတ်ပါဘူး။ (၂) အချက်သည် ကျွန်တော်တို့သည် ဘယ်တုန်းအခါကမှ သူတစ်ပါးကို ဖျက်ဆီးမှု မလုပ်ခဲ့ပါဘူး။ စိတ်ကူးလည်းမရှိပါဘူး။ ရိုးရိုးတန်းတန်း သမာအာဇီဝလုပ်စားပြီးနေတာပါ။ ဥပဒေကြောင်းနဲ့ မကင်းလွတ်တဲ့ အလုပ်ကိုလည်း မလုပ်ခဲ့ပဲနဲ့ ဘာဖြစ်လို့ လူစုလူဝေးနဲ့ ဂိတ်နဲ့ ကားဂိတ်က မိသားစုဝင်တွေပိုင်တဲ့ ကားတွေကို ဖျက်ဆီးရပါသလဲဆိုတာ သိချင်ပါတယ်။ ဘာကြောင့်လုပ်တာလဲဆိုတာပဲ မေးချင်ပါတယ်။ ဘာကြောင့်လုပ်တာလဲဆိုတာ သိချင်ပါတယ်။ မွတ်စလင်မ်တစ်ယောက်နဲ့ အခြားမှာဖြစ်တိုင်း ရှိတဲ့မွတ်စလင်မ်တိုင်းပိုင်တဲ့ ပစ္စည်းတွေကို လိုက်ဖျက်ဆီးရမယ်ဆိုရင်ရော လောကကြီးက တရားပါဦးမလား၊ ဥပဒေဆိုတာရော တရားပါဦးမလားလို့ ပြောချင်ပါတယ်။ ပစ္စည်းဆုံးရှုံးသွားရလို့ ၀မ်းမနည်းပါဘူး။ ဒါပေမယ့် သက်သက်မဲ့ ဖျက်ဆီးခံရတာတွေအတွက်တော့ စိတ်မကောင်းဘူး။ အကြမ်းဖက်ဖျက်ဆီးခံခဲ့ရတဲ့ မိသားစုဝင်တွေ စိတ်ကျေနပ်အောင် ဘာလုပ်ပေးနိုင်မလဲဆိုတာ သိချင်ပါတယ်။”

“မနေ့ညနေ ၆-နာရီလောက်က သိရပါတယ်။ အမှန်တကယ် ရည်ရွယ်ချက်က အဲ့ဒီ အကြမ်းဖက်လူစုက သံတွဲမြို့ထဲကို သွားတာ။ အံတော် ကွန်ကရစ်တံတားထိပ်မှာ ရဲတွေ ပိတ်ထားတော့ သူတို့ မြို့ထဲကို ၀င်မရဘူး။ ၀င်မရတဲ့အတွက်ကြောင့် နောက်ကို ပြန်လှည့်လာပြီး ကားဂိတ်နဲ့ ကားတွေကို ဖျက်ဆီးသွားပါတယ်။ ကျွန်တော်တို့ဂိတ်က ကုန်တင်ကား ၂-စီးနဲ့၊ တခြားက လူစီးကား ၂-စီးပါ။ ရဲစခန်းကိုတော့တိုင်ချက်ဖွင့်ထားပါတယ်။ မနေ့က ညနေ ၆-နာရီလောက်မှာ ဖြစ်တော့ ကျွန်တော်တို့ဂိတ်မှာ မန်နေဂျာနဲ့ ၀န်ထမ်းအလုပ်သမားလေး ၂-ယောက်ရှိပါတယ်။ သူတို့က အဲလိုဖြစ်နေတော့ အောက်မဆင်းရဲဘူး။ ဖျက်ဆီးတဲ့သူတွေလည်းပြန်သွားရော ရဲ ၂-ယောက် ရောက်လာပြီးတော့ ကားကိုဓါတ်ပုံရိုက်ဖို့ ဂိတ်မှူးကို ဓါတ်မီးနဲ့ထိုးခိုင်းတယ်။ အဲဒီအချိန်မှာ မီးရောင်မြင်တော့ လမ်းပေါ်ကမြင်တော့ ခုနက အကြမ်းဖက်ဖျက်ဆီးသူတွေက ပြန်ဝင်လာတယ်။ ပြန်ဝင်လာတော့ ရဲကပြောတယ် မင်းတို့ထင်သလိုမဟုတ်ဘူး။ ပြဿနာဖြစ်တဲ့ ကောင်လေးကို ငါတို့စစ်ပြီးပြီ၊ ကောင်မလေးကိုလည်း စစ်ပြီးပြီလို့ပြောတယ်။ မင်းတို့ထင်သလို မွတ်စလင်မ်ကြောင့်ဖြစ်တာ မဟုတ်ဘူး၊ မင်းတို့ သူများပစ္စည်းကို မဖျက်ဆီးနဲ့၊ ဖျက်ဆီးရင် ဥပဒေကြောင်းအရ အရေးယူခံရမယ်လို့ ချော့မော့ပြီး ပြန်လွှတ်လိုက်တယ်။ အကြမ်းဖက်သမားတွေက ကုလားတွေလည်း ရခိုင်စကားတတ်တာပဲလို့ပြောတယ်။ အဲဒီနောက်ပိုင်းတော့ ကားဂိတ်မှူးလည်း ထွက်ပြေးပြီး ပုန်းနေရတယ်။ မီဒီယာတွေမှာ ပြန့်နေသလို ကောင်မလေးကို မုဒိမ်းကျင့်တယ်ဆိုတာ မဟုတ်ဘူး။ တရားခံရဲ့စကားတွေနဲ့ လွဲနေတယ်။ အဲဒါကိုလည်း အမှန်ဖြစ်သင့်တာက ရဲစခန်းက စစ်ဆေးပြီး အရှိကို အရှိအတိုင်းထုတ်ပြန်သင့်တယ်။ မထုတ်ပြန်ဘဲ ထိန်ချန်ထားတာက ရိုးသားမှုမရှိဘူး။ မနေ့ကဆို အဲဒီ ကောင်မလေးရော၊ ကောင်လေးရော သူတို့ဆီမှာရှိနေတာပဲ။ စစ်ဆေးပြီး သတင်းအတိအကျထုတ်ပြန်ပေးလို့ရတယ်။ အဲဒါကို ဒီဟာကြောင့် မဟုတ်ပါဘူးဆိုတာ အတိအကျ မထုတ်ပြန်ပေးဘူး။ ဟုတ်တယ်ဆိုတာလည်း မပြောဘူး။ မနေ့ညကထိ ရဲတွေကိုမေးတော့ မဟုတ်ဘူးပဲပြောတယ်။ ဒီနေ့တော့ ဘယ်လိုပြောင်းသွားမလဲ မသိဘူး။

အခုအချိန်ထိ အဲဒီတရားခံတွေဟာ မီဒီယာတွေမှာရေးသလို ဟိုဘက်ဒီဘက် ပဋိပက္ခဖြစ်တာမဟုတ်ဘူး။ အခုလို အကြမ်းဖက်မှုတွေ စဖြစ်ကတည်းက အခုအချိန်ထိ ကျွန်တော်တို့တွေ တဘက်သတ် နိုင်ထက်စီးနင်းလုပ်ခံနေရတာ၊ ကျွန်တော်တို့ဘက်က ပြန်ခုခံတာလည်းမရှိဘူး၊ စလုပ်တာလည်းမရှိဘူး၊ သူတို့ပြောသလို ကိုယ့်အိမ်ကိုယ် မီးရှို့တယ်ဆိုတာလည်းမရှိဘူး။ ဘာပဲဖြစ်ဖြစ် တရားဥပဒေစိုးမိုးရေးအရ ဖြစ်စေချင်တယ်။ အခုလက်ရှိအနေအထားက သံတွဲမြို့ဟာ စိုးရိမ်ရေမှတ်ကို ရောက်နေပါတယ်။ အခုလက်ရှိ တောင်ကုတ်မှာလည်း လူစုနေတယ်၊ ကားတွေပေါ်မှာ စုတွေ သင့်စောင့်နေတယ်၊ အံတော်မှာလည်း လူစုနေတယ် ဒါကြောင့် စိုးရိမ်စရာ အခြေအနေဖြစ်နေပါတယ်”လို့ M-Media ရဲ့ ဆက်သွယ်မေးမြန်းမှုများကို ဖြေကြားပေးခဲ့ကြပါတယ်။

မနေ့က သံတွဲမြို့မှာ ဖြစ်ပွားခဲ့တဲ့ အကြမ်းဖက်မှုကြောင့် လူနေအိမ် ၅-လုံး မီးရှို့ခံရပြီး အခြားလူနေအိမ် ၇-လုံး ဖျက်ဆီးခံရပါတယ်။ ကားဂိတ်တစ်ခုနဲ့ ကား(၄)စီးလည်း ဖျက်ဆီးခံခဲ့ရတယ်လို့ သံတွဲမြို့ အကြမ်းဖက်မှုရဲ့ ပျက်ဆီးဆုံးရှုံးမှုများကိုလည်း သိရပါတယ်။

ထောက်လှမ်းရေး အရာရှိမှ ဖမ်းဆီး ငွေညှစ်မှုများ နေ့စဉ် ပြုလုပ်နေ

RB News
25.5.2013

မောင်တော ။ ။ ရခိုင်ပြည်နယ်၊ မောင်တော မြို့နယ်၊ နစက နယ်မြေ (၇) လက်အောက်ခံ အလယ်သံကျော် တိုက်နယ်တွင် စစစ ထောက်လှမ်းရေးမှ အရာရှိ တစ်ဦး ဖြစ်သူ ဦးအောင်ကျော်ဇင်မှ နည်းလမ်း မျိုးစုံဖြင့် ဒေသခံ ရိုဟင်ဂျာ များထံမှ ငွေညှစ်လျက် ရှိကြောင်း သတင်း ရရှိပါသည်။

“အလယ်သံကျော်မှာ ရှိတဲ့ ဈေးဆိုင်တွေက တစ်ဆိုင်ကို တစ်ပတ်မှာ ငွေကျပ် တစ်ထောင်စီ ဆက်ကြေးလို SB က ဦးအောင်ကျော်ဇင်ရဲ့ ရုံးခန်းမှာ သွားသွင်း ရတယ်။ အလယ်သံကျော်ရဲ့ ပတ်ဝန်းကျင်မှာ ရှိတဲ့ ရွာတွေ အားလုံးလည်း အဲဒီလူရဲ့ နှိပ်စက်တဲ့ ဒဏ်ကို ခံနေရတယ်” ဟု ဒေသခံ ရွာသား တစ်ဦးမှ RB News သို့ ပြောပါသည်။

ယမန်နေ့ (မေလ ၂၄ ရက်) က နစက နယ်မြေ (၈) လက်အောက်ခံ ဥဒေါင်း ကျေးရွာ အုပ်စု၊ အနောက်ရွာနေ ဦးဟက်ဇူရာမန် (ဘ) ဦးရှော်ဘီကုရ် ရာမန် အား အလယ်သံကျော်ရှိ ယောက္ခမ ဖြစ်သူ၏ နေအိမ်တွင် တရားမ၀င် နေထိုင်သည်ဟု စွပ်စွဲ၍ ဦးဟက်ဇူရာမန်၏ အစ်ကိုဖြစ်သူ မော်လ၀ီ ဦးအဒူရှကူရ်ကို ဖမ်းဆီး၍ ခေါ် ဆောင်သွား ခဲ့သည်။

“စွပ်စွဲခံ ရတာက တစ်ယောက်ပါ။ ဖမ်းသွားတာက စွပ်စွဲခံ ရတဲ့သူရဲ့ အစ်ကို။ ဆန်စက်မှာ အလုပ်လုပ် နေရင်းနဲ့ ဖမ်းသွားတာ။ လမ်းတစ်ဝက်မှာ ငွေကျပ် တစ်သိန်း ငါးသောင်း ယူပြီး၊ နွားသတ် လိုင်စင်ရ ဦးမောင်ဇူရာမန် (ယခင် ရယက ဥက္ကဌဟောင်း) ကိုအာမခံ ခိုင်းပြီး ပြန်လွှတ် လိုက်တယ်။ အဲဒီလိုဘဲ မဟုတ်တာ တွေကို အကြောင်းပြပြီး၊ ဖမ်းပြီး ငွေညှစ် နေတာ နေ့စဉ် နေ့တိုင်း လိုလို ဖြစ်နေတယ်” ဟု အဆိုပါ ဒေသခံမှ ဆက်လက် ပြောပါသည်။

ထို့အပြင် ယမန်နေ့ ကပင် ဥဒေါင်း ကျေးရွာ အုပ်စု ဇုံမ္မာရွာနေ ဦးရဟီးမုလ္လာ (ဘ) ဦးနာဂူးအား ပွင့်လင်း ရာသီတွင် မလေးရှား နိုင်ငံသို့ လူကုန်ကူး သည်ဟု အကြောင်း ပြပြီး ဖမ်းဆီးရန် ၎င်း၏ နေအိမ်သို့ သွားရောက် ရှာဖွေ ခဲ့ကြောင်း သိရသည်။ သို့သော်လည်း နေအိမ်တွင် ဦးရဟီးမုလ္လာ အားမတွေ့သော ကြောင့် ဇနီးဖြစ်သူ အား ခြိမ်းခြောက်၍ မဖွယ်မရာများ ပြောပြီး ပြန်လာ ခဲ့ကြောင်း သိရသည်။

“ဦးအောင်ကျော်ဇင်က အခုလက်ရှိ ဥဒေါင်း ကျေးရွာ အုပ်စု အုပ်ချုပ်ရေးမှူး ဦးတင်မောင်ရဲ့ ယောက္ခမ ဖြစ်တဲ့ ဦးမောင်မြနဲ့ ပူးပေါင်း ပြီးတော့ ရွာထဲမှာ ဘယ်သူတွေရဲ့ ငွေကြေး အခြေ အနေ ဘယ်လို ရှိတယ် ဆိုတာ သတင်း ယူတယ်။ ပြီးတော့ ပါးစပ်ထဲ ရှိတဲ့ အမှုနဲ့ ဖမ်းပြီး ငွေညှစ် နေတာ” ဟု ရွာသားမှ ပြောပါသည်။

ပြည်ထောင်စု ဝန်ကြီး ဦးခင်ရီ ဖြေကြားသော ၂၀၁၄ သန်းခေါင်းစာရင်း နှင့် ၁၉၈၂ နိုင်ငံသား ဥပဒေ ကိစ္စ

ဗွီအိုအေ မြန်မာပိုင်းအစီအစဉ်ကနေ မြန်မာနိုင်ငံသား ဥပဒေ၊ တိုင်းရင်းသားအရေး နှင့် လူဝင်မှုကြီးကြပ်ရေးဆိုင်ရာ လုပ်ဆောင်ပြင်ဆင် မှုများနှင့် ပတ်သက်၍ မေးခွန်းများ အား လူဝင် မှုကြီးကြပ်ရေး၊ ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးခင်ရီ က ဖြေကြား ဆွေးနွေး ထားပါသည်။

ဦးသန်းလွင်ထွန်း ။ ။ ဝန်ကြီးခင်များ ကျနော်တို့ ဗွီအိုအေကို အခုလို သီးသန့်တွေ့ဆုံခွင့် ပေးတဲ့အတွက် ကျေးဇူးတင်ပါတယ်။ ကျနော် ပထမဦးဆုံး သိချင်တဲ့ကိစ္စက မကြာခင်နှစ်ပိုင်း အတွင်းမှာပဲ မြန်မာနိုင်ငံရဲ့  မလုပ်တာကြာပြီဖြစ်တဲ့ သန်းခေါင်းစာရင်းကောက်မှုကိစ္စတွေ အဲဒါတွေက မကြာခင်မှာစတော့မယ်ဆိုတော့ ဒါက နဂိုကတည်းက စီမံထားတာလား၊ တိုက်ဆိုင်မှု သက်သက်လား။ အခု အထူးသဖြင့် ရခိုင်ပြည်ဖက်မှာလည်း ဒီလို လူဝင်မှုကြီးကြပ်ရေးကိစ္စတွေမျိုးစုံ ဖြစ်နေတော့။ အဲဒါလေးကို တချက်ရှင်းပြပေးပါ။

ဦးခင်ရီ ။ ။ သန်းခေါင်းစာရင်းက ပြည်လုံကျွတ်အဆင့်ပေါ့။ ပြည်လုံကျွတ်အဆင့်ကောက်တဲ့ကိစ္စက လွတ်လပ်ရေးရကတည်းက နှစ်ကြိမ်ပဲကောက်ရသေးတယ်။ ပထမတကြိမ်က ၁၉၇၃ မှာ တကြိမ်ကောက် တယ်။ နောက် ဆယ်နှစ်ခြားပြီးတော့ ၁၉၈၃ မှာတကြိမ်ကောက်တယ်။ အခုတော့ မကောက်တာ နှစ်ပေါင်း (၃၀) ကြာပြီပေါ့။ နှစ်ပေါင်း (၃၀) ကျော်ကြား တဲ့အ တွက်ကြောင့် သန်းခေါင်းစာရင်းဆိုင်ရာ အချက်အလက်တွေကလည်း နိုင်ငံအတွက်အရေးကြီးတဲ့ အခြေခံစာရင်း ဇယားဖြစ်တဲ့ အတွက်ကြောင့် ကောက်ဖို့လို တယ်ဆိုတဲ့ အချက် က လည်း ကောက်ရတဲ့အကြောင်းရင်းမှာ အချက်တချက်။ ဒုတိယအချက်ကလည်း ကျနော်တို့ ပြင်ဆင်နေတုန်းမှာပဲ ကျင်းပဆဲ အဲဒီအချိန် က ပထမ အကြိမ် ပြည်သူ့ လွှတ်တော် မှာ မဲဆန္ဒရှင် တဦး၊ လွှတ်တော်ကိုယ်စားလှယ်တဦးက တင်ပြတယ်။ မြန်မာနိုင်ငံမှာ ပြည်လုံးကျွတ်အဆင့် သန်းခေါင်းစာရင်း မကောက် တာ လည်း နှစ်ပေါင်း (၃၀) လောက်ကြာနေပြီ ။ ကောက်ဖို့ အစီအစဉ် ရှိပါသလားဆိုတဲ့ မေးခွန်းကလည်းမေးတယ်။ ဆိုတော့ ပထမထဲကလည်း ကျနော်တို့က လည်း ကောက်ဖို့ အစီအစဉ် ရှိတယ်။ ပြည်သူ က လည်း ဒီကိစ္စ ကို ကောက်ဖို့လိုလားတယ်ဆိုတဲ့အတွက်ကြောင့် ဒီကိစ္စကို ဖြစ်သွားတဲ့သဘောပါ။

ဦးသန်းလွင်ထွန်း ။ ။ တပြည်လုံးအတိုင်းအတာနဲ့ သန်းခေါင်းစာရင်းကောက်တယ်ဆိုတာ အတော်လေးကို ကြီးကျယ်တဲ့ အင်မတန်ကို ခက်ခဲတဲ့၊ အင်မတန်ကို ငွေကြေးအ ကုန်အကျများ မယ့်ကိစ္စပေါ့။ အဲဒါနဲ့ ပတ်သက်လို့ကော နိုင်ငံတကာရဲ့  အကူအညီတွေ၊ နောက် ပြည်တွင်းက လုပ်အားပေးတွေ၊ အဲဒါမျိုးတွေကို စီမံထားတာ ရှိပါသလား။

ဦးခင်ရီ ။ ။ ၂၀၁၄ ခုနှစ် ပြည်လုံးကျွတ်အဆင့် သန်းခေါင်းစာရင်း ကောက်ယူရေးက အဆင့် (၄) ဆင့်နဲ့ လုပ်သွားမှာပါ။ ပထမအဆင့်က ကြိုတင်ပြင်ဆင်ခြင်း အဆင့်။ နောက် မြေပြင်မှာ ကွင်းဆင်းပြီး ကောက်တဲ့အဆင့်။ တတိယအဆင့်က ရှင်းရှင်းလေးပြောလို့ရှိရင် ကောက်ပြီးသားစာရင်းတွေကို ပြန်လည်စုစည်းတဲ့အဆင့်။ နောက်ဆုံးအဆင့်က final report တိုင်းပြည် ကို ကြေညာတဲ့ အဆင့်။ အခု ကျနော်တို့ ဒီကာလက ပြင်ဆင်ခြင်းအဆင့်ထဲမှာ ရောက်နေတာပါ။ ပြင်ဆင်ခြင်းအဆင့်မှာလည်း အဆင့်တွေ မြောက်မြားစွာ ရှိပါတယ်။ အခုန မေး သလို ဒီဥစ္စာကလည်း အင်မတန်လည်းရှုပ်ထွေးတယ်။ အင်မတန်လည်း ငွေကုန်ကြေးကြများတယ် ဆိုတဲ့အခါကြတော့ ကျနော်တို့ ပထမဦးဆုံး ပူးပေါင်းဆောင်ရွက်တာက UN နဲ့ ပူးပေါင်းဆောင် ရွက်တာပါ။

UN နဲ့ ပတ်သက်ပြီးတော့ အဲဒီမှာ UNFPA (United Nations Population Fund) ဆိုတာ ရှိပါတယ်။ အဲဒီအဖွဲ့က ကျနော်တို့ရဲ့  အဓိက focal အဖွဲ့အစည်းတခုပါ။ ဆိုတော့ အဲဒီ အဖွဲ့နဲ့ပေါင်းပြီးတော့ နိုင်ငံတကာ အကူအညီတွေယူပါတယ်။ လောလောဆယ်တော့ နိုင်ငံတကာ international consultants တွေ အခုအချိန် ကျနော်လာတဲ့အချိန်အထိ (၆) ယောက်လောက် ရောက်နေပြီ။ ဒါက သန်းခေါင်းစာရင်းကောက်ယူရေး လုပ်ငန်းအတွက် အခြေခံကျတဲ့ မြေပုံနဲ့ ပတ်သက်တဲ့ အကြံပေးပညာရှင်တွေ။ နောက် ပြည်သူကို publicity campaign ပြည်သူကို အသိပေးရမယ့် လုပ်ငန်းတွေနဲ့ ပတ်သက်တဲ့ကိစ္စတွေ။ နောက်တခုက questionnaire ပြည်သူကိုမေးမယ့် မေးခွန်းနဲ့ ပတ်သက်တဲ့ကိစ္စတွေ။ အဲဒီလိုကိစ္စတွေမှာ အကြံပေးမယ့် international consultants တွေပါသလို။ ကျနော်တို့ ပြည်တွင်းမှာရှိတဲ့ ပညာရှင်တွေ အတွေ့အကြုံရှိတဲ့ ဝန်ထမ်းဟောင်းတွေနဲ့ စဉ်ဆက် မပျက်ဆွေးနွေးပြီးတော့ ဆောင်ရွက်နေတဲ့သဘော ဖြစ်ပါတယ်။

ဦးသန်းလွင်ထွန်း ။ ။ လောလောဆယ်အားဖြင့် မြန်မာနိုင်ငံရဲ့  လူဦးရေနဲ့ ပတ်သက်လို့ရှိရင် ခန့်မှန်းချက်တွေပဲ ရှိနေတယ်။ တချို့ ကလည်း သန်း (၆၀) လောက် ရှိနေပြီပြောတယ်။ တချို့ ကလည်း သန်း (၅၀) ကျော်ကျော်ပဲလို့ပြောတယ်။ ဝန်ကြီးရဲ့  အကြမ်းမျဉ်းခန့်မှန်းချက်က ဘယ်လောက်ရှိမလဲ။

ဦးခင်ရီ ။ ။ တရားဝင် ထုတ်ပြန်ထားတာကတော့ နှစ်စဉ် အောက်တိုဘာ (၁) ရက်နေ့မှာ ထုတ်ပြန်ရတယ်။ ကျနော်တို့ ပြီးခဲ့တဲ့နှစ်က တရားဝင်ထုတ်ပြန်ချက်က ၆၀.၃၈ သန်းပါ။ သို့သော်လည်း ဒီစာရင်းသည် ၈၃ နောက်ဆုံးကောက်ယူခဲ့တဲ့ သန်းခေါင်းစာရင်းပေါ်မှာ အခြေခံတယ်။ နောက် ကွက်ကြားကွက်ကြား သီးခြားမြို့ နယ်တွေမှာ စစ်တမ်းကောက် ယူတာရှိ တယ်။ ဒီ နှစ်ခုကို ပေါင်းစပ်ပြီးတော့ လူဦးရေပညာနဲ့ ခန့်မှန်းတွက်ချက်တာ ဖြစ်ပါတယ်။ အဲဒါ မှန်သလား၊ နည်းသလား၊ များသလားဆိုတာကတော့ ဒီတခါ ကောက်ကြည့်တော့မှပဲ တိကျတဲ့ ကိန်းဂဏန်းထွက်မှာပဲ။

ဦးသန်းလွင်ထွန်း ။ ။ သန်းခေါင်းစာရင်းကောက်ပြီ၊ လူဦးရေစာရင်းကောက်ပြီဆိုတော့ အခုလက်ရှိ အခြေအနေမှာ မြန်မာနိုင်ငံမှာ တော်တော်လေး လူပြောများပြီးတော့ တော်တော်လေး လည်း အထူး သဖြင့် ရခိုင်ပြည်နယ်ဖက်မှာ အဓိကထားပြီး စိတ်ဝင်စားနေတဲ့အချက်က နိုင်ငံသားဖြစ်မှု။ ဒီ သန်းခေါင်းစာရင်းကိစ္စနဲ့ နိုင်ငံသားစီစစ်ရေးကိစ္စနဲ့ ဘယ်လောက်များ ဆက်နွှယ်မှုတွေ ရှိနေမလဲ။

ဦးခင်ရီ ။ ။ အမှန်ပြောရရင်တော့ ဆက်နွှယ်မှု မရှိပါဘူး။ ကျနော်တို့ကတော့ သန်းခေါင်းစာရင်းကိစ္စဆိုတာ မြန်မာပြည်ရဲ့  နယ်မြေအတွင်းမှာ မှီတင်းနေထိုင်တဲ့ မည်သည့်ပုဂ္ဂိုလ်မဆို ထည့်သွင်းကောက်ယူသွားမှာ ဖြစ်ပါတယ်။

ဦးသန်းလွင်ထွန်း ။ ။ အဲဒီတော့ ဒီ သန်းခေါင်းစာရင်းထဲမှာ မြန်မာပြည်ထဲမှာ မှီတင်းနေထိုင်တာတော့ ဟုတ်တယ်။ ဒါပေမဲ့ ဘယ်သူဟာ နိုင်ငံသား၊ ဧည့်နိုင်ငံသား။ ဒီလို သတ်မှတ် ချက်လေးတွေ မပါဘူးလား။

ဦးခင်ရီ ။ ။ အဲဒါက သန်းခေါင်းစာရင်းမှာ မပါဘူး။ နိုင်ငံသားဖြစ်ခြင်း၊ မဖြစ်ခြင်း ဆုံးဖြတ်တာက အခုလက်ရှိ existing law ၁၉၈၂ ခုနှစ် မြန်မာနိုင်ငံသားဥပဒေနဲ့သာ ဆုံးဖြတ် သွားတာ ဖြစ်ပါတယ်။

ဦးသန်းလွင်ထွန်း ။ ။ အဲဒီတော့ အခုလာမယ့် သန်းခေါင်းစာရင်းကိစ္စကတော့ နိုင်ငံသားနဲ့ မဆိုင်ဘူး။ ဒါပေမဲ့ ဒါဆိုလို့ရှိရင် ကျနော့်အနေနဲ့ နိုင်ငံ သားကိစ္စကို ပဲ သေချာမေးပါ ရစေ။ နိုင်ငံ သားကိစ္စက အရင်ရှိပြီးသား ဥပဒေအတိုင်းကိုပဲ အတည်ယူပြီးတော့ အခုလက်ရှိ နိုင်ငံသားပြန်လည်စီစစ်ရေးကို လုပ်မလား။ ဥပဒေကို နည်းနည်းပြန်ပြင်ဖို့ အကြောင်း အရာတွေများ ရှိပါသလား။

ဦးခင်ရီ ။ ။ အခုအချိန်အထိတော့ ဥပဒေကိုပြင်ဖို့ တောင်းဆိုချက်လည်းမရှိဘူး။ ကျနော်တို့မှာလည်း အစီအစဉ် မရှိပါဘူး။ အခု ကျနော်တို့ နိုင်ငံသားအဖြစ် ဆုံးဖြတ်တယ်ဆိုတဲ့နေရာမှာ လက်ရှိ ကျနော်တို့ စနစ်က မည်သည်လူမျိုး၊ မည်သည်ဘာသာ၊ မည်သည်အသွင်သဏ္ဍာန်အပေါ်မှာ မူတည်ပြီး ဆုံးဖြတ်တာမဟုတ်ဘူး။ နိုင်ငံသာဖြစ်ခြင်း၊ မဖြစ်ခြင်းသည် ၈၂ ခုနှစ် မြန်မာနိုင်ငံသား ဥပဒေပါ ပြဌာန်းချက်တွေနဲ့အညီသာ ဆုံးဖြတ်သွားတာ ဖြစ်ပါတယ်။ အဲဒါနဲ့ညီရင် နိုင်ငံသားဖြစ်မယ်။ အဲဒါနဲ့မညီရင် နိုင်ငံသားမဖြစ်ဘူးဆိုတဲ့သဘောပါ။ အဓိပ္ပါယ်ဖွင့်ဆိုချက်တွေကတော့ အများကြီးရှိသေးပါတယ်။

ဦးသန်းလွင်ထွန်း ။ ။ နိုင်ငံသားအပြင် နောက်တခုက တိုင်းရင်းသားတွေ အမျိုးအစားခွဲခြားတဲ့ကိစ္စတွေ။ ဒီနေရာမှာ ဟိုအရင်ကတော့ ပါလီမန်ဒီမိုကရေစီခေတ်ကဆိုရင် ရခိုင်ပြည်နယ် ထဲမှာ ဘူးသီးတောင်၊ မောင်းတော်ဒေသတွေမှာ ရိုဟင်ဂျာလူမျိုးဆိုပြီးတော့ ထည့်သွင်းပြီးတော့ ရိုဟင်ဂျာအသံ မြန်မာ့အသံကနေ အသံလွှင့်ပေးခဲ့တာတွေတောင် ရှိခဲ့တယ်။ ဒီနောက်ပိုင်း မှာတော့ ရိုဟင်ဂျာလူမျိုးဆိုတာကို စာရင်းကနေ ပယ်ဖျက်ပြီးတော့ အခုအချိန်အထိလည်း ဒါ မြန်မာအစိုးရရဲ့  ရပ်တည်ချက်က ရိုဟင်ဂျာဟာ တိုင်းရင်းသားလူမျိုး မဟုတ်ဘူးဆိုတဲ့ ရပ်တည်ချက်မျိုးရှိတယ်။ တဖက်ကလည်း ရိုဟင်ဂျာတွေက သူတို့ဟာ တိုင်းရင်းသားလူမျိုးပါဆိုပြီးတော့ ပြောနေတာတွေရှိတော့ ဝန်ကြီးရဲ့ အမြင်လေးက ဘယ်လိုရှိပါသလဲ။

ဦးခင်ရီ ။ ။ ဒီမေးခွန်းမျိုးက ကျနော် မကြာခဏ ရင်ဆိုင်ရပါတယ်။ အဲဒီတော့ ကျနော့်ဖက်က တရားဝင်ပြောရမယ်ဆိုရင်တော့ ရိုဟင်ဂျာဆိုတာက ကျနော်တို့ လူမျိုးထဲမှာ မပါဘူး။ ကျနော်တို့နိုင်ငံမှာ အဓိကကျတဲ့ တိုင်းရင်းသား လူမျိုး (၈) မျိုး ရှိပါတယ်။ ရှမ်း၊ ကချင်၊ ကရင်၊ ကယား၊ မွန်၊ မြန်မာ၊ ရခိုင်၊ ချင်း – ဒီ (၈) မျိုး plus သူနဲ့ဆက်နွှယ်တဲ့ minority တွေပေါင်း လိုက်ရင် လူမျိုး (၁၀၁) ပါးလို့ ခေါ်တာပေါ့။ အဲဒီအထဲမှာ ရိုဟင်ဂျာဆိုတာ မပါဘူး။ ကျနော်တို့မှာ အခုနပြောသလို လွတ်လပ်ရေးရပြီးနောက်ပိုင်းမှာ သန်းခေါင်း စာရင်း နှစ်ကြိမ်ကောက်တယ်။ ၁၉၇၃ မှာ တကြိမ်ကောက်တယ်။ ဆယ်နှစ်ခြားပြီးတော့ ၁၉၈၃ တကြိမ်ကောက်တယ်။ အဲဒီရဲ့  ထုတ်ပြန်ချက်တွေမှာလည်း ရိုဟင်ဂျာဆိုတဲ့လူမျိုး ထည့်ရေးထားတာ မပါဘူး။ ဒီ ရခိုင်ပြည်နယ်မှာရှိတဲ့လူတွေကို ဘင်္ဂလားဒေ့ရ်ှရှီလူမျိုးနဲ့ စာရင်းသွင်းထားတယ်။

လွတ်လပ်ရေးမရခင် အထူးသဖြင့် ဗြိတိသျှကိုလိုနီအောက်မှာ ရှိတုန်းက ထုတ်ပြန်ထားတဲ့ gazette documents တွေမှာလည်း ရိုဟင်ဂျာဆိုတဲ့ အသုံးအနှုန်းမပါဘူး။ ထို့ကြောင့် ကျနော် ပြောတာကတော့ အထောက်အထားနဲ့ ပြောတာပါ။ အဲဒီလို အထောက်အထားနှစ်ခုအရ ကျနော်တို့နိုင်ငံမှာ ရိုဟင်ဂျာဆိုတဲ့လူမျိုးဟာ မရှိဘူး။ ဘင်္ဂလီဆိုတဲ့လူမျိုးပဲ ရှိတယ်။ ဒီ ဘင်္ဂလီ ကလည်း အားလုံးသိတဲ့အတိုင်း ၁၈၂၄ အင်္ဂလိပ်-မြန်မာ ပထမစစ်ဖြစ်တော့ မြန်မာပြည်အနောက်ခြမ်း ဗြိတိသျှလက်အောက်ကိုရောက်တယ်။ ကျနော်တို့က အိန္ဒိယပြည်ရဲ့  ပြည်နယ်ခွဲ တခု ဖြစ်တယ်။ အဲဒီမှာ အကြောင်းအမျိုးမျိုးကြောင့် အဲဒီဖက်ကရှိတဲ့ ဘင်္ဂလီတွေ ဒီဖက်ကိုလာပြီး အလုပ်လုပ်ရင်နဲ့ တချို့ လည်းပြန်ပြီးတော့ မထွက်တော့ဘူးပေါ့။ ဒါတွေက လွတ်လပ်ရေး နဲ့အတူ ဖြစ်လာတဲ့ နောက်ဆက်တွဲ ပြဿတွေဖြစ်ပါတယ်။ ကျနော်တို့ဆီမှာ ရိုဟင်ဂျာဆိုတဲ့လူမျိုးကတော့ မရှိဘူးလို့ တရားဝင်သတ်မှတ်ပြီး ပြောလို့ပါတယ်။

ဦးသန်းလွင်ထွန်း ။ ။ ဒီနေရာမှာ နိုင်ငံသား အခွင့်အရေးနဲ့ တိုင်းရင်းသား အခွင့်အရေး။ လောလောဆယ်အားဖြင့် မြန်မာပြည်မှာရှိနေတဲ့ တည်ဆဲဥပဒေတွေအရ ဘာတွေများ ကွာခြားချက်တွေ ရှိနေပါသလဲ။ နိုင်ငံသား အခွင့်အရေးနဲ့ တိုင်းရင်းသားအခွင့်အရေး။

ဦးခင်ရီ ။ ။ အမှန်ကတော့ နိုင်ငံသားတယောက်ဖြစ်ပြီဆိုရင် ကျနော်တို့ ၂၀၀၈ ခုနှစ် ဖွဲ့စည်းပုံအခြေခံမှာပါတဲ့ နိုင်ငံသားအခွင့်အရေး အပြည့်အဝ ရတာပေါ့။ နိုင်ငံသားရယ်လို့ ဖြစ်သွားရင် အခွင့်အရေး အကုန်ရတာပေါ့။ အခုနောက်ပိုင်းမှာတော့ တိုင်းရင်းသားတွေက အချို့ ဟာတွေနဲ့ ပတ်သက်ပြီးတော့ ဒီအခွင့်အရေးမျိုးဖြစ် တန်တူမရဘူးဆိုတဲ့ ဒီလို တောင်းဆိုမှု မျိုးတွေရှိ တယ်။ အမှန်ကတော့ အကုန်လုံးအတူတူပဲ။ အကုန်လုံး နိုင်ငံသားရယ်လို့ ကျနော်တို့ အသိအမှတ်ပြုခံရလို့ရှိရင် နိုင်ငံသား အခွင့်အရေးသည် ဖွဲ့စည်းပုံအခြေခံမှာရှိတဲ့ အခွင့်အရေးက အားလုံးအတူတူဖြစ်ပါတယ်။
ဦးသန်းလွင်ထွန်း ။ ။ တိုင်းရင်းသားအခွင့်အရေးဆိုပြီး တိုင်းရင်းသားလူမျိုးတမျိုးအဖြစ် သတ်မှတ်ခေါ်ခံစေချင်တဲ့ဆိုတဲ့ သဘောရယ်နောက်ကွယ်မှာ ဘာတွေများ ရှိနေပါသလဲ။ ဘယ်လိုအခွင့်အရေးမျိုးတွေ ဆက်တိုက်ပါလာနိုင်သလဲ။
ဦးခင်ရီ ။ ။ ဒါကတော့ တောင်းဆိုတဲ့ ကာယကံရှင်တွေကပဲ သိမယ်ထင်ပါတယ်။

ဦးသန်းလွင်ထွန်း ။ ။ ဘာကြောင့်လည်းဆိုတော့ ကျနော်မေးရတဲ့အကြောင်းကလဲ အထူးသဖြင့် ရခိုင်ပြည်ဖက်မှာဆိုရင် ဒေသခံရခိုင်လူမျိုးတွေနဲ့ အခု ဝန်ကြီးပြောတဲ့ ဘင်္ဂလားဒေ့ရှ် ဖက်ကလာတဲ့ လူတွေပေါ့။ ပြောရမယ်ဆိုလို့ရှိရင်လည်း လူဦးရေအခြေအနေအရဆိုရင် ဝန်ကြီးတို့ ပိုသိပါတယ်။ တချို့ နေရာတွေမှာ ဘင်္ဂလားဒေ့ရ်ှကနေ ဝင်လာတဲ့ မျိုးနွယ်တွေ။ သူတို့တွေ က အများစုပိုဖြစ်နေကြတာကို တွေ့ရပါတယ်။ ဆိုတော့ ဒေသခံရခိုင်တွေအနေနဲ့လည်း သူတို့နယ်မြေ ဆုံးရှုံးမလား။ သူတို့ တိုင်းရင်းသားပိုင်ဆိုင်မှုတွေ ဆုံးရှုံးမလားဆိုပြီး စိုးရိမ်နေကြတာတွေရှိတယ်။ သူတို့ရဲ့  စိုးရိမ်မှုတွေဟာ တကယ်ကို စိုးရိမ်စရာအခြေအနေမှာ ရှိနေသလား။

ဦးခင်ရီ ။ ။ လူဦးရေအရ ကြည့်မယ်ဆိုရင်တော့ အထူးသဖြင့် မောင်းတော်ဖက်မှာတော့ တခြားနိုင်ငံဖက်က ဝင်လာတဲ့ ဘင်္ဂလီလူမျိုးတွေက ၉၈% လောက်ရှိတယ်။ အဲဒီဖက်မှာကြည့် ရင်တော့ များတာပေါ့။ သို့သော်လည်း ကျနော်တို့ကတော့ လက်ရှိ နိုင်ငံထဲမှာရှိတဲ့ လူနဲ့ ပတ်သက်ပြီးတော့ ဘာကိုပဲ စဉ်းစားသလဲဆိုတော့ နိုင်ငံသားဖြစ်မှု ဥပဒေအရ နိုင်ငံသားဖြစ်ခွင့် ရှိတယ်မရှိဘူးဆိုတဲ့ အခြေအနေပေါ်မှာပဲ နိုင်ငံတော်က စဉ်းစားတာပေါ့။ ဆိုပါစို့ အခုနပြောတဲ့ တိုင်းပြည်ရဲ့  လွတ်လပ်ရေးနဲ့အတူ ရောက်လာတဲ့ ဘင်္ဂလီလူမျိုးတွေ ဒီလူ မျိုးတွေ နိုင်ငံ သား အဖြစ် လျှောက်ချင်တယ်ဆိုရင် လျှောက်ခွင့်ရှိတာတွေရှိတယ်။ သို့သော်လည်း ပြည့်စုံရမယ့် criteria တွေရှိတယ်။ အဲဒီအထဲက တချို့ ကို ပြောလို့ရှိရင် ဒီပုဂ္ဂိုလ်တွေ သည် ၁၉၄၈ မတိုင်ခင် တုန်းက မြန်မာနိုင်ငံအတွင်းမှာ မှီတင်းနေထိုင်ခဲ့တဲ့ မျိုးရိုးစဉ်ဆက်ကနေ ပေါက်ဖွားလာသူတွေ ဖြစ်ရမယ်။

အကြမ်းမျဉ်းပေါ့ ဒီလို သတ်မှတ်ချက်တွေရှိတယ်။ ဒီ ပုဂ္ဂိုလ် တယောက် က နိုင်ငံသားအဖြစ် လျှောက်ချင်တယ်ဆိုရင် သူ့အဖိုးအဖွားသည် ၁၉၄၈ မတိုင်မီ လွတ်လပ်ရေးမရခင်၊ ဒီမှာမွေးရမယ်၊ ဒီမှာပဲ အသက်ဆုံးရှုံးရမယ်၊ သူ့အဖေအမေသည် ဒီမှာမွေးရမယ်၊ ဒီမှာပဲ အသက်ဆုံးရှုးရမယ်၊ two generations သူကလည်း ဒီမှာပဲ မွေးရမယ်၊ ဒီမှာပဲ ဆက်နေမယ်လို့ ဆန္ဒရှိရမယ်။ တိုင်းပြည်ပေါ်မှာလည်း သစ္စာရှိရ မယ်၊ မြန်မာ စကား လည်း ပြောတတ်ရမယ် စသဖြင့် criteria တွေ များများစားစား ရှိပါတယ်။ အဲဒါဆိုရင် သူသည် နိုင်ငံသားအဖြစ် လျှောက်ပိုင်ခွင့်ရှိတယ်။ ဘယ်ကိုလျှောက်ရသလဲဆိုတော့ ဗဟို အဖွဲ့ကို လျှောက်ရတယ်။

ကျနော်တို့ ၈၂ ခုနှစ် မြန်မာနိုင်ငံသားဥပဒေ ၆၇ မှာ ဗဟိုအဖွဲ့ကို တရားဝင်ဖွဲ့စည်းထားပါတယ်။ ဥက္ကဋ္ဌက ကျနော်ပါ။ နိုင်ငံခြားရေးဝန်ကြီး၊ ပြည်ထဲရေးဝန်ကြီး၊ ကာကွယ်ရေးဝန်ကြီးတို့က အဖွဲ့ဝင်များဖြစ်ပါတယ်။ အဲဒီတော့ ဥက္ကဋ္ဌနဲ့ အဖွဲ့ဝင်တွေကြည့်လိုက်လို့ရှိရင် ဒါသည် နိုင်ငံတော်ရဲ့  တရားဥပဒေစိုးမိုးရေး၊ ရပ်ရွာအေးချမ်းသာယာရေး၊ national security, national interests ကို ရည်ရွယ်ပြီးတော့ ပြည့်ပြည့်စုံစုံ စဉ်းစားနိုင်အောင် ဒီအဖွဲ့ဝင်တွေက ဖွဲ့ထားတယ်ဆိုတာကို မြင်သာပါတယ်။ အဲဒီတော့ ဒီအဖွဲ့တွေက အခုနပြောတဲ့ criteria နဲ့ပြည့်စုံမယ်ဆိုရင် အဆင့်ဆင့် မြို့ နယ်ကတဆင့် ထောက်ခံလိုက်လို့ ဗဟိုအဖွဲ့ကို ရောက်လာတယ်ဆိုရင် သတ်မှတ်ချက်နဲ့ ကိုက်ညီတယ်ဆိုရင် သူသည် ပြု-နိုင်ငံသား၊ အင်္ဂလိပ် လို့တော့ naturalized citizen ဟိုတုန်းကတော့ ဧည်နိုင်ငံသား။

ဧည်ဆိုတာက ၈၂ ခုနှစ် မတိုင်ခင်ဆိုရင် ဧည်။ ၈၂ ဥပဒေပေါ်ပြီးတဲ့အခါကြတော့ ပြု ပေါ့။ associated citizen – naturalized citizen. အဲဒါ ရပိုင်ခွင့်ရှိ တယ်။ အဲဒီလို naturalized citizen ဖြစ်သွားပြီးတော့နောက် automatically သူ့ရဲ့  third generation မှာ သူသည် နိုင်ငံ သား ဖြစ်သွား မယ်။ အခုလက်ရှိ ရှိနေတဲ့လူတွေမှာ ပြု-နိုင်ငံသား ရှိတဲ့လူတွေရှိတယ်။ နိုင်ငံသားဖြစ်ပြီးသာလူတွေ ရှိတယ်။ မည်သည့်နိုင်ငံကမှ လောလောဆယ် သံသယဖြစ်ဖွယ်ရှိတဲ့ လူတွေတော့ white card တွေ ပေးထားတာရှိတယ်။ white card သည် temporary identity card. ဒီနိုင်ငံမှာ နေခွင့်ပေးတယ်။ ဒီနိုင်ငံမှာ စားခွင့်ပေးတယ်။ ဒီနိုင်ငံမှာ သွားခွင့်ပေးတယ်။ မဲတောင် ပေးခွင့်ရှိတယ်။ ဆိုတော့ ဘာမှအခွင့်အရေး ဆုံးရှုံးတာ မရှိပါဘူး။ လူမျိုးစုနဲ့ ပတ်သက်တာ သူတို့ စိုးရိမ်ချက်တွေပေါ့။

ဦးသန်းလွင်ထွန်း ။ ။ ဒီအခွင့်အရေးနဲ့ ပတ်သက်လို့ပဲ ဝန်ကြီးလည်းတွေ့မှာပါ။ ပြီးခဲ့တဲ့ ရက်ပိုင်းတွေက အခု နယူးရော့ခ်မြို့ မှာလုပ်တဲ့ အစည်းအဝေးပွဲတွေရဲ့  ရှေ့ မှာ အထူးသဖြင့် ရိုဟင်ဂျာတွေ – ရိုဟင်ဂျာလူမျိုးတွေရဲ့  အခွင့်အရေးဆိုပြီးတော့ တောင်းဆိုမှုတွေ၊ ဆန္ဒပြမှုတွေ မြင်ရပါလိမ့်မယ်။ ဒီ ရခိုင်ပြည်နယ်ဒေသအတွင်းမှာ အခုဒီမှာ ဆန္ဒပြကြသလို ဘင်္ဂလီတွေ၊ ရိုဟင်ဂျာတွေကို အထူးတလည်းများ လူ့အခွင့်အရေး ချိုးဖောက်မှုတွေ၊ နှိပ်စက်ပြုမှုတွေ ရှိနေသလား။ ဘာကြောင့်လဲဆိုတော့ တချိန်တုန်းကဆိုရင်လည်း စစ်အစိုးရ လက်ထက်က ဒီလို လူ့အခွင့်အရေးချိုးဖောက်မှုတွေ ရှိခဲ့လို့ဆိုပြီး ဘင်္ဂလားဒေ့ရ်ှနိုင်ငံဖက်ကို အစုလိုက်အပြုံးလိုက် ထွက်ပြေးခဲ့ရတဲ့ သာဓကတွေရှိခဲ့တယ်။ ဆိုတော့ အခုလောလော ဆယ် အခြေအနေက ဒီဖက်မှာ ဆန္ဒပြနေသလို၊ သူတို့ပြောနေကြသလို ချိုးဖောက်မှုတွေ ရှိနေသလား။

ဦးခင်ရီ ။ ။ အပြင် မီဒီယာတွေကတော့ ဒီလို စွပ်စွဲတာ ရှိပါတယ်။ တကယ့် မြေပြင်မှာတော့ ဒီလို တဖက်စောင်းနှင်း ဖိနှိပ်ချုပ်ချယ်မှုတွေ မရှိပါဘူး။ အခု ရခိုင်မှာ ပြီးခဲ့ တဲ့ မေလ မှာ ပြဿနာဖြစ် တယ်။ ဖြစ်လေဖြစ်ချင်း နိုင်ငံတော်အစိုးရက step by step ဒီကိစ္စကို ဖြေရှင်းခဲ့တယ်။ အကြမ်းမျဉ်းပြောရရင် ဖြစ်ဖြစ်ချင်း ဒီပြဿနာကို ဒီနေရာမှာပဲ ရပ်တန့် သွားအောင် တရား ဥပဒေနဲ့အညီ ထိန်းသိမ်းကာကွယ်တယ်။ ဒုတိယအဆင့်က ငြိမ်သွားပြီဆိုရင် ထပ်ပြန့်မသွားအောင် ကာကွယ်တယ်။ တတိယတခါ ဒုတိယဝန်ကြီး ဦးစီးတဲ့ စုံစမ်းစစ်ဆေးရေးအဖွဲ့ investigation committee ဒု-ဝန်ကြီး ပြည်ထဲရေး ဦးဆောင်ပြီးတော့ အဖွဲ့ဖွဲ့တယ်။ သူကတော့ criminal case နဲ့ ပတ်သက်ပြီးတော့ တကယ့် root cause of the incident ဒါတွေကို ဖော်ထုတ်တာပေါ့။ ဒီမှာ ဘယ်သူတွေ ပါဝင်သလဲ။ ရာဇဝတ်အကြောင်းအရာကို ဖော်ထုတ်တာရှိတယ်။

နောက်ပြီးတော့ မှတ်မိမှာပါ – သြဂုတ်လ ၁၇ ရက်နေ့က လွတ်လပ်သော ကော်မရှင် ၂၇ ဦးပါတဲ့ အဖွဲ့ဖွဲ့တယ်။ နောက် ဒီပြဿနာကိုလည် at present မှာ ဘယ်လိုရှင်းမလဲ။ ရေတို ဘယ်လိုရှင်း မလဲ။ ရေရှည် ဘယ်လိုရှင်းမလဲ။ နောင်ကို ဒီလိုပြဿနာမျိုး တည်ငြိမ်အေးချမ်းမှုကို ထိခိုက်စေတဲ့၊ အတူတကွ မှီတင်းနေထိုင်နေကြတဲ့ ဒီအုပ်စု နှစ်စု ပြဿနာမဖြစ်အောင် ဘယ်လို လုပ်မလဲ ကျနော်တို့ ပြည်တွင်း ပညာရှင်တွေ၊ international ပညာရှင်တွေ ပေါင်းပြီးတော့ workshop တွေ လုပ်တယ်။ အဲဒီက outcomes တွေလည်း ကျနော် တို့ စောင့်နေ တယ်။ နောက် ဒီပြဿနာမျိုး နောက်ထပ်မဖြစ်အောင် စီမံရမှာပါ။ ဟိုမှာတော့ သီးခြားခွဲခြားဆက်ဆံတာပါ။

မွတ်စလင် သတင်းစဉ် နှင့် ဗွီအိုအေ မြန်မာပိုင်း