နိင်ငံမဲ့ လူမျိုးများ စာရင်းမရှိလူမျိုးစုအသစ် အဖြစ် သတ်မှတ်လက်ခံပေးရန် အစီအစဉ် မရှိ

နိုင်ငံမဲ့လူမျိုးများ၊ ခေတ်အဆက်ဆက် နိုင်ငံတွင်း သတ်မှတ်လူမျိုးစုအဖြစ် သတ်မှတ်ခြင်း မခံရသည့် လူမျိုးစုအသစ်များ နိုင်ငံတွင်း ရှိပါက ၄င်းတို့ကို လူမျိုးစုအသစ်အဖြစ် သတ်မှတ်လက်ခံပေးရန် အစီအစဉ် မရှိကြောင်း ပြည်ထောင်စုဝန်ကြီး ဦးခင်ရီက ပြောသည်။

"ပြည်လုံးကျွတ်ကောက်လို့ လူမျိုးစု အဖြစ်သတ်မှတ်နိုင်မယ့် နို်င်ငံမဲ့ လူမျို

းတွေပဲ ဖြစ်ဖြစ်၊ ခေတ်အ ဆက်ဆက် သန်းခေါင်စာရင်းကောက်တာမှာ မရှိတဲ့လူမျိုးစု ပဲ ဖြစ်ဖြစ် တွေ့ရင် သူတို့တွေ မှာ ဘာ အထောက် အထားမှ ခိုင်ခိုင်မာမာ မရှိရင် လ.ဝ.က ဥပဒေအတိုင်း အရေးယူမှာပါ။ လက်ခံပေးမှာ မဟုတ်ဘူး။ ၁၉၄၈ ခုနှစ် မတိုင်ခင် နေတယ်။ အစဉ်နေလာတယ်ဆိုရင် သူတို့ကို White Card နိုင်ငံသား မသေချာတဲ့ အထောက်အထားပဲ ပေးမယ်" ဟု ၄င်းက ပြောသည်။

လက်ရှိတွင် နိုင်ငံသားကတ် ခြောက်မျိုး ထုတ်ပေးလေ့ရှိပြီး နိုင်ငံသား စိစစ်ရေးကတ်၊ အမျိုးသား မှတ်ပုံတင်ကတ်၊ ဧည့်နိုင်ငံသားကတ်၊ နိုင်ငံသားပြုကတ်၊ FRC (အခွန်ဆောင်နေသူ)ကတ်၊ မည် သည့်နိုင်ငံသားအဖြစ် အသိအမှတ်မပြုနိုင်သည့် ကတ်(White Card) များ ထုတ်ပေးလျက် ရှိကြောင်း သိ၇သည်။

"စမ်းသပ် သန်းခေါင်စာရင်း၊ ပြည်လုံးကျွတ်သန်းခေါင်စာရင်း ကောက်လိုက်ရင် ခိုးဝင်သူ ရှိရင် အရေးယူမှာ ဆိုလည်း အဲဒီအချိန် သူတို့ ထွက်ပြေးကြမှာပဲ။ ခုက ဘာလူမျိုးပဲ ဖြစ်ဖြစ် ကောက်မယ်။ ဘာသာလေးခု ရှိတယ်။ နောက် သာသနာရေးက သတ်မှတ်တဲ့ နတ်ဆိုတဲ့ ဘာသာ ရှိတယ်။ ဘာသာကြီးတွေ List လုပ်မယ်။ ဒီမှာ ဘာ ဘာသာမှလည်း မကိုးကွယ်ဘူး။ လူမျိုးတိတိကျကျ မရှိဘူးဆိုရင် အခြားထဲ ထည့်မယ်။ ပြီးရင် လေ့လာမှု လုပ်မယ်။ ဒါကို ထုတ်ပြန်ချင်မှ ထုတ်ပြန်မယ်" ဟု ၄င်းက ပြောသည်။

ထိုသို့ လူမျိုးတစ်စုအဖြစ် လွတ်လပ်ရေးရပြီးနောက်ပိုင်း နေထိုင်သည့် စာ၇င်း မရှိသူများ၊ လူမျိုးစုအဖြစ် တိတိကျကျ အထောက်အထားပြနေနိုင်သူ မရှိသူများ၊ ဘာသာမဲ့ တိတိကျကျ ဖော်ပြနိုင်ခြင်း မရှိသူများကို စိစစ်တွေ့ရှိပါက ၄င်းတို့အပေါ် နိုင်ငံလုံခြုံရေးနှင့် အမျိုးသားစီးပွားရေး အတွက် စိစစ်ကာ မသမာမှု ရှိပါက White Card ထုတ်ပေးခြင်း မပြုဘဲ အရေးယူသွားမည် ဖြစ်ကြောင်း ၄င်းက ပြောသည်။

"နိုင်ငံလုံခြုံရေးအတွက် လုပ်တာပါ။ ဘယ်သူ့ကို မဆို နိုင်ငံတွင်း ဝင်ခွင့် ပေးမှာ မဟုတ်ဘူး။ စိစစ်ဦးမှာ ပါ။ နေသင့်တယ်ဆိုတဲ့ စစ်ဆေးမှု မရရင် ဒါမှမဟုတ် စစ်ဆေးမှုမှာ မသမာမှု ရှိရင် ဘယ်သူ့ကို မဆို အရေးယူသွားမယ်" ဟု ၄င်းက ပြောသည်။

လက်ရှိတွင် နိုင်ငံလူဦးရေမှာ ခန့်မှန်းခြေ ၆၀ ဒဿမ ၉၈ သန်း ရှိကြောင်း ခန့်မှန်းစာရင်း ကောက်ယူမှုအရ သိရသည်။

[The Myanmar Post Global ဂျာနယ်၊ No.83, Friday, November 2, 2012 ၏ စာမျက်နှာ(၆) တွင် ဖော်ပြထားချက် ဖြစ်ပါသည်။ ]
(ဆွေလှိုင်ထူး)