ဂုဏ်သိက္ခာရှိပြီး တိုးတက်တဲ့နိုင်ငံဖြစ်ဖို့ အရေးကြီးကြောင်း ဒေါ်အောင်ဆန်းစုကြည် ပြောကြား

မြန်မာနိုင်ငံဟာ ဂုဏ်သိက္ခာရှိပြီး သာယာဝပြောတဲ့ နိုင်ငံဖြစ်ဖို့ အရေးကြီးတဲ့အကြောင်း ဒေါ်အောင်ဆန်း စုကြည် က အမေရိကန်ပြည်ထောင်စု ဟာဝိုင်ယီကျွန်း ဟိုနိုလူလူမြို့ Rotary International’s Global Peace ညီလာခံ ငြိမ်းချမ်းရေးဆုလက်ခံတဲ့ အခမ်းအနားမှာ စနေနေ့က ပြောကြားခဲ့ပါတယ်။

မြန်မာနိုင်ငံဟာ တိုင်းရင်းသားတွေအားလုံး သင့်သင့်မြတ်မြတ် လက်တွဲနေထိုင်တဲ့ နိုင်ငံဖြစ်ဖို့ လိုအပ်တဲ့ အကြောင်း ဒေါ်အောင်ဆန်းစုကြည် က ပြောကြားသွားတယ်လို့ အဲဒီအခမ်းအနားကို တက်ရောက်ခဲ့တဲ့၊ ယာဝိုင်ယီကျွန်းမှာ နေထိုင်သူ မမီးမီး က ပြောပါတယ်။

မြန်မာနိုင်ငံမှာ ပညာရေးနဲ့ ကျန်းမာရေး ပြုစုစောင့်ရှောက်မှု ကဏ္ဍတွေ နိမ့်ကျနေပြီး နိုင်ငံ တကာအကူအညီတွေ လိုအပ်နေပြီး၊ မြန်မာနိုင်ငံ ငြိမ်းချမ်းရေးနဲ့ သာယာဝပြောရေးအတွက် ကူညီပံ့ပိုးဖို့ ကိုလည်း မိန့်ခွန်းမှာ ထည့်သွင်း ပြောကြားသွားပါတယ်။

ပြည်ပရင်းနှီးမြှုပ်နှံမှုပိုင်းမှာလည်း ကျင့်ဝတ်သိက္ခာနဲ့အညီ ရင်းနှီးမြှုပ်နှံကြဖို့၊ အကူအညီပေးမယ်ဆို ရင် ရောဂါတိုက်ဖျက်ရေး၊ အခြေခံပညာရေး၊ ပဋိပက္ခဖြေရှင်းရေး၊ လူထုဆက်သွယ်ရေး၊ ပတ်ဝန်းကျင် ထိန်းသိမ်းရေး စတဲ့ ကဏ္ဍတွေမှာ ပံ့ပိုးကူညီကြဖို့ ဒေါ်အောင်ဆန်းစုကြည် က တိုက်တွန်းခဲ့ပါတယ်။

ကချင်ပြည်နယ်မှာ အစိုးရတပ်တွေနဲ့ ကချင်လက်နက်ကိုင်တပ်ဖွဲ့တို့ ဖြစ်ပွားနေတဲ့ တိုက်ပွဲတွေကြောင့် လူထောင်သောင်းချီ နေရပ်စွန့်ခွာနေရပါတယ်။ ဒီပဋိပက္ခကို စေ့စပ်ဆွေးနွေးတဲ့နည်းနဲ့ အဆုံးသတ်နိုင် မယ်လို့ ဒေါ်အောင်ဆန်းစုကြည်က မျှော်လင့်ကြောင်းလည်း ပြောကြားခဲ့ပါတယ်။

Rotary Global Peace Foundation ကမ္ဘာလုံးဆိုင်ရာ Rotary ငြိမ်းချမ်းရေးဖောင်ဒေးရှင်းဟာ အဖွဲ့ဝင် တစ်သန်းနှစ်သိန်းရှိတဲ့ နိုင်ငံတကာလူသားချင်းစာနာမှု အကူအညီပေးရေး အဖွဲ့ဖြစ်ပါတယ်။